ايه اللي هيحصل لو اخدتي شاور مرتين او اكتر في اليوم

ريهام محمود
ريهام محمود
في
صحة
465

لو انتي متعودة تاخدي شاور اكتر من مرتين في اليوم ، انتي كده ممكن تضري صحتك اكتر مما تتخيلي ، قضاء وقت كتير في الحمام ممكن انه يضر بشرتك وشعرك ، والاكتر كمان انه ممكن يأثر على صحتك الانجابية ، والنهاردة من خلال موضوعنا هنشارك معاكم سلبيات الشاور الكتير في اليوم على صحتك.

سلبيات الشاور الكتير:

1- شعرك هيبقى دهني اكتر:

غسل الشعر بالشامبو عدد مرات كتير ممكن يخليه دهني اكتر ، في كل مرة بتستخدمي فيها الشامبو ده بيجفف فروة راسك ، وكرد فعل الفروة هتفرز دهون اكتر ، فلو انتي متعودة تغسلي شعرك يوميا ، هتوصل رسالة لفروة راسك انها محتاجة تفرز زيوت اكتر باستمرار لمنع جلد الراس من الجفاف المفرط ، وده بدوره هيخلي شعرك يبقى دهني بشك اسرع.

سلبيات الشاور الكتير 1
سلبيات الشاور الكتير 1

2- بشرتك هتبقى جافة:

الافراط في الشاور ممكن انه يضرك اكتر من انه هينفعك ، لان جل الاستحمام والصابون والماية السخنة بتزيل البكتيريا الصحية والزيوت الاساسية من بشرتك ، والزيوت دي بتساعد على الحفاظ على شباب البشرة وحمايتها من التجاعيد لفترة اطول ، ومعظم دكاترة الجلدية بينصحوا بالاستحمام 2 – 3 مرات في الاسبوع لمنع احتكاك الجلد والجفاف المفرط.

سلبيات الشاور الكتير 2
سلبيات الشاور الكتير 2

3- هتلاحظي وجود قشرة اكتر من المعتاد:

كتير من انواع الشامبو بيكون مكتوب عليها انها بتمنع قشرة الشعر ، ولكن في الواقع ان استخدامها كتير ممكن يجيب نتيجة عكسية ، لان الافراط في غسل شعرك هيأدي لحكة فروة راسك وتهيجها ، وده هيأدي في النهاية لظهور قشرة الراس ، وفي بعض الحالات ممكن يأدي لتساقط الشعر.

سلبيات الشاور الكتير 3
سلبيات الشاور الكتير 3

4- بشرتك هتبقى حساسة اكتر:

مافيش شك ان الاستحمام بماية سخنة طريقة صحية لتنضيف الجسم والتخلص من الجراثيم السيئة ، ولكن في انواع بكتيريا مفيدة الجسم بيكون محتاجها لتقوية جهاز المناعة ومساعدة الجسم على محاربة الفيروسات بشكل اكتر فعالية ، والاستحمام الكتير هيأدي لاضطراب ميكروبيوم بشرتك ، وده هيأدي بدوره للشعور بالتهيج والتشقق والاحمرار.

سلبيات الشاور الكتير 4

5- هيصعب عليكي فك تشابك الشعر:

تجفيف الشعر بالسيشوار بعد الشاور ممكن تكون طريقة سريعة وعملية ، ولكن لو بتعملي ده بشكل يومي هيضر شعرك ، وغسل الشعر عدد مرات كتير هيخليه جاف وهش ومعرض للتكسر ، ولما شعرك هيكون ضعيف وبيتقصف بسهولة ، هيصعب عليكي عملية تمشيطه وتصفيفه.

سلبيات الشاور الكتير 5

6- ممكن يأثر على صحتك الانجابية:

الاجزاء الخاصة او الحساسة في الجسم بتنضف نفسها بشكل طبيعي مع التفريغ ، واستخدام الصابون المعطر والمنتجات الجل لغسل المناطق دي ممكن يأثر على مستويات الاس الهيدروجيني الصحية ، وده بدوره ممكن يتسبب في اختلال التوازن البكتيري والتهيج وحتى هيأثر كمان على صحتك الانجابية ، عشان كده الافضل اختيار المنظفات اللطيفة الخالية من العطور لغسل المنطقة الحساسة.

سلبيات الشاور الكتير 6

مقالات متعلقه

افضل 8 اطعمة صحية للفطار والسحور في رمضان

افضل 8 اطعمة صحية للفطار والسحور في رمضان

نصايح لصيام صحي في رمضان

نصايح لصيام صحي في رمضان

10 تمارين واطعمة هتساعدك على بناء عضلات جسمك

10 تمارين واطعمة هتساعدك على بناء عضلات جسمك