طريقة عمل فاهيتا باستا في الفرن
لكل عشاق الباستا النهاردة هنعرف مع بعض وصفة لذيذة وهي فاهيتا باستا ، طريقتها سهلة وسريعة التحضير ، تعالوا نشوف مع بعض الطريقة بالخطوات والفيديو.
طريقة عمل فاهيتا باستا:
المكونات تكفي تقريبا 6 اشخاص.
المقادير:
– 1 حبة فلفل اصفر ، متقطعة شرايح.
– 1 حبة فلفل اخضر ، متقطعة شرايح.
– 1 حبة فلفل احمر ، متقطعة شرايح.
– 2 ½ كوباية (185 جرام) مشروم، متقطع شرايح ، وممكن تستبدلي المشروم بصدور فراخ متقطعة مكعبات.
– 1 بصلة متوسطة ، متقطعة مكعبات.
– 1 معلقة كبيرة فلفل حار بودر.
– 1 معلقة كبيرة بابريكا.
– 1 معلقة كبيرة ثوم بودر.
– 1 معلقة كبيرة كمون.
– 1 معلقة صغيرة ملح.
– 1 معلقة صغيرة فلفل اسود.
– 3 معالق كبيرة زيت زيتون.
– 4 كوبايات (400 جرام) مكرونة قلم.
– 1 ½ كوباية (345 جرام) كريمة طبخ.
– 3 كوبايات (300 جرام) جبنة بارميزان او موتزاريلا مبشورة.
– بقدونس فريش مفروم ، للتزيين.
طريقة التحضير:
1- سخني الفرن على درجة حرارة 200 درجة مئوية.
2- في صينية فرن غير قابلة للالتصاق ، ضيفي الفلفل الالوان, المشروم, البصل.
3- في طبق صغير اخلطي الفلفل الحار البودر, البابريكا, الثوم البودر, الكمون, الملح, والفلفل الاسود.
4- ضيفي على الخضار في الصينية زيت الزيتون ونص كمية خليط التوابل ، وقلبي كل المكونات مع بعض كويس.
5- دخلي الخضار الفرن لمدة 30 دقيقة ، مع التقليب من وقت للتاني لحد ما الخضار يستوي.
6- في حلة كبيرة فيها ماية مغلية ، اسلقي المكرونة حد ما تستوي.
7- صفي المكرونة ، واحتفظي بحوالي 1 كوباية (240 مل) من ماية السلق.
8- رجعي المكرونة في الحلة تاني وضيفي لها الخضار اللي شوناه في الفرن, وباقي كمية خليط التوابل, وكوباية ماية سلق المكرونة, وكريمة الطبخ ، وقلبيهم كلهم مع بعض كويس.
9- انقلي خليط المكرونة في الصينية اللي شوينا فيها الخضار وافرديها كويس في الصينية بالتساوي ، ورشي على الوش الجبنة المبشورة.
10- دخلي الصينية الفرن حوالي 15 دقيقة ، لحد ما الجبنة تسيح ولونها يبقى بني دهبي.
11- خرجيها من الفرن وسيبيها تبرد شوية لمدة 5 دقايق ، بعدها قطعيها ورشي عليها البقدونس المفروم قدميها.
الطريقة بالفيديو:
بـ5 مكونات بس..أعملي أحلى طبق لحمة بالبطاطس وفي ربع ساعة بس
