10 ستايلات موضة لموسم الخريف تضيفيهم لدولابك

بقلمريهام محمود فيموضة وأزياء visibility221

الخريف يعتبر من افضل مواسم السنة اللي فيها تنوع في اللبس من الطبعات, الستايلات, الالوان الموسمية الجريئة, الخامات المناسبة لجو الخريف اللي بيكون ما بين كل بين المعتدل والبارد ، والنهاردة من خلال موضوعنا هنشارك معاكم 10 ستايلات موضة لموسم الخريف ، تضيفيهم لدولابك.

ستايلات موضة لموسم الخريف:

1- الجلد:

الجلد من انسب الحاجات لموسم الخريف ، الجلد من القطع اللي مش بتبطل ابدا وتقدري تلبسيه كل سنة وانتي مطمنة انه موضة وتريندي ، ويعتبر من الاضافات الاساسية لدولابك ، سواء جاكيت جلد, بنطلون جلد, جيبة جلد, او حتى شنطى الايد الجلد.

ستايلات موضة لموسم الخريف
ستايلات موضة لموسم الخريف

ستايلات موضة لموسم الخريف ستايلات موضة لموسم الخريف

2- الكاروهات والمقلم:

السويتر الصوف من القطع الاساسية لموسم الخريف والشتا ، وبننصحك تضيفي لدولابك الموسم ده النقشة الكاروه والمقلم ألوان مختلفة ، الكاروه والمقلم بيكون حلو جدا لو دمجتيه في اللوك بتاعك كسكارف, بليزر, بنطلون الكلاسيك, كارديجان وجيبة ، وبالتالي قدامك اختيارات كتير تقدري تلبسي بيها الكاروه والمقلم للخريف.

ستايلات موضة لموسم الخريف

3- القطيفة او الجلد المدبوغ:

القطيفة او الجلد المدبوغ كمان من القطع المناسبة جدا لجو الخريف ، وزيه زي الجلد بالظبط مش بيبطل ابدا وتقدري تضيفيه لدولابك وهيدوم معاكي لكل سنة.

ستايلات موضة لموسم الخريف

4- الانكل بوت:

الانكل بوت من الستايلات المناسبة للخريف ، وتقدري تلبسي ستايل البوت بالكعب الرفيع او العريض بلون محايد او جريء لاضافة لمسة من الالوان للوك بتاعك.

5- طبعة الفهد او التايجر:

تقدري تدمجي طبعة الفهد او التايجر في اللوك بتاعك كجيبة, سويتر, سكارف, شوز, اكسسوارات.

6- اللياقة رقبة السلحفة:

اكيد مش هيعدي موضوعنا عن ستايلات الخريف من غير اللياقة رقبة السلحفة ، تعتبر من القطع الاساسية في اي دولاب لموسم الخريف وللجو البارد ، ومن افضل اللوك اللي ممكن تعمليه هو تنسيق اللياقة رقبة السلحفة مع جاكيت جلد وجينز للوك كاجوال ، ومتحصريش نفسك في السويتر رقبة السلحفة بس ، لكن تقدري تنوعي وتلبسي فستان بلياقة عالية.

7- بوت برقبة عالية للركبة:

تقدري تختاري البوت برقبة عالية جلد, جلد مدبوغ, قماش ، كلها مناسبة لموسم الخريف والشتا ، كمان الستايل ده يعتبر اختيار مناسب لو عايزة رجلك تبان اطول وهيكون حلو جدا لو لبستيه على سويتر دريس.

8- السويتر الصوف:

خامة الصوف عموما من الحاجات الاساسية في دولابك للخريف والشتا ، ممكن تلبسي بونشو صوف, كارديجان صوف, سويتر دريس صوف.

9- طبعة زهور غامقة:

طبعة الزهور مناسبة طول السنة ، لكن الزهور الغامقة بشكل خاص مناسبة جدا لموسم الخريف ، وتقدري تلبسي طبعة الزهور الغامقة في الخريف ده في التوب, الاحذية, البليزر, السكارف, الفساتين.

10- تفاصيل بالدانتيل:

الدانتيل مناسب لاي موسم مش بس الخريف ، والدانتيل بدرجات الوان عميقة او بألوان الاحجار الكريمة رائعة في الخريف لاضافة لمسة انثوية للوك بتاعك.

7 طرق لتحسين الستايل بتاعك, وايه الحاجات اللي بتعمليها بشكل غلط

طرق لتحسين ستايلك