وصفة الفراخ مع الثوم المشوي & اورزو بالمشروم

بقلمريهام محمود فيمطبخ visibility101

وصفة الفراخ مع الثوم المشوي ومعاها اورزو بالمشروم ، تعتبر وجبة متكاملة مناسبة لغدا او عشا ، وصفة سهلة ومختلفة وطعمها لذيذ ، ياللا بينا نشوف مع بعض طريقة عمل الوصفة بالخطوات والفيديو.

وصفة الفراخ مع الثوم المشوي واورزو بالمشروم:

مكونات خلطة الثوم المشوي:

– 3 رؤوس ثوم.

– 1 معلقة كبيرة زعتر طازة.

– 3 معالق صغيرة زيت زيتون.

– 1 معلقة صغيرة ملح.

– 1 معلقة صغيرة فلفل اسود.

– 100 جرام زبدة.

– حزمة بقدونس صغيرة مفرومة ناعم.

– 30 جرام جبنة بارميزان مبشورة ناعم.

– 1 معلقة صغيرة ملح.

– 1 معلقة صغيرة فلفل اسود.

– 2 رغيف باجيت.

مكونات الفراخ:

– 1 معلقة كبيرة زيت زيتون.

– 4 وراك فراخ مخلية من العضم ومع الجلد.

مكونات الاورزو:

– 3 حبات بصل صغيرين متقطعين شرايح رفيعة.

– 400 جرام مشروم.

– 150 مل شوربة.

– 1 كوباية مكرونة اورزو (لسان عصفور).

– زعتر مفروم.

وصفة الفراخ مع الثوم المشوي واورزو بالمشروم
وصفة الفراخ مع الثوم المشوي واورزو بالمشروم

طريقة التحضير:

1- سخني الفرن على درجة حرارة 180 درجة مئوية.

2- هاتي 3 قطع ورق فويل صغيرة مربعة ، اقطعي الجزء العلوي من راس الثوم حطي كل راس في وسط ورقة الفويل ورشي عليها الزعتر وزيت الزيتون والملح والفلفل.

3- حطيهم على صينية ودخليهم الفرن اشويهم لمدة 40 دقيقة ، وطلعيهم وسيبيهم على جنب زي ما هما ملفوفين بالفويل لحد ما يبردوا.

4- في طبق اخلطي الزبدة, البقدونس المفروم, الجبنة البارميزان, الملح, الفلفل ، واعصري عليهم فصوص الثوم المشوية.

5- هاتي الخبز الباجيت قطعية حلقات سميكة ، وخدي معلقة صغيرة من خليط الزبدة والثوم افرديه على قطعة الخبز ، بعد ما تخلصي قطع الخبز كلها ، رصيهم على صينية واخبزيهم في الفرن لمدة 15 – 20 دقيقة لحد ما تبقى هشة ولونها دهبي فاتح.

6- هاتي طاسة عريضة وعميقة حطي فيها معلقة زيت الزيتون على النار ، وتبلي وراك الفراخ بالملح والفلفل وحطيهم في الطاسة على الجنب اللي فيه الجلد على نار خفيفة ، سيبيهم لمدة 10 دقايق لحد ما الجلد يبقى هش ولونه بني غامق ، بعدها اقلبيها على الجنب التاني لمدة 10 دقايق كمان ، وبعدين طلعيها من الطاسة وقطعيها شرايح بسمك متوسط وحاولي تحافظي على الجلد سليم وانتي بتقطعي.

7- في نفس الطاسة في الدهون اللي نزلت من الفراخ ضيفي البصل المتقطع ، وقلبيه لمدة 5 دقايق تقريبا او لحد ما لونه يبقى دهبي ، بعدها ضيفي المشروم, الزعتر, واقليه مع البصل لحد ما لونه يبقى دهبي ، بعدها ضيفي الشوربة ، وسيبي الخليط يغلي لمدة 2 – 3 دقايق.

ضيفي الاورزو او لسان العصفور وقلبيه مع خليط المشروم وممكن تزودي الشوربة لو حسيتي انه محتاج ، سيبيه يتشرب وفي الاخر ضيفي له مكعب زبدة صغيرة ورشة جبنة بارميزان وبقدونس مفروم وقلبيهم مع بعض.

وصفة الفراخ مع الثوم المشوي واورزو بالمشروم

قدمي الاورزو في طبق التقديم ورصي فوقيه قطع الدجاج ، ورشة جبنة بارميزان.

الطريقة بالفيديو:

بالفيديو وفي دقايق بسيطة.. اعرفي طريقة تحضير وصفة باستا الطبق الواحد بالجبنة البارميزان والتوم

بالفيديو وفي دقايق بسيطة.. اعرفي طريقة تحضير وصفة باستا الطبق الواحد بالجبنة البارميزان والتوم
بالفيديو وفي دقايق بسيطة.. اعرفي طريقة تحضير وصفة باستا الطبق الواحد بالجبنة البارميزان والتوم