14 طريقة غير تقليدية وفعالة لتخزين الاطعمة

ريهام محمود
ريهام محمود
649

في انواع اطعمة كتير بنشتريها بنكون مش هنستخدمها على طول وبنحتاج نخزنها ، وللاسف ان في كتير منها ممكن يبوظ بعد فترة قصيرة وبنضطر نرميها ، ولكن لحسن الحظ ان في طرق بسيطة تقدري تستخدميها هتحفظ لك الاطعمة طازة لفترة اطول ، والنهاردة من خلال موضوعنا هنقولك طرق لحفظ الاطعمة وكلها اثبتت فعاليتها.

طرق لحفظ الاطعمة لفترة اطول:

1- حافظي على الخيار لفترة اطول لفي كل واحدة منهم بورق مطبخ ، واحفظيهم في كيس بلاستيك زيبلوك او محكم الغلق.

طرق لحفظ الاطعمة 1
طرق لحفظ الاطعمة 1

2- احفظي علب الجبنة او كريمة الطبخ مقلوبة في التلاجة ، ده بيعمل تأثير فراغ بيبطء من نمو البكتيريا اللي ممكن تبوظها.

طرق لحفظ الاطعمة 2
طرق لحفظ الاطعمة 2

3- عشان تمنعي حشرات الدقيق ، حطي قطعة من اللبان بالنعناع ملفوفة بورق فويل جوه كيس الدقيق.

طرق لحفظ الاطعمة 3
طرق لحفظ الاطعمة 3

4- عشان تحافظي على الفراولة او التوت لفترة اطول ، اشطفيها بمحلول متكون من 2 معلقة كبيرة خل مع 3 كوبايات ماية.

طرق لحفظ الاطعمة 4
طرق لحفظ الاطعمة 4

5- الطماطم المجمدة تقدري تستفادي منها وتعملي بيها شوربة او صلصة ، وبالطريقة دي تقدري تخزنيها لمدة توصل ل 6 شهور.

طرق لحفظ الاطعمة 5
طرق لحفظ الاطعمة 5

6- لفي الاعشاب بورق مطبخ مبلول بشكل بسيط يعني يادوب يكون رطب ، وحطيهم في كيس بلاستيك ، واتأكدي انك تخرجي كل الهوا من الكيس ، وبعدين احفظيه في التلاجة ، الاعشاب هتفضل طازة ومش هتدبل لحد ما تخلص.

طرق لحفظ الاطعمة 6
طرق لحفظ الاطعمة 6

7- عشان تحافظي على الخبز طري وخالي من العفن ، حطي معاه في الكيس قطعة كرفس.

طرق لحفظ الاطعمة 7
طرق لحفظ الاطعمة 7

8- عشان تحافظي على السكر ناعم ورطب من غير تكتلات ، حطي معاه كام قطعة مارشميلو.

طرق لحفظ الاطعمة 8

9- بمجرد ما تقطعي التفاحة لشرايح ومش هتاخديها كلها ، لفي حواليها استك عشان تثبتي باقي القطع مع بعض ، ده هيمنع ان التفاحة تتحول للون البني.

طرق لحفظ الاطعمة 9

10- لو عايزة الافوكادو ينضج بشكل اسرع ، حطيه في كيس فيه موز ، الموز بيدي مستويات عالية من الايثيلين وده هيخلي الافوكادو ينضج بشكل اسرع.

طرق لحفظ الاطعمة 10

11- خزني الفاكهة المجففة في برطمان زجاج محكم الغلق في مكان بارد ، بالطريقة دي الفاكهة هتفضل طرية لاطول فترة.

طرق لحفظ الاطعمة 11

12- لفي الخس بقطعة من الورق الفويل ، بالطريقة دي هيفضل طازة معاكي لحد 4 اسابيع.

طرق لحفظ الاطعمة 12

13- عشان تمنعي ان التوت طازة يلزق في بعضه اثناء التجميد ، رصيه على صينيه او طبق الاول منفصلين عن بعض وجمديهم ، وبعدين خديهم واحفظيهم في كيس بلاستيك.

طرق لحفظ الاطعمة 13

14- عشان تحافظي على الليمونة المقطوعة طازة ، اغمسيها في ملح وحطيها في التلاجة.

طرق لحفظ الاطعمة 14

مين جربت اي واحدة من الطرق دي ونجحت معاها؟ ومين عندها طرق تانية غير اللي قولناهم تشاركها معانا؟

مقالات متعلقه

اسهل حيل طبخ من الشيف العالمية مارثا ستيوارت

اسهل حيل طبخ من الشيف العالمية مارثا ستيوارت

بدائل لمكونات الطبخ الغير متوفرة في مطبخك

بدائل لمكونات الطبخ الغير متوفرة في مطبخك

افضل الطرق عشان تحافظي على الخضار والفاكهة المتقطعة من تغيير لونها وطعمها

افضل الطرق عشان تحافظي على الخضار والفاكهة المتقطعة من تغيير لونها وطعمها