6 تقنيات مختلفة لوضع البلاشر على الطريقة الكورية

ريهام محمود
ريهام محمود
في
مكياج
685

لما بنفكر اننا نغير في لوك مكياجنا ، غالبا بنغير طريقة رسم الايشادو, الايلاينر, استخدام الوان روج مختلفة ، ولكن البلاشر او احمر الخدود كمان تقدري تغيري فيه ، والنهاردة من خلال موضوعنا هنشارك معاكم 6 تقنيات لوضع البلاشر على الطريقة الكورية.

6 تقنيات لوضع البلاشر على الطريقة الكورية:

البلاشر يمكن من اكتر منتجات المكياج اللي مش واخدة التقدير اللازم او اللي في كتير بيتخطاه في المكياج ، على الرغم انه لو اتعمل بشكل صح ، هيساعد انه يقلل الارهاق وهيدي حيوية للوش ، والاحلى كمان انك تقدري تحطيه بأكتر من طريقة عشان يناسب الاوقات والمناسبات المختلفة.

الطريقة 1: تفاحتين الخد

الطريقة دي مش مطلوب فيها مهارات احترافية عشان تعمليها ، وده معناه انها مناسبة للمبتدئين ، كل اللي هتعمليه انك هتحطي البلاشر على تفاحتين الخد ، الطريقة دي بتدي لوك حيوي ومنعش ، وكمان بتبين الخدود شكلها ممتليء اكتر.

تقنيات لوضع البلاشر 1
تقنيات لوضع البلاشر 1

الطريقة 2: عضمتين الخد

دي تقريبا الطريقة التقليدية ، ومن اكتر الطرق المعروفة واستخدامها شائع ، وهي وضع البلاشر على عضمتين الخد ، الطريقة دي بتبرز العضمتين وبتبين الوش انحف كمان.

تقنيات لوضع البلاشر 2
تقنيات لوضع البلاشر 2

الطريقة 3: على الخد

الطريقة دي بتعتمد على وضع البلاشر على الخد كله.

تقنيات لوضع البلاشر 3
تقنيات لوضع البلاشر 3

الطريقة 4: بلاشر بسيط

لو مش عايزة تعملي لوك قوي بالبلاشر وحابه تعملي لوك بسيط اعتمدي على الطريقة دي ، وهي وضع البلاشر قريب من العين في اعلى جزء من عضم الخدين ، زي ما هو باين قدامنا في الصورة ، الطريقة دي بتبين شكلك اصغر بكتير ، ولكن افتكري بس انك تخلي ايدك خفيفة وانتي بتحطي البلاشر بالطريقة دي عشان ميبقاش تقيل.

تقنيات لوضع البلاشر 4

الطريقة 5: تحت العين

كمان من التقنيات المختلفة للبلاشر هي وضعه تحت العين ، الطريقة دي بتدي لوك بريء للوش ، ولكن حطي في اعتبارك انك متبالغيش في كمية البلاشر.

تقنيات لوضع البلاشر 5

الطريقة 6: تأثير الsun kissed

لما بتقعدي على البحر والشمس بتعمل تأثير على بشرتك ، هي بالظبط التقنية دي ، وهي بتعتمد على وضع البلاشر على طول عضمتين الخد والانف ،عشان تديكي تأثير كأنك كنتي على البحر.

تقنيات لوضع البلاشر 6

مقالات متعلقه

اشهر واحدث تكنيك لوضع البلاشر على التيك توك..اعرفي معانا هو ايه وازاي تعمليه

اشهر واحدث تكنيك لوضع البلاشر على التيك توك..اعرفي معانا هو ايه وازاي تعمليه

خطوات عمل بشرة زجاجية كورية بالمكياج

خطوات عمل بشرة زجاجية كورية بالمكياج

بالفيديو: ازاى تعملى Makeup لكل يوم من الـ Drugstore فى 10 دقايق

بالفيديو: ازاى تعملى Makeup لكل يوم من الـ Drugstore فى 10 دقايق