10 حيل بسيطة وعبقرية كل بنت محتاجة تعرفها

ريهام محمود
ريهام محمود
760

بالنسبة لنا احنا كبنات ممكن الحياة تبقى مرهقة اكتر لينا في حاجات كتير ، ولكن في حيل بسيطة وفعالة في نفس الوقت ممكن تعمليها تسهل عليكي حاجات كتير ، وهتخليكي تحسي باحساس افضل ، والنهاردة من خلال موضوعنا هنشارك معاكم 10 حيل للبنات محتاجة تعرفيهم ، ممكن تفيدك خلال يومك.

حيل للبنات:

1- لتقليل تقلصات الدورة الشهرية:

لتقليل آلام الدورة الشهرية ، خدي الطرف المطاطي من القلم الرصاص ، ودلكيه في الشق العلوي للاذن لمدة دقيقة واحدة ، وبعدها اعملي نفس الحركة للاذان التانية.

حيل للبنات 1
حيل للبنات 1

2- لتجنب حروق الحلاقة بعد ازالة الشعر بالمكنة:

لتجنب حروق الحلاقة بعد استخدام المكنة ، اول حاجة استخدمي كريم حلاقة او صابون خالي من العطور ، وقشري بشرتك تاني يوم بعد الحلاقة ، لان المنتجات المعطرة غالبا بتحتوي على مكونات ممكن انها تسبب تهيج للجلد ، عشان كده الافضل تجنب العطور تماما ، بالاضافة كمان ان التقشير بعد الحلاقة بيساعد على التخلص من الشعر المحبوس تحت الجلد ، وده هيقلل من احتمالية ظهور بثور او حبوب بعد الحلاقة.

حيل للبنات 2
حيل للبنات 2

3- لتخفيف تقلصات الدورة الشهرية:

عسر نزول الدورة الشهرية ، ممكن يسبب تقلصات مؤلمة اثناء الدورة الشهرية او قبلها بفترة صغيرة ، ممكن تعاني من تقلصات اسفل البطن, الضهر, الفخدين ، لتخفيف التقلصات ابدأي خدي مسكنات الالم قبل يوم من توقع نزول الدورة الشهرية.

حيل للبنات 3
حيل للبنات 3

4- ازاي تغسلي الشعر الدهني:

لو شعرك دهني ، استخدمي البلسم قبل الشامبو ، تقنية غسل الشعر بطريقة عكسية ممكن تساعد الاشخاص اللي شعرهم دهني على تغذية وترطيب الشعر من غير ما يخليه دهني اكتر.

حيل للبنات 4
حيل للبنات 4

5- لازالة بقع الزيت:

ممكن تتخلصي من بقع الزيت من على الهدوم عن طريق وضع بودرة اطفال على البقعة وسيبيها لحد ما تمتص الزيت ، بودرة التلك بتملى الفراغات اللي بين الياف الهدوم ، وده بيسهل امتصاص الدهون ، بعد ما تسيبي البودرة طول الليل ، افركي البودرة بفرشة اسنان ناعمة.

حيل للبنات 5
حيل للبنات 5

6- لازالة علامات مزيل العرق:

في حاجات كتير ممكن تسبب بقع الملابس ، لانها في معظم الحالات بتحصل بسبب تفاعل دهون الجسم مع منظفات الغسيل واملاح الالومنيوم ، يعني البقع الصفرا ممكن تتكون لاسباب تانية غير مزيلات العرق ، لان دهون الجلد ممكن تلطخ الملابس لما تختلط بجزيئات العرق والبكتيريا.

وعشان تتخلصي من الاتنين ، اخلطي بيروكسيد الهيدروجين (ماء الاكسجين) مع صابون غسيل الاطباق وصودا الخبز (الكربوناتو) ، بعدها حطي المزيج على فرشة اسنان وافركي البقعة ، الطريقة دي تقدري تعمليها على الملابس البيضا, السودا, والملونة.

حيل للبنات 6

7- للتوفير في ميزانيتك:

الدراسات اظهرت ان منتجات العناية النسائية بتكون اغلى بنسبة 56% ، وممكن عشان توفري في ميزانيتك شوية ، ممكن تشتري مكنة الحلاقة ومزيلات العرق الرجالي ، بتكون ارخص وغالبا بتشتغل بشكل افضل.

حيل للبنات 7

8- لفتح غطا البرطمان بسهولة:

مشكلة دايما بتقابلنا هي صعوبة فتح غطا البرطمان اول مرة ، وعشان تسهلي فتحه حطي الغطا تحت ماية سخنة لمدة دقيقة واحدة ، بعدها هتقدري تفتحيه من غير اي مساعدة.

حيل للبنات 8

9- لتنضيف طاسة محروقة:

لو عايزة تنضفي طاسه او حلة محروقة ، اغلي فيها ماية مع صودا الخبز (الكربوناتو) ، وبعدها اغسليها ، صودا الخبز تعتبر مادة كيميائية قوية للتنضيف لانها مادة قلوية معتدلة بتساعد على اذابة الاوساخ والدهون بسهولة في الماية ، وده بيسمح بازالتها بسهولة.

حيل للبنات 9

10- لتنضيف بقع الدورة الشهرية:

لو بتحاولي تتخلصي من بقع الدورة الشهرية من الملابس الداخلية ومش عارفة ، ممكن تستخدمي بيروكسيد الهيدروجين (ماء الاكسجين) لتنضيفها ، ماء الاكسجين هو مطهر يستخدم لعلاج الجروح الجلدية وقتل الجراثيم ، وكتير بيستخدم في الحالات غير الطبية ، زي تنضيف وتظهير وازالة البقع ، كل اللي هتعمليه انقعي الملابس في جردل فيه ماية مع كوباية من بيروكسيد الهيدروجين لمدة 30 دقيقة ، البقع هتطلع معاكي بسهولة.

حيل للبنات 10

مقالات متعلقه

7 حيل هتخلي روتينك اليومي اسهل

7 حيل هتخلي روتينك اليومي اسهل

حقائق مثيرة للاهتمام عن حاجات وعادات يومية

حقائق مثيرة للاهتمام عن حاجات وعادات يومية

10 طرق مضمونة هتنقذك من حر الصيف بالليل وتوفرلك نوم مريح

10 طرق مضمونة هتنقذك من حر الصيف بالليل وتوفرلك نوم مريح