3 علاجات منزلية قوية لنمو الشعر
لو بتدوري على طرق لنمو الشعر وتكثيفه بشكل طبيعي ، النهاردة من خلال موضوعنا هنشارك معاكم 3 علاجات منزلية لنمو الشعر بشكل فعال ، باستخدام مكونات طبيعية موجودة في مطبخك.
علاجات منزلية لنمو الشعر:
1- ماسك زيت الزيتون وصفار البيض:
المكونات:
1 صفار بيضة.
2 معلقة كبيرة زيت زيتون.
½ معلقة صغيرة عصير ليمون.
طريقة التحضير والاستخدام:
في طبق اخلطي كل المكونات مع بعض ، ووزعي الخليط على جذور الشعر ، ودلكي فروة راسك لمدة 5 دقايق وسيبيه على الشعر لمدة 45 دقيقة كمان ، بعدها اغسليه بالماية الدافية والشامبو.
2- ماسك دقيق الذرة:
المكونات:
1 كوباية دقيق ذرة.
طريقة التحضير والاستخدام:
حطي دقيق الذرة الجاف على فروة راسك ودلكيه كويس ، وبعدها نفضيه من شعرك كويس واتخلصي منه بالكامل ، وسيبي شعرك من غير غسيل طول الليل ، تاني يوم كرري نفس العملية وسيبيه لمدة 20 – 30 دقيقة ، بعدها اغسليه بالشامبو.
3- ماسك الثوم:
المكونات:
3 فصوص ثوم.
3 معالق كبيرة عسل.
1 معلقة كبيرة زيت خروع.
5 معالق كبيرة زيت زيتون.
3 صفار بيض.
طريقة التحضير والاستخدام:
في طبق اخلطي كل المكونات مع بعض ، وزعي الخليط على شعرك ودلكيه لمدة 5 دقايق ، وغطيه بطاقية الشاور او كيس بلاستيك لمدة ساعة ، بعدها اغسليه بالماية الدافية والشامبو.