ازاي تستبدلي اللبن والزبدة في المخبوزات لو عايزة تستغني عنهم

ريهام محمود
ريهام محمود
في
مطبخ
763

المخبوزات والمعجنات عموما المكونين الاساسين فيهم هما اللبن والزبدة ، ورغم ان المكونات دي ضرورية للمخبوزات ، الا انه في بعض الاحيان ممكن تحتاجي تستبدليهم لخفض السعرات الحرارية لو بتعلمي دايت ، او لتوفير اختيار نباتي للاشخاص النباتيين ، او للاشخاص اللي ممكن يكون عندهم حساسية من منتجات الالبان ، البدائل المختلفة بتدي تقريبا نفس طعم وقوام الزبدة واللبن ، وتقدري تختاري البدائل حسب احتياجاتك ، اللبن لانه سائل هيكون سهل استبداله ، واختيار بدائل الزبدة هتعتمد على الطريقة اللي الوصفة محتاجة بيها الزبدة ، والنهاردة من خلال موضوعنا هنشارك معاكم بدائل اللبن والزبدة في المخبوزات.

بدائل اللبن والزبدة في المخبوزات:

بدائل اللبن:

– البديل 1:

استبدلي كمية اللبن اللي محتاجاها الوصفة بكمية متساوية من بدائل اللبن غير الالبان ، زي حليب الصويا, حليب الارز, حليب اللوز وحليب المكسرات بشكل عام, حليب جوز الهند.

– البديل 2:

ممكن تعملي نكهة الفواكة في المخبوزات بتاعتك ، عن طريق استبدال اللبن بكمية متساوية من عصير الفاكهة ، زي عصير البرتقان او التفاح.

– البديل 3:

ممكن تعملي لبن بديل عن طريق استخدام الحليب المبخر (شبه الحليب المكثف ولكن من غير سكر مضاف) امزجي الحليب المبخر مع كمية متساوية من الماية ، على سبيل المثال ، لو الوصفة محتاجة كوباية واحدة من اللبن ، امزجي ½ كوباية من الحليب المبخر مع ½ كوباية ماية.

بدائل اللبن والزبدة في المخبوزات
بدائل اللبن والزبدة في المخبوزات

بدائل الزبدة:

– البديل 1:

استبدلي الزبدة السايحة في الوصفة بالزيت ، زي زيت الزيتون, زيت الكانولا, او اي نوع زيت نباتي ، والكمية المثالية هتكون باستبدال 8/7 كوباية زيت لكل 1 كوباية زبدة سايحة في الوصفة.

– البديل 2:

استبدلي الزبدة بالسمنة ، والكمية المثالية هي8/7 كوباية سمنة لكل 1 كوباية زبدة ، او 1 كوباية سمنة لكل 1 كوباية زبدة.

– البديل 3:

ضيفي التفاح المهروس او اي نوع فواكه او خضروات مهروسة كبديل للزبدة ، استبدلي الفاكهة المهروسة بنص كمية الزبدة في الوصفة ، على سبيل المثال ، لو الوصفة بتاعتك محتاجة كوباية واحدة من الزبدة استبدليها ب ½ كوباية من الفاكهة المهروسة ، اما الخضار المهروسة استخدمي منها ¾ كوباية بدل كل كوباية زبدة.

– البديل 4:

استبدلي الزبدة بالزبادي او بال buttermilk باستخدام نص كمية الزبدة المطلوبة في الوصفة ، على سبيل المثال ، لو وصفتك محتاجة ½ كوباية زبدة ، ضيفي بدالها ¼ كوباية زبادي او buttermilk.

بدائل اللبن والزبدة في المخبوزات 2

مقالات متعلقه

طريقة عمل حلوى اللدو الهندية

طريقة عمل حلوى اللدو الهندية

طريقة عمل شوربة العدس بالبطاطس

طريقة عمل شوربة العدس بالبطاطس

طريقة عمل كيك الصفوف اللبنانية

طريقة عمل كيك الصفوف اللبنانية