7 نصايح هندية هتساعدك على تكثيف ولمعان شعرك

ريهام محمود
ريهام محمود
في
شعر
1314

في عوامل كتير ممكن تأثر على صحة شعرنا وتمنع نموه ، وفي الحالة دي عشان نصلح المشكلة اول حاجة بنلجأ لها هي المنتجات الغالية ، ولكن المتخصصين الهنود بيقترحوا عليكي طرق بسيطة ولكن فعالة من غير ما تصرفي فلوس كتير ، والنهاردة من خلال موضوعنا هنشارك معاكم 7 نصايح هندية لشعر صحي ، هتساعدك على تقوية وتكثيف شعرك.

نصايح هندية لشعر صحي:

1- خلي اخر شطفه للشعر بماية باردة:

اثناء الاستحمام استخدمية الماية السخنة لانها بتدوب الدهون اللي بتضر بشرتك وشعرك ، ولكن في نفس الوقت الماية الباردة افضل بكتير للشعر من الماية السخنة ، لان شطف الشعر بالماية السخنة بيجرد الشعر من الدهون المغذية المفيدة.

عشان كده المتخصصين الهنود قالوا ان الماية الدافية مفيدة بس في مرحلة غسل الشعر بالشامبو ، ولكن الماية الباردة هي مرحلة الترطيب ، لان الماية الباردة بتحبس الرطوبة جوه الشعر.

نصايح هندية لشعر صحي 1
نصايح هندية لشعر صحي 1

2- دلكي فروة راسك لمدة 4 دقايق كل يوم:

المتخصصين الهنود بينصحوا بتدليك الراس بالزيت الدافي لتعزيز قوة ونمو الشعر ، واضافوا كمان ان 4 دقايق من تدليك فروة الراس يوميا لمدة 24 اسبوع بانتظام اظهرت نتيجة ايجابية.

نصايح هندية لشعر صحي 2
نصايح هندية لشعر صحي 2

3- استخدمي الزيت المناسب لفروة راسك:

الجفاف وقشرة الراس دول يعتبروا مشكلتين مختلفين وكمان كل فروة راس بتحتاج لعلاج خاص بيها ويناسبها ، عشان كده لو فروة راسك متهيجة ، الافضل تتجنبي المنتجات اللي ممكن تجففها اكتر ، وهنقولك اللي انتي محتاجاه لانواع المشاكل المختلفة.

– استخدمي زيت الصبار لفروة الراس الجافة والحكة.

– لفروة الراس الدهنية استخدمي زيت الليمون والنيم.

– لفروة الراس المتهيجة ، استخدمي زيت الورد وخشب الصندل ممزوجين في ماسك طين خفيف.

– لتبريد فروة الراس ، استخدمي الحنة الممزوجة بالزيوت الغنية بالمغذيات.

نصايح هندية لشعر صحي 3
نصايح هندية لشعر صحي 3

4- استخدمي اضافات الازهار الممزوجة بالماية الباردة:

احنا قولنا بالفعل في اول نقطة ان استخدام الماية الباردة لشطف شعرك افضل بكتير من الماية الدافية ، ولكن الهنود بينصحوا كمان باضافة مكونات زهرية لتهدئة فروة الراس المتهيجة ، وكمان بتسيب ريحة حلوة على الشعر.

– ممكن تستخدمي بتلات الورد.

– الياسمين.

– الكركدية.

ممكن كمان تصبغي الشعر باستخدام الازهار بنقعها في ماية سخنة ، وسيبيها لحد ما تبرد وبعدها اشطفي بيها الشعر.

نصايح هندية لشعر صحي 4
نصايح هندية لشعر صحي 4

5- اتجنبي تجفيف الشعر بالسيشوار بعد اي علاج:

المتخصصين الهنود بينصحوا بعدم تجفيف شعرك بالسيشوار بعد اي علاج لانه بيمنع الشعر انه يستفيد من المنتج او العلاج اقصى استفاده منه ، الافضل تسيبي شعرك ينشف بشكل طبيعي.

ولنتيجة افضل كمان اغسلي شعرك قبل وضع اي ماسك عليه.

نصايح هندية لشعر صحي 5

6- خدي 20 دقيقة راحة بعد تدليك فروة الراس:

الخبراء الهنود زي ما قولنا بينصحوا بتدليك فروة الراس بالزيت الدافي  ، وكن كمان محتاجة انك تاخدي راحة بعد التدليك قبل ما تردخلي تغسلي شعرك ، والمتخصصين بينصحوا تاخدي حوالي 20 دقيقة راحة قبل الغسيل بالاضافة لوقت تدليك فروة الراس ، وممكن كمان تضيفي تدليك للرقبة والكتفين.

نصايح هندية لشعر صحي 6

7- استخدمي الشاي الاخضر لشعرك:

الشاي الاخضر يعتبر مشروب قوي للتخلص من السموم من الجسم ولكن كمان ليه نفس التأثير على شعرك ، الباحثين اثبتوا انه بيحفز نمو الشعر ، ممكن تمزجي الشاي الاخضر المطحون مع ماية الورد وتستخدمي الخليط كأخر شطفة للشعر ، هيكون مفيد جدا لشعرك وكمان هيديه ريحة حلوة.

نصايح هندية لشعر صحي 7

مقالات متعلقه

خطوتين بس هيساعدوا على زيادة نمو شعرك بسرعة وتكثيفه

خطوتين بس هيساعدوا على زيادة نمو شعرك بسرعة وتكثيفه

طريقة عمل شامبو البيض الطبيعي المغذي للشعر في البيت

طريقة عمل شامبو البيض الطبيعي المغذي للشعر في البيت

افضل زيوت للشعر الخفيف هتساعدك على تكثيفه

افضل زيوت للشعر الخفيف هتساعدك على تكثيفه