8 نصايح لتقليل الهالات السودا والتعب تحت العيون

بقلمريهام محمود فيبشرة visibility606

لو بتفكري ان الكافيين يعتبر عدو لبشرتك ، النهاردة هنقولك بعض النصايح من دكاترة الجلدية اللي هتفاجئك ، جمال وصحة جسمك ومظهرك بتعتمد في الاساس على الكمية اللي هتستهلكيها ، والعناية المتوازنة ، والنهاردة من خلال موضوعنا هنشارك معاكم نصايح لتقليل الهالات السودا والتعب تحت العين ، وهتساعدك على الحصول على عيون مشرقة وشباب.

نصايح لتقليل الهالات السودا والتعب تحت العين:

1- استهلكي الكافيين بكمية معتدلة:

شرب المشروبات اللي بتحتوي على كافيين في الواقع مش بتسبب فقدان السوائل والجفاف ، هي ممكن يكون ليها تأثير مدر للبول خفيف ، يعني لو انتي بتخافي ان القهوة ممكن تسببلك جفاف وتأثر على صحة بشرتك حوالين منطقة العين ، بنقولك متقلقيش لانها مش هتسببلك اي مشكلة.

بالاضافة ان الكافيين يعتبر مضيق للاوعية وممكن يأدي لتقليص الاوعية الدموية المحيطة بمنطقة العين وده هيساعد على التقليل من ظهور التورم والارهاق ، وتقدري تستخدمي القهوة كماسك على البشرة لو انتي من الاشخاص اللي المشروبات اللي بتحتوي عى كافيين ممكن تسببهم لهم صداع وارق ، عشان كده بننصحك انك ماتشربيش قهوة اكتر من 4 كوبايات في اليوم.

نصايح لتقليل الهالات السودا والتعب تحت العين
نصايح لتقليل الهالات السودا والتعب تحت العين

2- تقليل احتقان الجيوب الانفية:

خليكي حذره لو بتعاني من سيلان الانف طول الوقت ، لانه احتقان الجيوب الانفية المزمن ممكن انه يتسبب في امتلاء الاوردة الموجودة تحت العين بدم لونه غامق ، ونتيجة لده ، الاوردة هتظهر من خلال الجلد وتكون هالات سودا حوالين العين ، عشان كده بينصح الخبراء تنضيف الجيوب الانفية من وقت للتاني.

نصايح لتقليل الهالات السودا والتعب تحت العين

3- استخدمي الريتينول والنياسيناميد:

النياسيناميد هو واحد من مضادات الاكسدة اللي بتساعد على تقليل الاحمرار وفرط التصبغ وتهدئة الجلد الملتهب ، وفي كتير من الاحيان بيتم ااضافته للمنتجات اللي بتحتوي على الريتينول لمضاعفة التأثير ، عشان كده خدي بالك وانتي بتشتري منتجات العناية بالبشرة يكون موجود فيهم العنصرين دول.

نصايح لتقليل الهالات السودا والتعب تحت العين

4- استخدمي اقنعة الكافيين:

ممكن تستخدمي البن المطحون او القهوة سريعة التحضير كماسك لتقليل الانتفاخ والتعب والهالات السودا ، ولكن ماتستخدميهاش كل يوم.

والكافيين كمان بيحتوي على احماض امينية ، اللي بتساعد على تعزيز انتاج الجلد للكولاجين.

نصايح لتقليل الهالات السودا والتعب تحت العين

5- استخدمي علاج مزدوج:

الهالات السودا ممكن تحصل بسبب البشرة الرقيقة او الفاتحة ، ممكن تجربي تستخدمي علاجين مع بعض ، حسب نصيحة الخبراء ، كل اللي عليكي تعمليه استخدمي سيروم حمض الهيالورونيك وكريم ريتينول ، لملء وتقوية بشرة منطقة تحت العين.

6- ضيفي الافوكادو لوجبة الفطار:

ماتحرميش جسمك من الدهون الطبيعية ، اكل حاجات زي الافوكادو, السلمون, الجبن, منتجات الالبان عموما ، ممكن انها تساعدك في الحفاظ على اغشية الخلايا السليمة اللي هتحفظ بالماية والعناصر الغذائية ، على سبيل المثال ، ممكن تضيفي الافوكادو لوجبة فطارك ، ده هيفرق مع بشرتك.

7- اتحكمي في وضع راسك اثناء النوم:

اختاري المخدة المناسبة اللي ماتكونش منخفضة اوي بالنسبة لك ، ولو نمتي بشكل مسطح طول الليل ، ده ممكن يخلي السوايل تتجمع تحت جفونك ، ويسبب انتفاخ وتعب.

8- اتجنبي منتجات العناية بالبشرة المعطرة:

الهالات السودا ممكن تظهر بسبب تهيج الجلد المستمر ، في الحالة دي المتخصصين بينصحوا باستخدام كريم هيدروكورتيزون بتركيز 1% مرتين يوميا ، وتجنب منتجات العناية بالبشرة المعطرة ، كمان البسي نضارة blue light لما تقعدي قدام اي شاشة.

سيروم القهوة للعين لعلاج الهالات السودا والانتفاخات

سيروم القهوة للعين لعلاج الهالات السودا والانتفاخات
سيروم القهوة للعين لعلاج الهالات السودا والانتفاخات