ليه المفروض تغيري مرتبتك كل 6 ل 8 سنين

ريهام محمود
ريهام محمود
في
صحة
337

المراتب واحدة من الحاجات اللي بنهتم بيها عادة او بنستثمر فيها ، ولكن حسب الدراسات اننا بنقضي نص حياتنا تقريبا على السرير اثناء فترة النوم ، وبالنظر للوقت ده كله ، محتاجين نبدأ نفكر في اهمية وجود مرتبة مناسبة للنوم ، والنهاردة من خلال موضوعنا هنقولك ليه المفروض تغيري المرتبة بانتظام ، ونصايح ازاي تطولي عمر المرتبة بتاعتك.

ليه المفروض تغيري المرتبة بانتظام:

1- المراتب ليها عمر محدد:

حسب كلام الخبراء ، ان عمر المرتبة النموذجي هو 8 سنين ، ولكن ممكن يكون عمر المرتبة الخاصة بيكي اعلى او اقل ، على حسب جودة المواد والمنتج.

المراتب “اللاتكس” بتيجي عادة بضمان من 20 – 25 سنة ، وممكن انواع تانية عالية الجودة تدوم من 10 – 15 سنة مع العناية المناسبة.

والمراتب “الهجينة” بتتميز بمتانة اقل وبتحتاج عادة للاستبدال بعد 6 سنين ، اما مراتب الماية بتعيش ما بين 5 – 10 سنين.

ليه المفروض تغيري المرتبة بانتظام 1
ليه المفروض تغيري المرتبة بانتظام 1

2- المرتبة المستهلكة ممكن تعملك ارق وتأثر على صحتك:

مع مرور الوقت شكل المرتبة بيتغير وبيظهر عليها علامات التلف ، على سبيل المثال ، انه اكيد لاحظتي في المرتبة القديمة اللي عندك سقوطها من الوسط او في الجزء اللي بيتركز فيه الوزن اكتر.

ولما المرتبة بتفقد قدرتها الداعمة ، هتسبب لك عدم الراحة وهتخلي من الصعب عليكي تنامي نوم مريح ، وبصرف النظر عن عدم الراحة والشعور بالتعب والالم تاني يوم ، عدم جودة النوم ممكن تأدي لمشاكل صحية ، بما فيهم السمنة وامراض القلب.

ليه المفروض تغيري المرتبة بانتظام 2
ليه المفروض تغيري المرتبة بانتظام 2

كمان المرتبة السيئة ممكن تسبب تصلب العضلات وآلام الجسم ، لو صحيتي ولقيتي عندك الم حوالين الرقبة والكتفين (وانتي متأكدة انها مش نتيجة اصابة) ، في الحالة دي ممكن تكون مرتبتك هي السبب.

وحسب الابحاث ان المرتبة الجيدة ، ممكن تساعد على تحسين جودة النوم وتقليل آلام الضهر.

ليه المفروض تغيري المرتبة بانتظام 2 1

3- المراتب تعتبر بيئة لبق الفراش والمواد المسببة للحساسية:

واحدة من الدراسات لقت ان المراتب بتحتوي على اعلى تركيز لعتة الفراش من بين كل الادوات المنزلية ، وان البكتيريا دي بتتكاثر مع مرور الوقت.

والعفن والحشرات في المرتبة ممكن تسبب الحساسية ، او زيادة اعراض الربو ، والخبراء بينصحوا لو لاحظتي اي تفاعلات حساسية بتزيد سوء عندك ، دي تعبتر علامة انك محتاجة مرتبة جديدة.

ليه المفروض تغيري المرتبة بانتظام 3

4- لما السرير يصدر اصوات ، اعتبريها علامة او نداء مساعدة:

لو التقليب البسيط على السرير لاحظتي انه بيسبب اصوات عالية ، ده معناه ان مرتبتك مش في حالة جيدة ، لان الاصوات دي معناها ان المرتبة فقدت قدرتها على التحمل ، وكمان انها مش فعالة في الاستجابة للضغط والحركة.

ليه المفروض تغيري المرتبة بانتظام 4

5- نصايح ازاي تزودي العمر الافتراضي للمرتبة:

– لفي المرتبة كل 3 – 6 شهور عشان يتم استخدامها بالتساوي على الجنبين.

– امشي على تعليمات التنضيف المكتوبة من الشركة المصنعة.

– افتحي شبابيك اوضة النوم لتهوية افضل ولتهوية مرتبتك بانتظام.

– عشان تتجنبي تلف المرتبة ، امنعي الاطفال يتنططوا عليها.

– تنضيف المرتبة بالمكنسة الكهربائية بالجزء الخاص بالمفروشات ، هيساعد على التقليل من المواد المسببة للحساسية وعث الغبار.

ليه المفروض تغيري المرتبة بانتظام 5

مقالات متعلقه

افضل 8 اطعمة صحية للفطار والسحور في رمضان

افضل 8 اطعمة صحية للفطار والسحور في رمضان

نصايح لصيام صحي في رمضان

نصايح لصيام صحي في رمضان

10 تمارين واطعمة هتساعدك على بناء عضلات جسمك

10 تمارين واطعمة هتساعدك على بناء عضلات جسمك