ايه اللي ممكن يحصل لو شربتي 4 كوبايات شاي كل يوم
هل تعرفي ان شرب الشاي ممكن يساعدك على فقدان الوزن, تحسين الذاكرة, واعطاء بشرتك توهج صحي ، على الرغم ان في كتير بيفضلوا انهم يبدأوا يومهم بفنجان قهوة ، الا انه شرب بعض انواع الشاي اللي بتحتوي على نسبة عالية من الكافيين ممكن يكون ليه تأثير افضل ، حتى لو انتي من محبي شرب القهوة ، فشرب الشاي يوميا ليه فوايد صحية كتير ، والنهاردة من خلال موضوعنا هنتعرف على فوايد الشاي الصحية هتخليكي تشربيه كل يوم.
فوايد الشاي الصحية:
1- ممكن يقلل من خطر الاصابة بالسكر:
بيعاني حوالي 1 من كل 10 بالغين من مرض السكر ، بالاضافة ان في كتير من الشباب والاطفال بيصابوا بيه ، لكن احنا عندنا حاجة ممكن تمنعه ، الباحثين اثبتوا ان شرب 4 كوبايات من الشاي او اكتر يوميا ممكن يقلل من خطر الاصابة بمرض السكر.
2- هيفيد بشرتك:
لان شرب الشاي ممكن انه يمنع الاصابة بمرض السكر ، ده ممكن يساعد كمان في منع بعض الامراض الجلدية المزعجة ، لان مرض السكر ممكن يأثر على بشرتك بطرق مختلفة ، بما فيهم الالتهابات البكتيرية والحكة ، على الرغم ان شرب اي نوع من الشاي مفيد لجسمك ، الا ان الشاي الاخضر بشكل خاص مفيد لبشرتك ، لانه بيحتوي على خصائص قوية مضادة للاكسدة ومضادة للالتهابات وثبت فعاليته في علاج حب الشباب والبشرة الدهنية.
3- هيساعد شعرك على النمو بشكل اسرع:
شرب الشاي يوميا ممكن يبقى مفيد لشعرك ، لان الشاي زي ما قولنا بيقلل من خطر الاصابة بمرض السكر ، ده هيساعدك في الحفاظ على شعرك صحي وبيلمع ، لان مرض السكر بيتلف الاوعية الدموية وجسمك مش بيقدر ينقل العناصر الغذائية الاساسية بشكل صحيح لبصيلات الشعر ، وده بدوره بيأثر على نمو الشعر.
4- هيخلي ضوافرك اقوى:
في كتير من العلاجات المنزلية اللي ممكن تساعدك في الحصول على ضوافر قوية ، زي دهنها بالخيار او فركها بالليمون ، لكن شرب الشاي هو اسهل والذ طريقة للعناية بضوافرك ، لو عايزة ضوافرك تبقى مثالية ، جربي شاي عشبة ديل حصان ، بالاضافة انه مشروب صحي خالي من الكافيين ، ثبت انه بيساعد على تقوية الضوافر ومنع تكسرها.
