نصايح للوك شتوي كاجوال وانيق بالحجاب
لو عايزة تبقى مدفية في الشتا وفي نفس الوقت تحافظي على اناقتك ، اقري معانا السطور الجايه ، هنشارك معاكم نصايح للوك شتوي كاجوال انيق ، ومجموعة افكار بالصور تستوحي منهم اللوك الشتوي بتاعك.
نصايح للوك شتوي كاجوال انيق:
في بعض القطع الاساسية اللي المفروض تكون في دولابك في الشتا:
– السكارف.
– الايس كاب.
– الجوانتي.
– بالطو واحذية مقاومة للماية.
– طبقات من الملابس الفضفاضة.
– الجاكيت, البالطو, الهوديز.
لما تيجي تختاري الجوانتي ، اختاري خامه تكون بتدفي زي الصوف ومقاوم للماية.
كمان الايس كاب اعتمدي على الخامات اللي بتدفي ، ويكون مقاسها مناسب ليكي عشان توفرلك التدفئة الكافية.
الاستثمار في ملابس خارجية عالية الجودة:
دايما اختاري الطبقة الخارجية الجاكيت او البالطو يكون خامة جودتها عالية تدفيكي كويس اعتمدي دايما على الصوف او الفرو ، وهتلاقي ستايلات كتير من البالطو او الجاكيت عصرية وانيقة وفي نفس الوقت عملية كمان.
اعتمدي على الطبقات:
في الجوالبارد افضل حاجة ممكن تعتمدي عليها هي الطبقات ، ممكن اول طبقة تكون من خامة خفيفة زي الحرير ، والطبقة اللي في النص ممكن تبقى اي حاجة مناول القطن الخفيف لحد خامة الصوف التقيل ، والطبقة الخارجية تكون بالطو او جاكيت.
البسي الاحذية المناسبة:
مهم انك تلبسي مش بس احذية مريحة وعملية لكن تكون كمان في نفس الوقت عصرية وانيقة ، ممكن تعتمدي على الانكل بوت او البوت الطويل ، واتأكدي انه مقاوم للماية.
الاكسسوارات:
من الاكسسوارات الاساسية للشتا هو السكارف ، وهو مش بس هيضيف للوك بتاعك ولكن كمان هيدفي رقبتك ، كمان الجوانتي من اكسسوارات الشتا اللي هتدفي ايدك في الجو البرد.
الفرو:
الفرو من اكتر القطع الانيقة اللي ممكن تلبسيها في الشتا وهيعلي اللوك بتاعك لمستوى تاني تماما ، ولو انتي حاسه ان الفرو مش عملي بالنسبة لك ، ممكن تعتمدي على جوانتي من الفرو,سكارف, ايس كاب بدل ما تلبسي بالطو كامل من الفرو.
البسي حزام:
ممكن عشان تغيري شكل البالطو وماتلبسيش نفس الشكل طول الشتا ، ممكن تعملي اضافات بسيطة بانك تلبسي حزام ، ده هيغير الشكل وفي نفس الوقت هيحددلك منطقة الوسط ، ممكن تلبسي حزام بنفس لون البالطو ، ولو انتي بتحبي اللوك الجريء اكتر ممكن تختاري حزام بلون مختلف.
