حاجات صغيرة بنعملها غلط من غير ما نعرف!

بقلمريهام محمود فيمنوعات visibility301

كلنا بنبقى متعودين نعمل حاجات كتير في يومنا بطرق معينة لانها هي المتعارف عليها او اللي اتعودنا نمشي عليها من سنين ، ولكن اللي منعرفوش اننا ممكن نكون بنعمل حاجات بطريقة غلط ، والنهاردة من خلال موضوعنا هنتعرف على حاجات صغيرة بنعملها غلط في يومنا.

حاجات صغيرة بنعملها غلط:

1- المشي من الكعب للصوابع هي الطريقة الصح:

ممكن يكون في كتير مننا مش بيدي اهتمام للطريقة اللي بنمشي بيها ، ولكن الحقيقة ان بعض الناس خطوتهم بتكون من اصابع القدم للكعب ، ولكن الطريقة دي غلط ، والطريقة الصحيحة للمشي هو انك تبدأي خطوتك من الكعب الاول وبعدين تحطي رجلك على الارض وتدفعي بصوابع القدم ، والمشي بالطريقة دي افضل من المشي من صوابع القدم للكعب لان الخطوة بتستهلك طاقة اقل ، وكمان الطريقة دي بتقلل منقوة الضغط على منطقة الكاحلين.

حاجات صغيرة بنعملها غلط
حاجات صغيرة بنعملها غلط

2- خزني علبه الايس كريم في كيس زيبلوك قبل ما تحطيها في الفريزر عشان تحافظي على الايس كريم ناعم:

علبة الايس كريم قبل ما تخزنيها في الفريزر حطيها في كيس زيبلوك او كيس بلاستيك ، الطريقة دي هتخلي الايس كريم يفضل ناعم ولين معاكي وتقدري تطلعي منه بسهولة.

حاجات صغيرة بنعملها غلط

3- المفروض ماتفركيش المرطب على البشرة, حطيه بطريقة الطبطبة:

كلنا تقريبا لما بنستخدم المرطب بنفركه او ندله على بشرتنا ، ولكن ثبت ان الطريقة الصحيحة ليه هي طريقة الطبطبة او الضغط ، لان بالطريقة دي حرفيا بتضغطي على المنتج جوه بشرتك ، وده هيساعد الجلد على امتصاص المنتج بشكل افضل وزيادة تدفق الدم ، حاجة كمان تعمليها عشان تحصلي على افضل النتائج هو انك تدفي المنتج في ايديكي قبل ما تحطيه على بشرتك.

حاجات صغيرة بنعملها غلط

4- تنضيف الخلاط بطريقة سهلة:

كلنا تقريبا بنغسل الخلاط بنفس طريقة غسل الاطباق العادية ، ولكن انتي تقدري تنضفيه بطريقة اسرع وفعالة انك تحطي فيه شوية ماية سخنة وسائل غسل الاطباق وشغليه لمدة 10 ثواني تقريبا ، وبعدها اتخلصي من الماية واشطفيه بالماية العادية.

حاجات صغيرة بنعملها غلط

5- طريقة اكل الكب كيك بشكل صح:

من المثير للدهشة ان طول عمرنا بناكل الكب كيك بطريقة غلط ، الطريقة الصح هي او حاجة طلعي الكب كيك من الورقة بتاعته ، واقطعي الجزء اللي تحت وحطيه فوق بحيث الكريمة تبقى في النص ويبقى عامل زي الساندويتش ، بالطريقة دي هتستمتعي بطعم الكيك مع الكريمة في كل قضمة.

حاجات صغيرة بنعملها غلط

6- اتجنبي النوم على البطن نهائي:

النوم على البطن ممكن يكون ضار جدا بصحتك ، لانه حسب الابحاث اثبتت ان الوضع ده في النوم بيزود الضغط على ضهرك وعمودك الفقري لان الوزن بيتركز عموما في منطقة منتصف الجسم ، بالاضافة انه ممكن يسبب مشاكل في الرقبة على المدى الطويل.

حاجات صغيرة بنعملها غلط

7- الطريقة الصح للقهوة المثلجة:

لو بتحطي مكعبات تلج عادية في القهوة الثلجة ، هتفقد مذاقها بمجرد ما المكعبات تبدأ تدوب ، عشان كده بدل ده ، استخدمي مكعبات القهوة المثلجة عشان تحافظي عى النكهة القوية بتاعة قهوتك ، والمكعبات سهلة التحضير ، كل اللي هتعمليه اعملي القهوة بالطريقة العادية وصبيها في قوالب التلج وجمديها في الفريزر ، وبالطريقة دي هيكون سهل تطلعي منها اي وقت وتضيفيها لفنجان القهوة المثلجة بتاعك.

8- تسخين الاكل في الميكروويف بطريقة صح:

عشان تسخني الاكل في الميكروويف بطريقة صح وبشكل متساوي ، اعملي في نص الطبق ثقب او حفرة ، بحيث تبقى شبة الدوناتس على الطبق.

9- التنفس من البطن اكتر كفاءة من التنفس من الصدر:

للاسف ان التنفس كمان يعتبر واحد من الحاجات اللي ممكن نكون بنعملها بشكل غلط ، عشان تحصلي على كمية كافية من الاكسجين في نظامك ، ثبت ان الطريقة الاكتر فاعلية للتنفس هي دفع الهوا للاسفل باتجاه البطن ، لما الحجاب الحاجز بينقبض ، البطن بتتمدد وبتملى الرئتين بالهوا.

10- طريقة تقطيع الخبز بشكل صح:

عشان تقطعي الخبز بشكل صح وتحافظي على شكل الرغيف ، يبقى لازم تبدأي من الجنب الاصعب وهو الرغيف من تحت ، اقلبيه وابدأي قطعي ده هيحافظ على شكله ، وكمان بننصحك انه لو سخن استني لحد ما يبرد ويبقى في درجة حرارة الغرفة قبل تقطيعه.

11- اعملي ثقوب في سلة المهملات لدخول الهوا:

اعملي في سلة المهملات بعض الثقوب عشان تسمحي للهوا بالدخول ، ده هيخليكي تخرجي الكيس بشكل اسهل من السلة ، بالاضافة انه هيمنع يبقى في ريحة كريهة.

12- لفي الملابس لتوفير المساحة:

الطريقة دي اسمها Ranger rolling, وهي بتساعد على توفير المساحة ، وفي نفس الوقت كمان حماية الملابس من الكرمشة ، وهتخلي الشنطة منظمة اكتر ، وتقدري تستخدمي التقنية دي في التطبيق للتيشرتات, البنطلونات, الفساتين الكاجوال, البيجامات, وملابس السباحة ، ولكن ماتنفعش للملابس اللي حجمها كبير زي البلوفرات.

14 طريقة غير تقليدية وفعالة لتخزين الاطعمة