ليه الافضل ما تغسليش اسنانك بالفرشة بعد الفطار

ريهام محمود
ريهام محمود
في
صحة
373

مافيش شك ان تنضيف الاسنان بالفرشة هو واحد من اهم الخطوات في روتين نضافة الفم ، ولكن عمل ده في الوقت الغلط ممكن يأدي في بعض الحالات لتخريب كل مجهودك للحفاظ على بياض وصحة اسنانك ، وفي حين ان كتير من الاشخاص بينضفوا اسنانهم بعد الاكل ، الا انه افضل وقت لتنضيف اسنانك بالفرشة هو اول حاجة الصبح قبل الفطار ، لان كتير من اطعمة الفطار ممكن تسبب تليين مينا الاسنان ، واستخدام الفرشة بعدها ممكن يتسبب في تلفها من غير قصد ، والنهاردة من خلال موضوعنا هنتعرف مع بعض على اضرار غسل الاسنان بعد الفطار.

اضرار غسل الاسنان بعد الفطار:

1- ممكن يضر مينا الاسنان:

تنضيف الاسنان بعد الاكل بيساعد على محاربة البكتيريا وحماية مينا الاسنان من التلف ، ولكن في بعض الحالات ممكن يضر الاسنان ، لو اكلتي او شربتي اي حاجة حمضية ، زي عصير البرتقان, عصير الجريب فروت, او ماية الليمون ، ممكن ان حمض الستريك الموجود في الاطعمة دي يأدي لتليين الاسنان ، وتنضيف الاسنان بالفرشة بعد اكلها على طول ممكن يأدي لاضعاف المينا.

لو عايزة على الفطار تشربي كوباية عصير برتقان او تضيفي شريحة ليمون للماية ، يبقى الافضل تنضفي اسنانك بالفرشة بعد 30 دقيقة من وجبة الفطار عشان تتجنبي اتلاف مينا الاسنان ، ولو معندكيش وقت تستني بعد الفطار ، يبقى المنطقي انك تغسلي اسنانك بالفرشة قبل الفطار.

اضرار غسل الاسنان بعد الفطار 1
اضرار غسل الاسنان بعد الفطار 1

2- ممكن يأثر على لون اسنانك:

المينا هي الطبقة اللي بتحمي اسنانك ، وعلى الرغم انها اصعب نسيج في الجسم ، الا ان تنضيف الاسنان بالفرشة بعد الاكل على طول ممكن يأدي في بعض الحالات لاتلافها ، لما المينا ماتكونش قوية زي ما هي المفروض تكون ، ممكن ده يأثر على اسنانك بطرق كتير ويخليها معرضة اكتر للاصفرار والبقع.

اضرار غسل الاسنان بعد الفطار 2
اضرار غسل الاسنان بعد الفطار 2

3- هيخلي اسنانك حساسة اكتر:

لو حسيتي بألم مفاجيء اثناء شرب حاجة سخنة او باردة ، دي ممكن تكون علامة ان اسنانك حساسة اوي ، وحساسية الاسنان ممكن تحصل لاسباب مختلفة ، وواحدة منها ضعف مينا الاسنان ، ولان تنضيف الاسنان بعد اكل اطعمة معينة ممكن يزود من حساسية الاسنان ، يبقى الافضل منع الاثر الجانبي المزعج ده وتنضيف الاسنان بالفرشة قبل الاكل.

اضرار غسل الاسنان بعد الفطار 3

4- تنضيف الاسنان بالفرشة قبل الاكل بيزود من افراز اللعاب:

تنضيف اسنانك بالفرشة اول ما تصحي من النوم على طول هيديكي شعور اكتر بالانتعاش الصبح ، وهيساعد كمان في بدء انتاج اللعاب ، ولان اللعاب بيحتوي على عوامل مضادة للميكروبات ، هيساعد على تكسير الاكل بسهولة اكبر وهيقتل بشكل طبيعي البكتيريا الضارة المسؤولة عن تسوس الاسنان.

اضرار غسل الاسنان بعد الفطار 4

مقالات متعلقه

ليه اللسان بيتحول للون الابيض و 8 طرق للتخلص من المشكلة

ليه اللسان بيتحول للون الابيض و 8 طرق للتخلص من المشكلة

ازاي تستخدمي خيط تنضيف الاسنان بشكل صح

ازاي تستخدمي خيط تنضيف الاسنان بشكل صح

ازاي تستخدمي بيروكسيد الهيدروجين (ماء الاكسجين) كغسول للفم

ازاي تستخدمي بيروكسيد الهيدروجين (ماء الاكسجين) كغسول للفم