حاجات مهمة لازم تحطيها في اعتبارك لما تيجي تختاري القبعة الشتوية
القبعة بتضيف لمسة انيقة للوك الشتوي ، وتعتبر من اكسسوارت الشتا العملية واللي بتدفي في نفس الوقت ، اهم حاجة بس انك تختاري القبعة المناسبة للبسك ، وهتلاقي القبعات بكل الاشكال والاحجام والالوان اللي تقدري تختاري منها اللي يناسبك ويناسب اللوك بتاعك ، والنهاردة من خلال موضوعنا هنتعرف على مجموعة نصايح لاختيار القبعة المناسبة.
نصايح لاختيار القبعة المناسبة:
– حجم حافة القبعة:
حجم حافة القبعة من الحاجات المهمة اللي لازم تحطيها في اعتبارك ، هتلاقي قبعات بحواف واسعة, متوسطة, قصيرة ، محتاجة انك تختاري الانسب ليكي.
على سبيل المثال اختاري قبعة تضيف حجم على وشك وجسمك ، القبعات اللي حوافها عريضة هتخلي الشخص يبان اقصر ، عشان كده الافضل ليكي تختاري القبعة اللي حوافها متوسطة والتاج الطويل هتكون افضل اختيار ليكي.
– حطي في اعتبارك ارتفاع التاج:
هتلاقي احجام تاج عالية, منخفضة, متوسطة للقبعات ، ونوع التاج اللي هتختاريه هيعتمد على حجم جسمك ، على سبيل المثال ، لو جسمك ممتليء نوعا ما ، القبعة اللي التاج بتاعها عالي هتكون هي الاختيار الافضل ليكي.
اما لو نحيفة اختاري القبعات اللي حجم التاج بتاعها منخفض او متوسط ، وبصرف النظر عن اقتراحاتنا ، بننصحك انك تجربي التلات احجام وتشوف المناسب ليكي بشكل افضل.
– اختاري اللون المناسب:
افضل طريقة لاختيار اللون المناسب للقبعة هو انك تختاريها حسب لون بشرتك ، اختاري قبعة مناسبة للون بشرتك او بيكملها ، لانه على عكس اي قطعة تانية في لبسك القبعة هتكون هي اقرب حاجة لبشرتك.
عشان كده ضروري تختاري قبعة بلون تظهر وشك وتخليه يبان مشرق مش باهت.
– حطي في اعتبارك المناسبة:
هنلاقي قبعات لكل المناسبات والاوقات ، عشان كده لازم تفكري في المناسبة وهتلبسي القبعة امتى قبل ما تشتريها ، القبعة المصممة للمناسبات الخاصة مختلفة تماما عن قبعات الخروجات اليومية او الاجازات ، لازم تحطي في اعتبارك دايما المناسبة عشان تقدري تختاري القبعة الافضل.
– حطي في اعتبارك الغرض منها:
حطي في اعتبارك الوظيفة او الغرض من القبعة ، على سبيل المثال ، لو رايحة البحر يبقى هتحتاجي قبعة تحميكي من الشمس ، يبقى لازم مع ستايل القبعة تحطي معاها الغرض منها او وظيفتها.
– اختاري المقاس المناسب:
طبعا من اهم الحاجات اللي لازم تحطيها في اعتبارك هو مقاس القبعة ، لازم تختاري المقاس المناسب ليكي ماتكونش كبيرة اوي تقع من على راسك ولا صغيرة ، وبيكون في بعض القبعات فيها احزمة قابلة للتعديل تقدري تشتريها وتظبطيها زي ما انتي عايزة.
تعالوا نشوف مع بعض بالصور مجموعة قبعات بستايلات مختلفة تستوحي منها اللوك بتاعك:
