9 نصايح ازاي تصلحي الحاجات الصغيرة اللي ممكن تبوظ مظهرك

بقلمريهام محمود فيموضة وأزياء visibility2594

مظهرنا بيهمنا وبيأثر بشكل كبير على ثقتنا ونظرتنا لنفسنا ، وكتير من الاشخاص بيحسوا ان مظهرهم بيعكس شخصيتهم ، وده السبب في اهمية اننا ناخد بالنا من الحاجات الصغيرة اللي ممكن تخليكي مش مرتاحة ، والنهاردة من خلال موضوعنا هنشارك معاكم 9 حاجات ممكن تبوظ مظهرك ، وازاي تصلحيها ، وتظهري بافضل لوك كل يوم.

حاجات ممكن تبوظ مظهرك:

1- انتبهي لطول بنطلونك:

البنطلونات الواسعة اللي رجلها عريضة من الستايلات الموضة في الوقت الحالي ، ولكن لو انتي متمسكة بالجينز الكلاسيك الضيق ، يبقى لازم تاخدي بالك من طول البنطلون ، قبل ما تشتري اي بنطلون جديد.

لو انتي من النوع اللي بيحب يلبس كعب عالي ، خدي بالك ان طول البنطلون مايكونش نازل للارض ، ولو بتحبي تلبسي الاحذية الرياضية يبقى لازم طول البنطلون يتماشى مع خط الشوز تماما.

حاجات ممكن تبوظ مظهرك
حاجات ممكن تبوظ مظهرك

2- عدم مطابقة كريم الاساس مع رقبتك:

كتير من البنات بيقعوا في الغلطة دي ، وبينسوا يحطوا كريم الاساس على الرقبة ، وفي الاخر هتبصي في المرايا هتلاقي لون رقبتك مختلف عن لون وشك ، وده هيبوظ مظهرك.

عشان كده لازم تتأكدي انك تحطي كريم الاساس على الاماكن المكشوفة ، زي طول الفك, الرقبة, الصدر ، وادمجية كويس تحت عضمة الفك لحد الرقبة.

حاجات ممكن تبوظ مظهرك

3- بتلبسي نقشات كبيرة:

النقشات او الطبعات الكبيرة والضخمة ، مش بس هتبينك اتخن ، ولكن كمان هتخلي شكلك اكبر ، عشان كده بننصحك انك تختاري قطعة واحدة مطبوعة وباقي اللوك يبقى محايد وكلاسيك.

مع الوقت في كل مرة هتتعلمي ازاي تدمجي قطعة مطبوعة بنقشة حجمها صغيرة مع قطع تانية مناسبة.

حاجات ممكن تبوظ مظهرك

4- بتلبسي ستايل مش بتاعك:

اللوك المناسب مش بيتوقف بس على اختيار الملابس والالوان ، ولكن كمان زي ما قولنا في البداية ان الولك بيعكس شخصيتنا وبيعبر عننا ، وده بيفسر عدم شعورنا بالارتياح لما بنلبس ستايل مش بتاعنا او مش شبه شخصيتنا ، ومش متعودين نلبسه.

احيانا مثلا بيحصل انك تشوفي طقم على صاحبتك حلو ويعجبك وتقرري تجيبي زيه ولكن بتلاقيه عليكي شكله مختلف ، وده اكيد هيخليكي مش مرتاحة لانك لابسة حاجة مش شبهك ، وده مايمنعش انك تنوعي وتلعبي في الالوان والاطوال والانماط ولكن مع الحفاظ على الستايل بتاعك.

حاجات ممكن تبوظ مظهرك

5- مش بتختاري المناسب لشكل جسمك:

من اهم الحاجات اللي لازم تحطيها في اعتبارك عشان تلبسي الستايل المناسب ليكي هو شكل جسمك ، الملابس المناسبة لازم تبرز مميزات جسمك ، شكل جسمك هيحدد الملابس اللي تناسبك وايه اللي هيبقى غير مناسب ليكي.

حاجات ممكن تبوظ مظهرك

6- مش بتلبسي الملابس المناسبة لسنك:

المناسب لينا بيتغير مع مرور الوقت ، ولكن ده مش معناه انك ماتظهريش بمظهر حلو مع التقدم في العمر ، ولو مش متأكدة بالظبط ايه اللي ممكن يناسبك ، التزمي بالملابس الكلاسيكية ، لانها بتستمر الافضل مع مرور الوقت.

يعني اكيد مع التقدم في السن هتستغني عن القمصان والقطع القصيرة اللي كنتي بتلبسيها في العشرينات ، وتستبدليها بقطع كلاسيكية اكتر ، زي الفساتين الطويلة, البدل, القمصان الكاجوال.

7- بتلبسي الوان غلط:

لبس الالوان الغلط من اخطاء الموضة الشائعة جدا ، الالوان اللي بتمشي على غيرك او اصحابك مش شرط انها تناسبك لان لون بشرة ليه اللي يناسبه.

جربي الوان مختلفة ، واختاري افضل الالوان اللي بتشوفي انها بتطلع حلوة عليكي اكتر.

8- اختيار نضارات مش مناسبة لشكل وشك:

بالظبط زي شكل الجسم ، شكل الوش كمان مهم جدا لازم تحطيه في الاعتبار لما تيجي تشتري نضارة نظر او شمس ، اطارات النضارات المناسبة هتعكس شخصيتك واسلوبك.

بصي في المرايا واعرفي شكل وشك اي شكل مربع, بيضاوي, او شكل قلب ، ودوري على النضارات المناسبة لشكل وشك.

9- لبس حمالة صدر بمقاس غلط:

اتأكدي من ان حمالة الصدر بتاعتك مقاسها مناسب ليكي بشكل صحيح ، لانها لو طالعة لفوق ، او سايبة فراغ قدام ، او ضيقة اوي كل ده هيأثر على مظهرك ، لما تيجي تشتري جربي احجام ومقاسات مختلفة او اطلبي مساعدة المتخصصة عشان تتأكدي ان المقاس هيناسبك تماما.

7 غلطات في الستايل بتاعك هتبين سنك اكبر وشكلك اتخن