طريقة عمل فطيرة بريتزل فراولة للصيف Strawberry Pretzel Pie
فطيرة الفراولة من غير خبز في الفرن ، من انواع الحلويات الباردة المناسبة بشكل خاص لموسم الصيف ، وتحضيرها سهل وسريع ، وواحدة من اكتر الحلويات اللي ممكن تعمليها في الايام الحر ، تعالوا نشوف مع بعض طريقة عمل فطيرة بريتزل فراولة بالخطوات.
فطيرة بريتزل فراولة:
المقادير:
– 4 كوبايات برتزل.
– 6 معالق كبيرة زبدة, سايحة.
– ¼ كوباية سكر.
– ¾ كوباية ماية مغلية.
– علبة (170 جرام) جيلي فراولة.
– ¼ كوباية عصير ليمون.
– 454 جرام فراولة طازة, متقطعة.
– 2 كوباية كريم شانتيه (كريمة الخفق), متقسمين.
– برطمان (198 جرام) مارشيملو كريمي.
– 2/3 كوباية جبنة كريمي مخفوقة.
– 2/3 كوباية حليب مكثف محلى.
طريقة التحضير:
1- حطي البرتزل في الكبة بتاعة الخلاط ، اضربيه لحد ما يتفرم ، ضيفي له الزبدة والسكر ، واضربيهم مع بعض لحد ما المكونات تمتزج كويس ، احتفظي ب 1/3 كوباية من خليط البريتزل للتزيين في الاخر ، وباقي الخليط حطيه في صينية مدهونة وساويه واضغطي عليه عشان يتماسك في بعضه ، ودخليه التلاجة لمدة 30 دقيقة.
2- اثناء الوقت ده ، هاتي طبق كبير وضيفي فيه الماية المغلية مع علبة الجيلي ، وقلبيهم لمدة دقيقتين لحد ما الجيلي يدوب تماما ، وبعدين ضيفي عصير الليمون ، دخلي الخليط في التلاجة لمدة 30 دقيقة مع التقليب كل شوية من وقت للتاني.
3- افرمي نص كمية الفراولة ، والكمية الباقية قطعيها شرايح واحتفظي بيها للتزيين ، اضربي 1 كوباية كريم شانتيه لحد ما تبقى سميكة ومتماسكة ، طلعي خليط الجيلي من التلاجة وضيفي له المارشميلو الكريمي, الجبنة الكريمي, والحليب المكثف واضربيهم مع بعض لحد ما يمتزجوا ، اخلطي الفراولة المفرومة مع الكريم شانتيه ، وصبيها فوق طبقة البريتزل اللي حضرناها في الصينية.
4- غطي الفطيرة ودخليها التلاجة ، لحد ما تتماسك ، لمدة 4 – 6 ساعات ، اضربي الكوباية الباقية من الكريم شانتيه ، ووزعيها على الفطيرة من فوق ، وحطي فوقيها الفراولة والبريتزل.