10 حيل بسيطة للتخلص من دهون الجسم

ريهام محمود
ريهام محمود
1186

كلنا عارفين ان عادة الاكل قبل النوم هي من العادات السيئة اللي بندفع تمنها وزن زيادة ونوم مضطرب ، وكلنا بندور على طريقة عشان نمنع ده ، والنهاردة في بنات حوا هنشارك معاكم 10 طرق للتخلص من دهون الجسم ، وحيل بسيطة هتخليكي تنسي طريق التلاجة بعد العشا.

طرق للتخلص من دهون الجسم:

1- كلي بيض على الفطار:

سلاح قوي هتقضي على الشهية بالليل وهي اكل وجبة فطار دسمة ، وخصوصا اللي بيكون فيها بيض ، البيض بيساعد على انقاص الوزن بشكل اسرع ، لانه بيحسسك بالشبع اكتر مرتين من الحبوب او الخبز ، كمان بيقلل الشعور بالجوع ومن استهلاك السعرات الحرارية في الغدا وعلى مدار ال 24 ساعة اللي بعدها.

طرق للتخلص من دهون الجسم 1
طرق للتخلص من دهون الجسم 1

2- ماتشتريش وجبات خفيفة مغرية:

لو مش عايزة تختبري قوة ارادتك ، الافضل ماتشتريش وجباتك الخفيفة المفضلة على الاطلاق ، لانه ممكن تفقدي السيطرة على نفسك اول ما يجي الليل ، لو بالفعل موجودين في تلاجتك ، وهيغروكي انك تاكلي منهم.

طرق للتخلص من دهون الجسم 2
طرق للتخلص من دهون الجسم 2

3- اتجنبي السعرات الحرارية الفارغة:

اتجنبي الاطعمة الغنية بالكربوهيدرات البسيطة زي المقليات, الوجبات السريعة, الصودا, الكيك, الصوصات الدهنية ، كل الحاجات دي طول ما هي موجودة قدامك او في تلاجتك هتغريكي انك تاكلي وجبة خفيفة منهم.

طرق للتخلص من دهون الجسم 3
طرق للتخلص من دهون الجسم 3

4- خفضي كمية الملح للنص:

الملح والبهارات بيزودوا الشعور بالجوع ، عشان تبرزي طعم الاكل ممكن تتبليه بالبصل, الثوم, الاعشاب بدل الملح.

طرق للتخلص من دهون الجسم 4
طرق للتخلص من دهون الجسم 4

5- ضيفي بروكلي:

اضافة البروكلي للسلطة بالليل هيخليكي تحسي بالشبع لفترة اطول.

طرق للتخلص من دهون الجسم 5
طرق للتخلص من دهون الجسم 5

6- مارسي تمارين رياضية:

ثبت ان التمارين عالية الكثافة مش بس بتحرق السعرات الحرارية ، ولكن كمان بتقلل الشهية ، بالاضافة كمان ، انه بيساعد على تخفيف ضغوط اليوم اللي بتخلينا نروح نجري على التلاجة ندور على وجبات خفيفة ناكلها.

طرق للتخلص من دهون الجسم 6

7- نامي في درجة حرارة منخفضة:

تقدري “تجمدي” نوبة الجوع الليلي عن طريق خفض درجة حرارة الغرفة ، بالاضافة انه الجسم عند درجة حرارة 17 – 18 درجة مئوية بيحرق 7% سعرات حرارية اكتر من الحرارة والاكتئاب.

طرق للتخلص من دهون الجسم 7

8- اشربي ماية:

غالبا احنا بنخلط بين العطش والجوع ، عشان كده بننصحك بدل الزبادي ممكن تشربي ماية هتحسي ان شهيتك اختفت ، مش هيسبب لك اي اضرر انه يبقى جنب سريرك كوباية ماية عشان ماتدخليش المطبخ ومافيش حاجة تغريكي للاكل.

طرق للتخلص من دهون الجسم 8

9- نضفي اسنانك:

لما بنضف اسنانا بالليل ، المخ بيوصله رسالة بيقوله “مافيش اكل تاني النهاردة” بالاضافة ان طعم النعناع والمنثول بيخلي احتمال اكل وجبة خفيفة اقل جاذبية.

طرق للتخلص من دهون الجسم 9

10- نامي قبل الساعة 11:

حاولي تنامي قبل الساعة 11 بالليل ، اولا عشان تمنعي نفسك من الاكل تاني قبل النوم ، تاني حاجة ان كل ساعة اضافية من النوم بتقلل من استهلاك السعرات الحرارية على مدار اليوم بحوالي 6%.

طرق للتخلص من دهون الجسم 10

في النهاية بنقولك ماتحسيش باحباط لو مقدرتيش تنفذي العشر نصايح دي مع بعض من اول يوم ، لكن حاولي تحطيهم قدامك انك هتنفذيهم بالتدريج لحد ما تعمليهم كلهم عشان توصلي لنتيجة ايجابية.

مقالات متعلقه

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن

وصفات لسد الشهية وتخسيس الوزن

وصفات لسد الشهية وتخسيس الوزن