تسريحات شعر باستخدام السكارف والباندانا مناسبة للصيف
الباندانا والسكارف من الاكسسوارات اللي ممكن تستغليها بطرق كتير للشعر وخصوصا في فصل الصيف بتكون مناسبة جدا لو حابه تلمي شعرك بطريقة مختلفة ويكون شكله حلو ، والنهاردة من خلال موضوعنا هنشارك معاكم تسريحات شعر باستخدام السكارف والباندانا تستوحي منها اللوك بتاعك.
تسريحات شعر باستخدام السكارف والباندانا:
1- ديل حصان مع ضفيرة فضفاضة Loose braid ponytail:
تسريحة انثوية بسيطة وسهلة جدا ، عبارة عن ديل حصان معمول ضفيرة فضفاضة ، مع سكارف مربوط حوالين ديل الحصان ، حاولي انك تختاري سكارف مناسب للبسك.
2- نص كحكة Half up bun:
تسريحة تانية بسيطة تقدري تدمجي معاها السكارف ، خدي تلت الشعر تقريبا من فوق اربطيه بالسكارف وبعدين لفيه كحكة مع السكارف.
3- تسريحة wire scarf bow:
التسريحة دي هتستخدمي فيها الباندانا السلك او تقدري انتي تعملي اي سكارف عندك وتخيطي فيه سلك وتستخدميه ، وتحطيه بالطريقة زي اللي قدامنا في الصورة.
4- كحكة مع سكارف Tied up bun:
لو بتحبي تعملي تسريحة الكحكة الفوضوية ، المرة الجاية اعمليها بطريقة مختلفة وضيفي سكارف مع الكحكة.
5- سكارف بوهو:
البسي باندانا بوهو مع تسريحة شعر بسيطة ، تسريحة سهلة ومش محتاجة اي مجهود ، ومناسبة جدا للشعر الكيرلي.
6- باندانا مع ضفاير:
الستايل ده من ستايل التسعينات واول الالفينات رجع تاني موضة ، وهي بكل بساطة بتعملي ضفيرتين وبتربطي الباندانا على الراس زي الصورة اللي قدامنا.
7- ربطة شعر مع سكارف:
نفس فكرة النص كحكة اللي شوفناها فوق ، هنا بس بتغيري طريقة لم الشعر وبتعمليه شكل فيونكة مع السكارف.
8- لم الشعر لورا مع الباندانا:
اللوك ده مناسب جدا ليوم صيفي حر ، لانه هيسحب شعرك بعيد عن الوش ويبثى ثابت في مكانه ، جربي سكارف بالوان وطبعات مختلفة.
9- سكارف بربطة جانبية:
تسريحة بسيطة جدا كل اللي هتعمليه هتربطي السكارف على الراس على جنب ، والتسريحة دي مناسبة جدا للايام اللي شعرك فيها مش في افضل حالاته ، او لو عايزة تسريحة شعر سريعة وسهلة.
10- ربطة ريترو:
ربطة بسيطة وانيقة وسهلة ومناسبة لاي مكان ، وبتكون مناسبة جدا مع نضارات الشمس شكل عين القطة.
11- نص ضفيرة مع سكارف:
السكارافات بتكون مناسبة جدا مع الضفاير ، وتقدري تعملي التسريحة دي للوك كاجوال او فورمال.
12- ربطة سكارف بسيطة:
طريقة بسيطة للبس السكارف الحرير ، اربطيها على الشعر بكل بساطة من غير ما تكون الربطة محكمة اوي زي السكارف العادي.
13- هوليوود سكارف:
من اقدم الطرق لاستخدام السكارف ، والطريقة دي تعتبر مثالية مع السكارف الحرير اللي حجمة كبير.
14- شعر قصير مع باندانا:
لو شعرك قصير تقدري كمان تلبسي باندانا ، اربطي الباندانا على الشعر مع قوصة زي ما هو باين قدامنا في الصورة.
15- باندانا بستايل التسعينات:
ربطة بترجع للتسعينات واول الالفينات لكن ما زالت موضة ، ببساطة قسمي شعرك من النص ، والبسي الباندانا ، واسحبي خصلات شعر بسيطة حوالين وشك.