طريقة عمل وصفة ميني تشيز كيك سهلة

ريهام محمود
ريهام محمود
795

لو انتي من عشاق التشيز كيك ، النهاردة هنقولكم طريقة سهلة لعمل التشيز كيك وهي وصفة ميني تشيز كيك ، الميزة في الطريقة دي ان كل واحدة تشيز كيك تقدري تضيفي لها نكهات صوص مختلفة وتنوعي ما بين صوص الفراولة, الكراميل ، وغيرها حسب ما تفضلي ، تعالوا نشوف في السطور الجاية الطريقة بالخطوات والفيديو.

وصفة ميني تشيز كيك:

للوصفة دي هتحتاجي ياما صينية كب كيك او صينية مافن او قوالب منفصلة ، اي حاجة متوفرة عندك بحجم صغير.

المقادير:

مقادير طبقة البسكويت:

– 1 ½ كوباية بسكويت مطحون.

– 3 معالق كبيرة سكر.

– 4 معالق كبيرة زبدة غير مملحة سايحة.

مقادير طبقة الجبنة:

– 455 جرام جبنة كريمي بدرجة حرارة الغرفة.

– ½ كوباية سكر.

– 2 بيضة كبيرة بدرجة حرارة الغرفة.

– ½ كوباية ساور كريم (كريمة حامضة) بدرجة حرارة الغرفة.

– 1 معلقة صغيرة فانيليا.

وصفة ميني تشيز كيك 1
وصفة ميني تشيز كيك 1

طريقة التحضير:

1- سخني الفرن على درجة حرارة 180 درجة مئوية ، حضري صينية الكب كيك وحطي فيها ورق الكب كيك وخليها على جنب.

2- في طبق اخلطي البسكويت المطحون مع السكر ، وقلبيهم كويس مع بعض ، ضيفي الزبدة السايحة وقلبيهم مع بعض لحد ما يمتزجوا كويس ، قسمي خليط البسكويت على 18 واحدة كب كيك ، واضغطي عليها بقعر كوباية ضغط قوي عشان تتماسك مع بعض كويس وسيبيها على جنب.

وصفة ميني تشيز كيك 2
وصفة ميني تشيز كيك 2

3- دلوقتي هنحضر خليط الجبنة ، في طبق ضيفي الجبنة الكريمي واضربيها لحد ما تبقى ناعمة ، ضيفي لها السكر ، واخلطي لحد ما الخليط يبقى ناعم ، بعدها ، ضيفي البيض واخلطي لحد ما يمتزج كويس ، ضيفي الكريمة الحامضة واخلطي كويس ، اخر حاجة ضيفي الفانيليا واخلطي لحد ما تمتزج كويس مع باقي المكونات ، لكن اتأكدي عدم الافراط في الخلط ، اخلطي بس لحد ما يتم دمج كل مكون مع الخليط.

وصفة ميني تشيز كيك 3
وصفة ميني تشيز كيك 3

4- وزعي خليط الجبنة بالتساوي فوق البسكويت اللي حضرناه في قوالب الكب كيك ، اخبطي صينية الكب كيك على الرخامة بالراحة عشان تساوي السطح وازالة اي فقاعات هوا زيادة.

وصفة ميني تشيز كيك 4

5- دخلي الصينية الفرن لمدة 17 – 19 دقيقة ، او لحد ما تحسي ان خليط الجبنة تماسك ، وممكن سطح التشيز كيك يتشقق شوية مافيش مشكلة ده طبيعي ، بعدها خرجي التشيز كيك من الفرن وسيبيه يبرد تماما قبل ما تطلعيه من الصينية ، ولما يبرد ممكن خليط الجبنة يبنزل او يهبط شوية من النص ده طبيعي.

وصفة ميني تشيز كيك 5

6- دخلي التشيز كيك في التلاجة لوقت التقديم ، عند التقديم تقدري تضيفي عليه من فوق اي نوع صوص تفضليه ، ممكن تضيفي صوص فراولة مع قطع فراولة, كريز, كراميل, او كريم شانتيه.

وصفة ميني تشيز كيك 6

 الطريقة بالفيديو:

مقالات متعلقه

طريقة عمل كيك الصفوف اللبنانية

طريقة عمل كيك الصفوف اللبنانية

وصفة التفاح الكريسبي مع الشوفان

وصفة التفاح الكريسبي مع الشوفان

كيكة شوكولاتة سهلة وسريعة بمكونين اتنين بس

كيكة شوكولاتة سهلة وسريعة بمكونين اتنين بس