وصفة كورية قديمة للتخلص من التجاعيد في 7 ايام وهتخلي بشرتك اصغر 10 سنين
مع التقدم في العمر وتعابير الوش من الضحك والزعل وغيرها ، كل الحاجات دي مع الوقت بتسيب تجاعيد وخطوط رفيعة على البشرة ، وفي كتير من المنتجات في السوق لعلاج التجاعيد ، ولكن القليل منها بس هو اللي فعال ده ان وجد فعلا ، بالاضافة انها مليانة بالمواد الكيميائية اللي ممكن تسبب اضرار تانية للبشرة ، طيب ايه البديل؟ افضل بديل هو كريم طبيعي 100% من مكونات طبيعية خالية من اي مواد ممكن تضر البشرة ، والنهاردة هنتعرف مع بعض على وصفة كورية لعلاج التجاعيد في 7 ايام بس.
فوايد ومميزات كريم التجاعيد الطبيعي:
– سهل التحضير
– كل مكوناته رخيصة وموجودة في مطبخك.
– الكريم بيساعد على ترطيب البشرة, ازالة التجاعيد عن طريق ترطيب الجلد وزيادة مرونته.
– الكريم ممكن يستخدم على اي نوع من انواع البشرة.
– الكريم هيديكي فوايد دايمة ، ولكن هتلاحظي الفرق من اول 7 ايام بس.
وصفة كورية لعلاج التجاعيد:
المكونات:
– 1 صفار بيضة.
– 1 معلقة كبيرة زيت زيتون.
– 2 معلقة صغيرة من زيت جوز الهند.
– 1 معلقة صغيرة عسل.
طريقة التحضير:
اخلطي كل المكونات لحد ما تحصلي على مزيج ناعم ، كده الكريم يبقى جاهز ، انقليه في برطمان صغير ، واحفظيه في التلاجة للاستخدام.
طريقة استخدام الكريم:
اغسلي وشك بماية دافية ونشفيه كويس ، وادهني بشرتك كلها بالكريم مع تدليك خفيف ، افضل وقت لوضع الكريم هو قبل النوم على طول ، يعني ادهنيه ونامي عادي واغسليه الصبح ، هتلاحظي الفرق على بشرتك مباشرة وهتحسي بنعومة.
استمري على وضع الكريم يوميا لمدة 7 ايام ، وبعدها استخدميه مرة واحدة في الاسبوع.
