12 حيلة بسيطة هتساعدك يبقى مظهرك صحي وجميلة من غير مجهود
كلنا دايما في حالة بحث عن الحاجات اللي ممكن نعملها عشان نخلي صحتنا ومظهرنا احسن ، من منتجات, وصفات, نصايح ، لكن الواقع في حيل هتخلي مظهرك افضل وشكلك احلى ، من غير مجهود ولا ميزانية زيادة ، تعالوا نتعرف عليها في السطور الجاية.
حيل هتخلي مظهرك افضل:
1- استخدمي ورق الالومنيوم على شعرك:
ورق الالومنيوم ممكن يبقى مفيد للشعر بطريقتين ، الطريقة الاولى ممكن استخدامه لتغطية شعرك اثناء عمل ماسك وبالتالي هتحافظي عليه على شعرك من غير ما يوقع ، بالاضافه انه بيحبس الحرارة ، وده هيحافظ ان الشعر يفضل دافي وهيزود من تأثير الماسك او البلسم.
الطريقة التانية ، هي انك ممكن تستخدمي ورق الالومنيوم للتخلص من كهربة وهيشان الشعر ، كل اللي هتعمليه هتمشي قطعة من ورق الالومنيوم على شعرك ولاحظي النتيجة بعدها.
2- استخدمي قطعة قماش من الشاش لتنضيف بشرتك:
الاقمشة الشاش بتكون مصنوعة من طبقات خفيفة من القطن ، وبتبقى ناعمة ولطيفة على البشرة ، تقدري تستخدميها لتقشير وتنضيف البشرة بشكل لطيف ، حتى لو بشرتك حساسة اوي ، ممكن تستخدميها لتدليك بشرتك مع الغسول, لوضع التونر, تقشير الشفايف, وعمل كمادات باردة للبشرة.
3- كلي توت لبشرة نضرة وصحية:
التوت مليان بمضادات الاكسدة ، اللي بتحارب الضرر اللي بتسببه الجذور الحرة على البشرة, بتساعد على تعزيز الدورة الدموية, بتقلل من مشاكل حل الشباب, بتعزز الكولاجين ، وده هيخلي بشرتك شباب اكتر وصحة ونضرة ، ممكن تاكلي كوباية توت يوميا بأشكال مختلفة ، طازة, كاضافة للحلويات, مع فواكة تانية في العصاير, في السلطات, وغيرها من الطرق.
4- مهما كان مقدار التمرين البدني اللي بتعمليه, هيفيد جسمك بشكل كبير حتى لو بسيط:
كلنا عارفين فوايد التمارين الرياضية لجسمنا ، لكن دايما البداية بتكون صعبة ، وفي كتير من الاحيان مش بنلاقي وقت للتمرين في يومنا ، لكن احنا بنقولك ان الدراسات اثبتت ان التدريبات المكثفة لمدة 3 دقايق بس في الاسبوع ممكن تحسن صحتك بشكل ملحوظ.
5- ماتخرجيش من البيت من غير نضارة شمس:
الجلد حوالين العين بيكون حساس جدا ، وعشان تحميه من التجاعيد والسرطان ولحماية عينيكي كمان من الاثار الضاره لاشعة الشمس ، ضروري تلبسي نضارة شمس وانتي بره البيت ، حتى اثناء فترة الشتا والجو مغيم.
6- حطي في اعتبارك قيلولة بعد الضهر لو وقت شغلك بيسمح بده:
كتير من الناس ممكن يكونووا بيشوفوا نوم النهار ده مضيعة للوقت ، ولكن الحقيقة ان الخبراء اكدوا انه بيحسن فعلا من اداءك ، بالاضافة انه هيخليكي اكتر صحة وجمال ، قيلولة بعد الضهر او زي ما بتتمسى بقيلولة الطاقة ليها فوايد لبشرتك مضادة للشيخوخة ، بالاضافة انها بتساعد على توحيد لون البشرة.
7- اعملي مساج للوجه يوميا:
تدليك الوجه تقدري تعمليه بنفسك في البيت ، ليه فوايد كتير للبشرة وبيخليها اكتر صحة وشباب ، ممكن انه يساعد في مكافحة حب الشباب, تحسين تدفق الدم, هيخلي البشرة متوهجة ونضرة ، لكن قبل المساج اتأكدي من نضافة ايدك ووشك وماتنسيش استخدام بعض الزيت, سيروم, او منظف مرطب ، اعملي تدليك لطيف بضغط خفيف وثابت على البشرة ، ركزي على تدليك كل منطقة من الوش لمدة 20 – 30 ثانية.
8- قصي شعرك بانتظام:
قص الشعر مهم عشان تحافظي عليه صحي ، المفروض كام مرة تعملي ده؟ ، ده بيعتمد لحد كبير على طوله وكثافته والستايل بتاعه ، على سبيل المثال ، لو عندك قوصة ، المفروض تقصي شعرك مرة كل اسبوعين ، والشعر الطويل ممكن تسيبيه فترة اطول وتقصيه كل 3 – 6 شهور ، اما الشعر الناعم ممكن يتقص مرة كل 6 اسابيع ، والشعر الكثيف يتقص مرة كل 3 شهور.
9- استخدمي مستحضرات العناية بالبشرة اللي بتحتوي على فيتامين سي:
الفيتامينات مفيدة جدا بشكل عام ، ومش بس الفيتامينات اللي بناكلها ، ولكن كمان فيتامين سي المضاف لمستحضرات العناية بالبشرة بيساعد انه يخلي البشرة ناعمة ونضرة ، بالاضافة لخصائصه المضادة للشيخوخة ، والميزة فيه انه آمن لمعظم انواع البشرة ، بما فيهم البشرة الحساسة.
10- التزمي بالترتيب الصحيح في روتين العناية ببشرتك:
زي ما قولنا ماتخرجيش من البيت من غير نضارة شمس ، كمان واقي الشمس لازم يكون جزء من روتينك اليومي لو عايزة تحافظي على بشرتك صحية وشابة ، حتى لو الجو مغيم ماتستغنيش عن واقي الشمس ، والخبراء بينصحوا بالروتين البسيط ده:
– الغسول.
– التونر.
– السيروم او المرطب.
– واقي الشمس بعامل حماية 30 او اكتر.
11- حافظي على تليفونك نضيف:
الحقيقة ان مجرد تنضيف البشرة مش هو ده بس اللي هيحافظ عليها نضيفة ، لكن لازم كمان نخلي بالنا من كل حاجة بتلمس بشرتنا انها تكون نضيفة ، وده بينطبق بشكل خاص على تليفوناتنا لان شاشة التليفون تعتبر بيئة مثالية لنمو البكتيريا ، وده السبب اللي ممكن يكون ورا ظهور حبوب وبثور على منطقة الخدين.
12- استخدمي فرشة الاسنان على البيبي هير:
مشكلة البيبي هير كتير من الاشخاص بيعانوا منها خصوصا عند رفع الشعر بتظهر اكتر ، ولكن في طرق تقدري تتحكمي بيها في البيبي هير ، ومنها استخدام فرشة الاسنان مع سبراي مثبت للشعر ، رشي من السبراي على الفرشة وسرحي بيه البيبي هير ، ولو مش متوفر عندك سبراي مثبت للشعر ، ممكن تستخدمي بداله مرطب الشفايف مع الفرشة للتخلص من تطاير الشعر.
