6 حاجات ممكن تضر شعرك اثناء النوم

ريهام محمود
ريهام محمود
في
شعر
1164

لو شعرك جاف او مصبوغ ، فانتي محتاجة تاخدي حذرك بشكل خاص للتأكد من تجنب اي ضرر اضافي ، ولكن العناية بالشعر بتتخطى مجرد غسيله بالشامبو بس وتجنب الحرارة ، في حاجات ممكن تعمليها عشان تحمي شعرك اثناء النوم ، لان التقليب خلال فترة الليل ممكن يضر الشعر ، عشان النهاردة من خلال موضوعنا جمعنا بعض غلطات بتضر شعرك واللي ممكن تبان انها مش مؤذية ولكن هي في الحقيقة ممكن تمنع شعرك من الظهور بأفضل حالاته.

غلطات بتضر شعرك:

1- بتنامي وشعرك رطب:

ممكن يحصل انه في بعض الايام تنامي وشعرك مبلول ، ولكن النوم بشعر مبلول ممكن يسبب اضرار ، اولا الشعر وهو مبلول بيكون هش جدا ، وكل التقلبات اللي بتحصل اثناء فترة الليل ممكن انها تتلف الشعر وتتسبب في تكسره وتقسيمه ، عشان كده الافضل انك تغسلي شعرك قبل النوم بفترة كافية ، او استخدمي واقي من الحرارة ونشفيه بالسيشوار قبل النوم.

غلطات بتضر شعرك 1
غلطات بتضر شعرك 1

2- بتنامي وانتي عاملة شعرك كحكة:

لو شعرك طويل هيكون اسرع وانسب حاجة ممكن تعمليها هي ربط الشعر على شكل ديل حصان او كحكة قبل النوم ، ولكن التسريحات المحكمة اثناء النوم ممكن تضر الشعر لانك مش بتدي فرصة لشعرك يرتاح طول الليل من تسريحات الشعر الضيقة وده ممكن يضعف الشعر ويأدي لتساقط الشعر على المدى الطويل ، وعشان تدي فرصة لشعرك يرتاح ويتنفس وقت طويل اثناء فترة الليل ، خليه مفكوك قبل النوم ، ومتربطيش شعرك ابدا كحكة مشدودة وهو مبلول.

غلطات بتضر شعرك 2
غلطات بتضر شعرك 2

3- بدلي كيس المخدة القطن بواحد ساتان او حرير:

القطن بيكون ملسمه خشن على الشعر ومش بيخلي الشعر يتحرك بحرية وده ممكن يأدي للتشابك وكمان القطن بيسحب الرطوبة من الشعر وده هيخلي شعرك جاف وهايش ، عشان كده بننصحك تستبدليه بكيس مخدة حرير او ساتان عشان تحافظي على شعرك من التلف ، والحرير مش هيفيد شعرك بس ولكن كمان بشرتك.

غلطات بتضر شعرك 3
غلطات بتضر شعرك 3

4- مش بتسرحي شعرك قبل النوم:

تمشيط الشعر قبل النوم هيجنبك التشابك والعقد اللي ممكن تقابلك تاني يووم الصبح ، بالاضافة ان التمشيط بيساعد على توزيع الزيوت الطبيعية اللي بتنتجها فروة راسك بالتساوي من الجذور للاطراف ، وده هيحافظ على لمعان الشعر وهيمنع تكسره.

غلطات بتضر شعرك 4

5- مش بتضفري شعرك قبل النوم:

في حين ان الكيرلر او مكوة تجعيد الشعر طريقة عملية وسريعة تعملي بيها شعرك كيرلي في وقت قصير ، الا انك تقدري تعملي ده بطرق طبيعية من غير استخدام حرارة وبالتالي هتحافظي على شعرك صحي ورطب ، وواحدة من الطرق دي هي تسريحة الضفيرة ، قبل النوم ضفري شعرك ضفيرة فضفاضة واستخدمي منتجات تصفيف شعر مناسبة ، دي تعتبر من اسهل الطرق لعمل الشعر كيرلي من غير حرارة ، وفي الحقيقة كمان ان النوم بشعر مضفر يعتبر واحد من اسرار النساء الهنديات للحفاظ على الشعر طويل وصحي وبيلمع ، وكمان تسريحة الضفيرة قبل النوم هتحافظ على الشعر وهتمنع تقصف الاطراف وهتساعد على تقوية شعرك ومساعدته في النمو بشكل اسرع.

غلطات بتضر شعرك 5

6- مش بتستخدمي زيوت الشعر:

بالظبط زي بشرتنا ، شعرنا كمان بيتجدد اثناء النوم ، وتقدري تحققي اقصى استفادة من ده ، باستخدام بعض العلاجات البسيطة طول الليل ، يعتبر تطبيق زيوت الشعر طول الليل مرتين على الاقل في الاسبوع ، في الليلة السابقة لغسل شعرك ، طريقة رائعة جدا لتقوية خصلات شعرك ، وتعزيز صحة الشعر ، ولو شايفة ان تطبيق الزيت طول اللي كتير او مش هتقدري تنامي بيه ، ببساطة طبقيه على الشعر قبل الاستحمام بساعة ولفي راسك بفوطة سخنة عشان تتأكدي ان الشعر هيمتص الزيت كويس وبعدها اغسليه.

غلطات بتضر شعرك 6

مقالات متعلقه

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر

طريقة العناية بالشعر في الشتا وفترة الرياح الموسمية

طريقة العناية بالشعر في الشتا وفترة الرياح الموسمية

6 خرافات عن العناية بالشعر بنفتكر انها صح ومفيدة

6 خرافات عن العناية بالشعر بنفتكر انها صح ومفيدة