8 نصائح في لغة الجسد هتساعدك تثقي بنفسك أكتر

آية حسان
آية حسان
479

تعرفي إن لغة الجسد أقوي الوسائل اللي ممكن نستخدمها عشان نوصل رسالة بطريقة خفية، لأنها بنفس قوة الكلمات اللي بنقولها خصوصا لو عرفتي تدمجيها بشكل صحيح، لما تيجي تبصي لحد بنظرة ثقة وده من خلال حركاتك ووضعيات قعدت وتقنعي غيرك إنك واثقة في نفسك رغم إن ممكن تكوني حاسة ببعض التوتر والتعب لأنك عاوزة يكون فيه انطباع مع الأشخاص اللي قدامك لأن لغة الجسد هي مفتاح لتحقيق كل الحاجات اللي عوزة تنفذيه، اعرفي 8 نصائح في لغة الجسد هتساعدك تثقي بنفسك أكتر..

8 نصائح في لغة الجسد هتساعدك تثقي بنفسك أكتر

1- التواصل البصري

الاتصال بالعين أهم وأقوي الأدوات للتفاعل بينك وبين شخص تاني، لأنه بيدل الحفاظ علي الاتصال بالعين علي الصدق والإخلاص واستعدادك إنك تسمعي باهتمام، بس خلي بالك عشان متبانيش إنك فضولية لكن غير كده هي طريقة فعالة، كذلك الشخص اللي بيتكلم معاكي بيميل أكتر للاتصال بالعين لانها بتدي إحساس بالأمان أما النظر للأسفل لما تكلمي شخص ده علامة من علامات عدم الأمن والأمان.

التواصل البصري
التواصل البصري

2- الميل قليلا للأمام

وضعيتك مهمة اوي أثناء محادثتك مع شخص تاني، مهم جدا خصوصا لو في وضعية الجلوس، لأن الميل لقدام بيعمل فرق كبير لانه بيعبر عن انتباهك واهتمامك بيه لكن في الوقت نفسه، بيظهر الثقة بالنفس عن طريق تقليل الحواجز اللي بينك وبين المحاور اللي معاكي . علي عكس الميل للخلف بيزيد المسافة بينك وبين الشخص اللي بتكلميه فبيظهر عدم الاهتمام .

الميل قليلا للأمام
الميل قليلا للأمام

3- حافظي علي رأسك مرفوعة

عموما الأشخاص اللي بيمشوا وراسهم تحت أو دايما في انحناء وقت الحديث مع شخص تاني، بتكون شخصيتهم انطوائية وبيتم تفسير المواقف دي باحترام الذات والثقة بالنفس، علي عكس لو مشيتي وراسك مرفوعة هتحسي إنك شخص آمن وفخور وواثق من نفسه.

حافظي علي رأسك مرفوعة
حافظي علي رأسك مرفوعة

4- وضعيات وقوف معتدلة

خلي بالك دايما من وضعية جسمك وقت التحديات كلقاء أو مقابلة عمل، لأنك بتكوني عاوزة تظهري ثقتك بنفسك، فلازم وضعك يكون مستقيم وتكوني مرتاحة وده بيكون إنك بترجعي كتفك لورا ورأسك لفوق بالطريقة دي هتكون شخص هادي ولكن واثقة من نفسك في نفس الوقت، وضعية الانحناء المتوترة مع الكتفين والراس للأمام فده بيدي إحساس بانعدام الأمن والخجل والعصبية. الوضع المفتوح بالساقين مع الذراع بيوضح إنك شخص منفتح ومنتبه لكلام الشخص اللي قدامك، لكن الوضع المقفول بتقاطع الذراع والساقين بيدل علي العكس تماما.

وضعيات وقوف معتدلة
وضعيات وقوف معتدلة

5- وضع الإيد

لو عاوز توضح للشخص اللي قدامك بثقتك بنفسك، حاولي تخلي إيدك بعيدة عن جيوبك لأن الوضع ده بيخلي اللي حواليك يثقوا فيكي، أما وضع اليديم في الجيب بيدل علي العصبية وانعدام الأمن والحفاظ علي المسافة بينكم وده سبب بسيط إنك تخليهم في وضع مريح.

وضع الإيد
وضع الإيد

6- القدم للأمام

رغم إنها تفصيلة بسيطة وغير مهمة عند بعض الناس، لكن وضعية توجيه قدمك للأمام لما تيجي تتكلمي مع شخص بيدل علي تعاطفك معاه سواء كان صديق أو مدير مع حفاظك علي وضعية استقامة القدم بوضع مستقيم للجسم لأنها أفضل طريقة عشان تعبري بيها ع اهتمامك وزيادة ثقتك بنفسك، أما لو العكس فده يدل علي العصبية والقلق وعدم الراحة .

القدم للأمام
القدم للأمام

7- ابتسمي

الابتسامة الصغيرة وقت الكلام مع شخص معين بيزود التعاطف والثقة بينكم أكتر، بكل بساطة لما تحتاجي للدعم أو تتواصلي مع الآخرين فبتدوري علي شخص ودود ومستعد يسمع مش مجرد شخص مزعج لأنها بتفرق جدا في الدردشة مع غيرك.

ابتسمي
ابتسمي

8- مساحة خاصة

إحساسك بعدم الأمان أو عدم الارتياح والتوتر تجاه موقف معين، ممكن يحسس نفسك أصغر، فثقتك بنفسك تقل أكتر، لو عاوزة تكوًني صورة للثقة بالنفس، اشغلي مساحة لنفسك اللي محتجاها عشان تحسي بالراحة فيبان إن دي علامة من علامات الراحة والثقة والأمان.

مساحة خاصة
مساحة خاصة

اعرفي معانا كمان 8 حيل نفسية لقراءة عقول الناس عشان تعرفي بيفكروا في إيه

مقالات متعلقه

8 حيل نفسية هتساعدك تقري عقل اللي قدامك

8 حيل نفسية هتساعدك تقري عقل اللي قدامك

افهميهم تعرفيهم.. 8 حيل نفسية لقراءة عقول الناس عشان تعرفي بيفكروا في إيه

افهميهم تعرفيهم.. 8 حيل نفسية لقراءة عقول الناس عشان تعرفي بيفكروا في إيه

7 علامات بتقول إن عندك ثقة في النفس قليلة.. اعرفيها واعرفي ازاي تعالجيها

7 علامات بتقول إن عندك ثقة في النفس قليلة.. اعرفيها واعرفي ازاي تعالجيها