حقائق مثيرة للاهتمام عن حاجات وعادات يومية

بقلمريهام محمود فيمنوعات visibility175

في حاجات ممكن تكون بنستخدمها بشكل يومي ، او عادات بنعملها كل يوم ، لكن منعرفش هل بنعملها او بنستخدمها صح ولا لا او ليها استخدامات مختلفة احنا منعرفهاش ، والنهاردة من خلال بنات حوا قررنا نشارك معاكم مجموعة استخدامات ذكية للعناصر اليومية اللي حوالينا وبنستخدمها دايما هتسهل عليكي حياتك.

حقائق عن حاجات وعادات يومية:

1- لو بتاكلي طعام ني ، ممكن تخسري وزن ، ولو بتأكلي نفس الطعام مطبوخ ، هيسبب زيادة الوزن:

في فرق في السعرات الحرارية بين المواد الغذائية المطبوخة والنية ، حسب بعض الابحاث والدراسات ، اثبتوا ان الطعام المطبوخ بيحتوي على سعرات حرارية اكتر من الني ، وده تم تفسيره ان الطعام المطبوخ بالفعل بيتم تكسيره اثناء الطبخ ، وده بيسهل على الجسم امتصاص العناصر الغذائية كلها وبالتالي ممكن ده يزود الوزن ، من ناحية تانية الجسم بيحرق بعض السعرات الحرارية اثناء امتصاص الطعام الني لانه عملية الهضم بتاخد فترة اطول وبالتالي ده ممكن يساعد على انقاص الوزن.

حقائق عن حاجات وعادات يومية
حقائق عن حاجات وعادات يومية

2- ممكن تحطي الاحذية في المجفف بتعليقها من الاربطة بتاعتها:

ممكن تجففي الاحذية الرياضية في مجفف الغسالة من غير ما تتلفيها او تعمل صوت مزعج جوه الغسالة ، الحل سهل وعملي تماما ، كل اللي هتعمليه علقي الشوز من الاربطة بتاعته واقفلي عليها الباب ، وشغلي المجفف واستني لحد ما يخلص دورته والشوز ينشف.

حقائق عن حاجات وعادات يومية

3- الثقب الاضافي الموجود في الحذاء الرياضي اسمه “قفل الكعب” وبيساعد على منع ظهور البثور:

احذية الجري بشكل خاص بتحتوي على فتحة اضافية في الجزء العلوي ، واسمها “قفل الكعب” وعشان تربطي الشوز بتاعك بقفل الكعب ، اربطي الشوز من خلال الفتحة الاضافية الموجودة على نفس جنب الفتحة اللي قبلها ، عشان تشكلي حلقة ، الطريقة دي رائعة لمنع كعبك من الاحتكاك فوق وتحت في الجزء الخلفي من الشوز وتثبيت رجلك في الشوز كويس.

حقائق عن حاجات وعادات يومية

4- غسالات الاطباق بتحتوي على فلتر المفروض يتنضف مرة واحدة كل شهر:

لو لاحظتي انك بعد ما بتخرجي الاطباق من غسالة الاطباق مش نضيفة او لسه عليها بواقي اكل ، ده معناه انك محتاجة تنضفي فلاتر الغسالة ، هتبقي محتاجة تشيلي المرشحات الموجودة في الغسالة وتنضفيها بالراحة باستخدام ماية سخنة ، وماتنسيش كمان تنضفي المكان اللي حوالين الفلتر ، الافضل انك تحطي جدول زمني لتنضيف الفلاتر.

حقائق عن حاجات وعادات يومية

5- الخضروات المجمدة صحية زي الطازة:

كلنا عندنا فكرة في دماغنا ان الخضار المجمد بتبقى فايدته اقل ، ولكن الحقيقة ان الخضار المجمد بيتم طبخه بطريقة بتحافظ على قيمتة الغذائية ، وبتقتل البكتيريا ، وبتمنع فساده.

