8 علامات تحذيرية جسمك بيقولهالك المفروض متتجاهليهاش

ريهام محمود
ريهام محمود
في
صحة
1010

اجسامنا بتنبهنا لحاجات كتير بطرق مختلفة ، لكن احنا مش دايما بنسمع لجسمنا ، الحقيقة اننا نقدر نتواصل مع اجسامنا ، اللي في اوقات كتير بيتكلم معانا من خلال تغييرات مختلفة بتحصل فيه ، والنهاردة من خلال موضوعنا هنتعرف مع بعض على علامات تحذيرية من جسمك ورسايل بيبعتهالك المفروض انك متتجاهليهاش ابدا.

علامات تحذيرية من جسمك:

1- جلد مصفر:

لون الجلد المصفر ، اللي بينتج في الغالب من مشاكل اليرقان والكبد ، وده اللي بيأدي للحالة دي للجلد ، لانها بتخلي الجسم فيه مستويات عالية من البيليروبين (صبغة صفراوية) بيكون مستحيل على جسمك التخلص منها ، ونتيجة لده ، الجلد وبياض العين بياخدوا مسحة صفرا.

علامات تحذيرية من جسمك 1
علامات تحذيرية من جسمك 1

2- بقع بيضا على الضوافر:

البقع البيضا ممكن تظهر بسبب اصابة في الضوفر او عادة قضم الاظافر ، ومع ذلك لو انتي مش بتعاني من المشاكل دي ، وما زال بيظهر عندك بقع بيضا ، ممكن تبقى مشكلة صحية مش ظاهرة ، وفي معظم الاحيان بيكون السبب نقص في الزنك, الكالسيوم, او البروتين.

علامات تحذيرية من جسمك 2
علامات تحذيرية من جسمك 2

3- زوايا شفايف متشققة:

ممكن تظهر تشققات او بثور في زوايا الشفايف لاسباب كتير ، ممكن تكوني مصابة بالجفاف وجسمك مش مترطب كفاية, او بتتعرضي كتير لاشعة الشمس ، بالاضافة كمان ، انه حتى معجون الاسنان العادي او احمر الشفايف اللي بتستخدميه غالبا ممكن يكون السبب.

علامات تحذيرية من جسمك 3
علامات تحذيرية من جسمك 3

4- تضخم الاظافر (تعجر الاظافر):

تقوس الاظافر حوالين الصوابع دي مشكلة بتظهر للاشخاص اللي بيعانوا من مشاكل الرئة المزمنة ، ممكن يحصل كمان بسبب بعض امراض الجهاز الهضمي ، لو ما تمش علاجها في الوقت المناسب ، الضوافر بتتضخم وبتنحني لتحت.

علامات تحذيرية من جسمك 4
علامات تحذيرية من جسمك 4

5- قروح الفم:

ممكن تحصل تقرحات مؤلمة في الفم بسبب التغيرات الهرمونية او الاجهاد العاطفي ، ومن الاسباب التانية كمان اللي ممكن تحصل بسببها ظهور القروح هي نقص فيتامين B12.

علامات تحذيرية من جسمك 5

6- نتؤات او بثور الجفون:

البثور الصغيرة على الجفون (الدمل) ، عادة بتظهر قرب الرموش وبيبقى في الم كل ما ترمشي ، وممكن كمان تسببلك حكة ، ودي بتظهر على الجلد عادة لو كنتي مصابة بالسكر او جلدك جاف اوي ، ممكن كمان تكون علامة على ضرورة تغيير العدسات اللاصقة او فرش المكياج.

علامات تحذيرية من جسمك 6

7- حلقة حول قرنية العين:

لو دققتي النظر على قرنية عينك ولاحظتي وجود حلقة زرقا, رمادية, او بيضا حواليها ، ده معناه ان عندك رواسب من الدهون في جسمك ، المستويات العالية من الكوليسترول بتخلي الحلقات دي تظهر مباشرة على عينيك ، وفي النهاية تقريبا كل الاشخاص هيصابوا بيها مع التقدم في السن ، ولكن مع ذلك لو لاحظتي ظهورها في سن صغير ، ده معناه ان في مشكلة ، وضروري تروحي لدكتور متخصص.

علامات تحذيرية من جسمك 7

8- بقع حمرا غامقة على اللسان:

اللسان الاحمر مش بس علامة على العدوى ، ولكن ايضا علامة لحب الشباب ونقص الفيتامينات ، وسبب تاني محتمل وهو الحمى القرمزية ، واللي ممكن تخلي اللسان لونه شاحب ولكن مع ظهور بقع حمرا غامقة ، بالاضافة ، ممكن الهربس الفموي كمان يأدي لظهور البقع الحمرا.

علامات تحذيرية من جسمك 8

التنفس الصح.. اعرفي إيه ممكن يحصل لو اتنفستي من فمك بدل أنفك؟

التنفس الصح.. اعرفي إيه ممكن يحصل لو اتنفستي من فمك بدل أنفك؟
التنفس الصح.. اعرفي إيه ممكن يحصل لو اتنفستي من فمك بدل أنفك؟

مقالات متعلقه

افضل 8 وجبات خفيفة بعد التمرين لانقاص الوزن وزيادة العضلات

افضل 8 وجبات خفيفة بعد التمرين لانقاص الوزن وزيادة العضلات

علامات بيديهالك جسمك تعتبر تحذيرات مهمة لمشاكل صحية

علامات بيديهالك جسمك تعتبر تحذيرات مهمة لمشاكل صحية

الاطعمة اللي ممكن تاكليها على معدة فاضية واللي تتجنبيها

الاطعمة اللي ممكن تاكليها على معدة فاضية واللي تتجنبيها