طريقة عمل مانيكير الفقاعات Bubble Nails باستخدام الصابون

ريهام محمود
ريهام محمود
في
أظافر
721

كل يوم بيظهر اختراعات وابتكارات كتير في تصاميم الاظافر ، ومن ضمن الابتكارات الجديدة هي مانيكير الفقاعات Bubble nails ، وهي طريقة سهلة وبسيطة لتصميم المانيكير باستخدام الصابون ، تعالوا نتعرف على طريقته مع بعض بالخطوات والفيديو من خلال السطور الجاية.

مانيكير الفقاعات Bubble Nails:

مانيكير الفقاعات بيدي تأثير حلو جدا للضوافر ، وتقدري تعمليه بكل سهولة في البيت باستخدام الماية والصابون.

الحاجات اللي هتحتاجيها:

– Base coat.

– مانيكير اي لون تفضليه.

– Top coat.

– ماية وصابون.

مانيكير الفقاعات Bubble Nails 1
مانيكير الفقاعات Bubble Nails 1

خطوات عمل مانيكير الفقاعات:

1- حطي طبقة رقيقة من ال Base coat وسيبيها تنشف.

2- حطي لون المانيكير اللي انتي اختارتيه طبقة او اتنين على حسب ما تبقي راضية عن اللون وسيبيه ينشف ، والافضل تختاري لون غامق لان تأثير الفقاعات بيظهر عليه اكتر وبيكون شكله احلى ، ولكن هو في العموم ينفع على اي لون.

3- هنيجي للخطوة الاساسية وهي عمل الفقاعات ، هاتي طبق وفيه اصبون اي نوع ممكن شامبو او صابون سايل او شاور جل ، اي حاجة متوفرة عندك بتعمل رغوة كتير لان احنا محتاجين الرغوة بس من غير الماية.

4- قلبي الصابون مع الماية لحد ما تتكون عندك رغوة كتير ، باي حاجة عندك فرشة ضوافر, او فرشة مكياج صغيرة, او معلقة ، اي حاجة متوفرة عندك ، خدي من الرغوة بس من غير الماية وابدأي حطيها على الضوافر بالراحة من غير ضغط ، لحد ما تغطي الضوفر كله برغوة كتير ، او ممكن تحطي ضوفرك نفسه في الرغوة لحد ما تغطيه كله.

5- سيبي الرغوة لحد ما تنشق تماما ، وبعدها امسحي الفقاعات الزيادة بمنديل ، وبكده التصميم هيبقى خلص.

6- كخطوة نهائية حطي طبقة Top coat عشان تحافظ على التصميم وتدي لمعة للمانيكير.

مانيكير الفقاعات Bubble Nails 2
مانيكير الفقاعات Bubble Nails 2

الطريقة بالفيديو:

افكار بالصور لعمل مانيكير الفقاعات:

مقالات متعلقه

موضة تصاميم والوان المانيكير لموسم الربيع

موضة تصاميم والوان المانيكير لموسم الربيع

الوان المانيكير التريندي لموسم الشتا السنة دي

الوان المانيكير التريندي لموسم الشتا السنة دي

الوان مانيكير الصيف في 2023: الالوان والتصاميم التريندي لضوافر القدمين

الوان مانيكير الصيف في 2023: الالوان والتصاميم التريندي لضوافر القدمين