حقائق عن حاجات وعادات يومية

6- لو قهوتك مرة اوي ، ممكن تضيفي لها شوية ملح:

ممكن تشوفي ان اضافة الملح للقهوة فكرة غريبة ، لكن الحقيقة ان الملح بيقلل من مرارة القهوة بشكل افضل من اللبن او السكر كمان ، لكل كوباية ماية ومعلقتين صغيرين بن مطحون ، ضيفي ½ معلقة صغيرة من الملح لتحييد مرارة القهوة.

7- ممكن تستخدمي كوباية لزيادة صوت التليفون:

لو معندكيش مكبر صوت بيشتغل بالبلوتوث او مش عايزة تستخدمي مكبر الصوت ، في طريقة تانية ممكن تخلي بيها تليفونك اعلى ، كل اللي هتعمليه حطي الموبايل في كوباية او مج لتضخيم الصوت ، التقنية دي بسيطة جدا وفعالة ، بس اتأكدي ان الكوباية مافيهاش اي بواقي سوايل.

8- الميكروويف بيحافظ على القيمة الغذائية للاكل بشكل افضل من اي طريقة طبخ تانية:

الميكروويف من الحاجات اللي كتير من الناس بيشككوا فيها لان في كلام كتير انه استخدامه خطر على الصحة ،ولكن مع ذلك ثبت ان الميكروويف مش مضر وبيحافظ على الفيتامينات والعناصر الغذائية افضل من اي طريقة طبخ تانية ، وده لانه بيطبخ الاكل وبيسخنه بسرعة في اقل وقت وبيستخدم اقل قدر ممكن من السوايل.

9- اغطية الاقلام الجاف بتحتوي على فتحة صغيرة من فوق لمنع الاختناق في حالة ابتلاعه:

الفتحة الموجودة في غطا القلم الجاف مش معمولة بشكل عشوائي ، لكن ليها فايدة ، هي موجودة بالفعل عشان تقلل من خطر الاختناق لو بلعتي الغطا عن طريق الغلط ، في الحالة دي حتى لو نزل الغطا لحلقك عن طريق الغلط ، هتفضلي قادرة تتنفسي من خلال الفتحة الصغيرة اللي موجودة في الغطا ، ودي تعتبر طريقة رائعة جدا ومبتكرة لادارة الاهمال البشري.

10- السهم الصغير بيقولك في اي جنب موجود غطا البنزين:

طبيعي في عربيتك هتكوني عارفة مكان غطا البنزين ، ولكن ممكن تبقى الامور صعبة لو راكبة عربية مختلفة ، في الحالة دي تقدري تعرفي مكان وجود غطا البنزين عن طريق السهم ده اللي بيقولك الغطا موجود في اي جنب.

11- لو بتطلبي اكل صيني ، ممكن تفتحي علبة الوجبة وتعمليها طبق:

لما بتطلبي الاكل الصيني او الاسيوي بشكل عام من بره ، دايما بنفضل ناكله من العلبة على طول ، الحقيقة ان العلب دي متصممة انها تتحول طبق بحيث تاكلي منها مباشرة ، كل اللي هتعمليه انك بتتني الجوانب بتاعة العلبة لتحت ، وبكده العلبة اتحولت لطبق بكل بساطة.

12- تم تصميم كوبايات ستاربكس بحيث انك تحطي تحتها الغطا بتاعها لمنع البقع على الترابيزة:

غطيان وكوبايات ستاربكس متصممة بحيث انك تحطي الغطا تحت الكوباية ، عشان تستخدميها كمسند للكوباية وتمنعي البقع على الترابيزة وتحافظي على المكان نضيف.

13- الفتحة الموجودة في كبشة المكرونة المفروض تبقى مقياس لوجبة واحدة من السباجيتي:

لعشاق المكرونة ، في طريقة سهلة جدا تعرفي بيها مقداروجبة واحدة من السباجيتي عشان ما تاكليش كمية زيادة او كبيرة ، باستخدام الكبشة الخاصة بالمكرونة الفتحة الموجودة فيها في النص ، دي وظيفتها انك تقيسي بيها مقدار وجبة واحدة بس من السباجيتي ، كل اللي هتعمليه هتحطي كمية مكرونة على مقاس الفتحة.

14 طريقة غير تقليدية وفعالة لتخزين الاطعمة