افهميهم تعرفيهم.. 8 حيل نفسية لقراءة عقول الناس عشان تعرفي بيفكروا في إيه
أكيد مريتي بلحظات تتمني لو تعرفي الناس بتفكر في إيه وتقدري تقري العقول بكل سهولة زي الأبطال الخارقين، بس تعرفي إن ده ممكن يحصل عن طريق لغة جسدهم؟ الكلمات لها قوة خاصة لكن ممكن تترجميها بطريقة مختلفة مع حركات الجسم والإيماءات، لأن لغة الجسد مرتبطة بالعقل الباطن وبتلاقي نفسك بتخرج منك حاجات بشكل تلقائي بدون إدراك إلا بعد ماتحصل، وبعنوان افهميهم تعرفيهم.. هنقولك في المقال ده 8 حيل نفسية لقراءة عقول الناس عشان تعرفي بيفكروا في إيه
1- تابعي العيون
ترجمي لغة عيون اللي قدامك، النظر بالعين في اليمين ولفوق ده بيدل علي الكذب لأنه بينشط الخيال وذكريات النشاط الشمال، لكن النظر لجهة الشمال ولتحت وقت الكلام مع شخص ده معانه إنه بيفتكر المعلومات او بيجمع أفكاره.
2- ميل الرأس
أحيانا لما تيجي تتكلمي عن حاجه لشخص معين ممكن يكون مش متقبله فيبدأ يهز رأسة بإيماءة مستمرة وكتير، لو الشخص شك في الكلام اللي بتقوليه أو حس إن فيه حاجه مش طبيعية فبيهز رأسه كتير فلو لقيتي ده بيحصل، خلي كلامك أبطأ وحاولي تقوليه بطريقة مختلفة.
3- التظاهر بالابتسام
مفيش ست بتحب التجاعيد ودايما بتشتكي منها، لكن التجاعيد بتعرفك لو الابتسامة دي حقيقية أو لا، لان الابتسامات المزيفة باردة غير مُعدية فلو لاحظتي ان عيد اللي قدامك مش بتضحك مع شفايفه، اعرفي انه ضحكته مزيفة وانه بيتظاهر بالابتسام.
4- شد الفك
الفك المشدود علامة من علامات التوتر لو شوفتي حد بيعمل كده فده معناه إنه بيفكر في حاجة مرهقة ومتعبة بالنسبة له وده بيحصل بدون وعي.
5- التظاهر بالحب
لو عاوزة تعرفي إزاي إظهارهم للعواطف بإجبار، يبقي ركزي علي تعبيرات الوش لو لقتيها في جنب واحد من وشه فيه نشاط أكتر من الجنب التاني يبقي هو بيقوم بتزييف مشاعره ناحيتك وبيمثل انه بيحبك او انه مستلطفك، ببساطه بيمثل ومشاعره مش حقيقية.
6- رفع الإيد
رفع الإيد تحت مستوي الرأس ده بيدل علي عدم الأمان والخجل من حاجه أو شخص، أما رفع الإيد بطولها الكامل بشكل طبيعي وبوضعية مريحة معناه انه مرتاح وواثق في نفسه ومسيطر.
7- حركة اليد
حركات الإيد وإيمائتها أكيد بتدل علي حاجه معينة، لو كان الشخص اللي قدامك راحة إيده متجه لفوق ده معناه إنه بيقترح أو بيطلب حاجه معينة، أما لو راحة إيده متجهة للأسفل فده معناه إنه بيطلب حاجه أو بيلح علي أمر معين.
8- البعد والمسافة في الجلوس أو الحركة
قرب أو بُعد الشخص منك ده بيدل علي نظرته ليك بشكل سواء إيجابي أو سلبي، لو بيبعد عنك كل ماتقرب منه ده معناه إن الاتصال بينكم مش متبادل، عموما تقدري تعرفي العلاقة بين أي شخصين ومدي قربهم علي حسب المسافة اللي بتكون بينهم.
اعرفي معانا كمان عندك انترفيو شغل مهم وخايفة من الأسئلة؟ هنقولك أصعب الأسئلة اللي ممكن تقابلك وازاي تجاوبي عليها