ازاي تستخدمي بيروكسيد الهيدروجين (ماء الاكسجين) كغسول للفم

ريهام محمود
ريهام محمود
في
صحة
3524

ريحة الفم الكريهة بتكون مشكلة محرجة جدا ، وبتأثر على تعاملنا مع اللي حوالينا ، وفي كتير من الاحيان ده بيكون بسبب مشاكل الاسنان اللي احنا بنهملها ، ومخاطر ترسبات الاسنان معروفة جدا ، وتعتبر مشكلة خطيرة على اللثة ، وبالتالي تحسين صحة الاسنان امر ضروري جدا ، واستخدام بيروكسيد الهيدروجين او ماء الاكسجين من الطرق المعروفة للتغلب على مشاكل الاسنان ، لانه فعال جدا ضد بلاك الاسنان ، ويعتبر مطهر خفيف وبيقتل نمو البكتيريا في الفم من غير ما يسبب اي ضرر ، وفي كتير من العلامات التجارية لبيروكسيد الهيدروجين الموجودة في السوق اللي تقدري تستخدميها ، والنهاردة هنتعرف مع بعض طريقة استخدام ماء الاكسجين كغسول للفم.

فوايد استخدام ماء الاكسجين كغسول للفم:

– بتزيل البكتيريا عن طريق الاكسدة.

– بتمنع نمو البكتيريا والجراثيم.

– الرغوة الناتجة عن الاكسدة بتساعد في ازالة المخاط.

– تعتبر مطهر طبيعي.

– بتساعد على ازالة السرطانات, التهابات اللثة, التهابات الفم الخفيفة.

ماء الاكسجين كغسول للفم 1
ماء الاكسجين كغسول للفم 1

طريقة استخدام ماء الاكسجين كغسول للفم:

في اكتر من طريقة تقدري تستخدمي بيها ماء الاكسجين لصحة الفم.

1- غسول ماء الاكسجين والماية:

المكونات:

– 1 كوباية ماية مقطرة فاترة.

– ½ كوباية من ماء الاكسجين بتركيز 3% هيدروجين.

– ازازة فاضية تكون غامقة.

طريقة التحضير:

حطي الماية المقطرة في الازازة وضيفي لها ماء الاكسجين ، ورجي الازازة كويس ، مضمضي وغرغري بالغسول ده لمدة دقيقة ، وبعدها اشطفي الفم بالماية العادية.

استخدميه مرتين في اليوم.

ماء الاكسجين كغسول للفم 2
ماء الاكسجين كغسول للفم 2

2- غسول فم معطر:

المكونات:

– 1 كوباية ماية مقطرة فاترة.

– ½ كوباية من ماء الاكسجين بتركيز 3% هيدروجين.

– 10 – 12 نقطة من زيت النعناع.

– ازازة فاضية غامقة.

طريقة التحضير:

حطي الماية المقطرة في الازازة وضيفي لها ماء الاكسجين وزيت النعناع ، رجي الازازة عشان تخلطي المكونات مع بعض ، مضمضي وغرغري بالغسول لمدة دقيقة ، وبعدها اشطفي الفم الماية العادية.

استخدميه مرتين في اليوم.

ماء الاكسجين كغسول للفم 3

نصايح عشان تحصلي على اقصى استفادة من غسول ماء الاكسجين:

– اتأكدي من تخزين الغسول في مكان بارد ومظلم.

– لازم تستخدمي ازازة غامقة او غير شفافة ، والا بيروكسيد الهيدروجين هيفقد فعاليته.

– اتجنبي استخدام ماء الاكسجين لوحدها من غير ما تخففيها بالماية بشكل صح ، لان ده هيأثر بشكل سلبي على الفم.

– لو عندك التهاب في اللثة ، ماتنسيش اضافة ليسترين للغسول.

– الغسول يعتبر مفيد جدا للتخلص من التهيجات اللي بتسببها اجهزة تقويم الاسنان زي المشابك والمثبتات.

– لو بتخططي انك تستخدمي غسول الفم لعلاج التهاب اللثة والتهاب دواعم الاسنان ، الافضل تستشيري دكتور قبل ما تستخدميه ، ولو نصحك بعدم استخدامه اتجنبيه.

احتياطات:

– اتأكدي انك ماتبلعيش ماء الاكسجين اثناء المضمضة ، لانه ممكن يزعج معدتك

– ماتفرطيش في استخدام غسول الفم لانه هيقتل البكتيريا الجيدة الموجودة في الفم.

– كمان استخدام ماء الاكسجين كتير ممكن يأدي لتهيج اللثة ، كمان بيأثر بشكل سلبي على زراعة الاسنان والحشوات.

– اثناء استخدام بيروكسيد الهيدروجين كغسول للفم ، استخدميه بتركيز 3% من الهيدروجين بس ، لان اي تركيز اعلى من كده هيأذي الفم.

– في بعض الاحيان ممكن يسبب احمرار او لسعه او تهيج بمجرد استخدامه ، في الحالة دي اشطفيه فورا بماية باردة ، وده معناه ان عندك رد فعل تحسسي منه ولازم تتوقفي عن استخدامه.

ماء الاكسجين كغسول للفم 4

مقالات متعلقه

ليه اللسان بيتحول للون الابيض و 8 طرق للتخلص من المشكلة

ليه اللسان بيتحول للون الابيض و 8 طرق للتخلص من المشكلة

ازاي تستخدمي خيط تنضيف الاسنان بشكل صح

ازاي تستخدمي خيط تنضيف الاسنان بشكل صح

ليه الافضل ما تغسليش اسنانك بالفرشة بعد الفطار

ليه الافضل ما تغسليش اسنانك بالفرشة بعد الفطار