7 قطع تريندي للخريف في 2022
كل موسم بيبقى ليه اتجاه مختلف في اللبس ، او قطع معينة تعتبر اساسية المفروض تضيفيها لدولابك في الموسم بتاعها ، والنهاردة من خلال موضوعنا هنشارك معاكم 7 قطع تريندي للخريف في 2022.
7 قطع تريندي للخريف:
1- ال Bomber Jackets:
الجاكيت المنفوخ واحد من انسب القطع لموسم الخريف ومناسب انك تلبسيه على ك حاجة تقريبا من اول الملابس الرياضية لحد ملابس العمل ، وهنلاقي منه خامات مختلفة بما فيهم الجلد, والمطبوع.
2- ال Lug Boots:
الستايل ده من البوت ظهر اول مرة في فترة التسعينات ، ورجع موضة تاني في 2022 ، ولكن الجديد منه اخف وزن وعملي اكتر ، تقدري تلبسيه مع الجينز, البنطلون الكلاسيك, او مع الجيبات والفساتين.
3- الجلد:
اي حاجة جلد فهي موضة للموسم ده ، الجلد الطبيعي, الجلد الصناعي, او حتى القماش المطلي اللي بيدي شكل الجلد.
4- درجات اللون البني:
البني بكل درجاته من الوان الخريف الاساسية ، من اول اللون الشوكولاتة لحد اللون الكستنائي والجملي ، تقدري تنسقي البني مع الاسود, الازرق الفاتح, الابيض, الدينيم.
5- البلوفر المطبوع بنقشة النورديك:
كمان البلوفرات من اهم القطع لموسم الخريف ، والسنة دي البلوفر المطبوع بنقشة النورديك بشكل خاص من الحاجات التريندي جدا.
6- شنطة على شكل هلال:
الشنطة الهلالية او اللي واخدة شكل الهلال من الستايلات التريندي للموسم ده.
7- السلاسل الكبيرة:
السلاسل الكبيرة او العريضة من الحاجات الموضة بقالها فترة ، ومكملة معانا في موسم الخريف ده ، ممكن تلبسيها لوحدها او تعملي طبقات ، هي تفصيلة بسيطة جدا ولكن هتضيف للوك بتاعك.
والموضوع مش هيقف عند هنا بس هنلاقي السلاسل داخلة كمان في شنط الايد والاحزمة طول موسم الخريف والشتا.
