ايه اللي هيحصل لجسمك لو وقفتي اكل السكر تماما

بقلمريهام محمود فيصحة visibility490

غالبا السكر بيكون هو اول حاجة بنستبعدها من نظامنا الغذائي لما نقرر اننا هنبدأ ناكل اكل صحي ، ولكن في بالفعل سكريات جيدة زي قصب السكر او السكريات الموجودة في الفواكة والخضروات اللي ممكن تفيد صحتك ومظهرك ، لما تاكلي منها باعتدال ، السكريات الجيدة هترضي احتياجك للسكر, وتهدي اعصابك, وهتمنعك من زيادة الوزن ، يعني تقدري تاكلي من السكريات الجيدة بكمية معتدلة كل يوم من غير ما تحسي بالذنب ، والنهاردة من خلال موضوعنا هنتعرف على سلبيات التوقف عن اكل السكر تماما بشكل مفاجيء.

سلبيات التوقف عن اكل السكر:

1- شعرك هينمو بشكل ابطأ:

في حين ان اكل كمية كبيرة من السكر المكرر مش مفيدة لشعرك ، الا انه اضافة بعض قصب السكر (عصير القصب) لنظامك الغذائي ممكن يساعدك في الواقع على نمو شعرك بشكل اسرع ، قصب السكر يعتبر من المدرات الطبيعية للبول ، وبيساعد على التخلص من السموم وازالة الملح الزائد من الجسم ، وده بيخلي الكلى تأدي وظيفتها بشكل احسن ، لان الكليتين لما مش بيشتغلوا بشكل صحيح ، ده ممكن يسبب مضاعفات صحية خطيرة ، بما فيهم تساقط الشعر.

اضافة كمية قليلة من قصب السكر (عصير القصب) لوجباتك اليومية تعتبر طريقة سهلة ولذيذة للحصول على شعر كثيف ولامع.

سلبيات التوقف عن اكل السكر
سلبيات التوقف عن اكل السكر

2- بشرتك هتبقى معرضة اكتر للاضرار البيئية:

على الرغم من صحة معلومة ان الاطعمة الغنية بالسكريات المضافة ممكن تسبب ظهور حب الشباب ، الا ان السكريات الصحية زي قصب السكر ، ممكن بالفعل تفيد بشرتك ، قصب السكر غني بمضادات الاكسدة اللي بتحمي بشرتك من الجذور الحرة المسببة للتصبغ والشيخوخة المبكرة ، كمان اكل كمية صغيرة من الشوكولاتة الغامقة مفيد لبشرتك ، لانها بتحتوي على مركبات نشطة بيولوجيا بتساعد على تحسين تدفق الدم للجلد وبتخليه اكتر نضارة وترطيب.

سلبيات التوقف عن اكل السكر

3- ممكن تكسبي وزن زيادة:

التخلص بشكل نهائي من السكر في نظامك الغذائي اكيد مفيد لو عايزة تخسري وزنك ، ولكن حرمان نفسك من الحلويات تماما ممكن يأدي للرغبة الشديدة لاكل السكر وده هيأدي للافراط في الاكل ، عشان كده اكل كمية معتدلة من الشوكولاتة الغامقة هيكون مفيد ليكي وهيحسسك بالامتلاء ويحافظ على وزنك ، قصب السكر كمان ممكن يرضي حاجتك للسكر ويعزز عملية الايض (الحرق) في الجسم ، وده هيخلي فقدان الوزن اسهل.

سلبيات التوقف عن اكل السكر

4- تقلباتك المزاجية هتبقى اسوأ:

عمل تغييرات جذرية على نظامك الغذائي مهمة مش سهلة ابدا ، والاستغناء عن السكر تماما بتكون خطوة صعبة ، والدراسات اظهرت ان اكل كمية صغيرة من الشوكولاتة الغامقة يوميا ممكن انه يقلل من مستويات التوترعندك ويخليكي تحسي بالهدوء والسعادة.

5- هتلاقي صعوبة في التركيز:

الشوكولاتة الغامقة من الحاجات اللي ممكن تساعدك على الاستعداد لامتحان او عرض تقديمي مهم ، لانه ثبت بالدراسات ان الشوكولاتة الغامقة بتساعد على تحسين تدفق الدم للمخ ، واكلها باعتدال بطريقة صحية هيساعد على تنمية ذكائك.

يا ترى ايه كمية السكر اللي بتاكليها كل يوم؟ وهل سبق جربتي انك تتوقفي عن اكل السكر تماما؟

7 علامات تقولك انك بتاكلي خبز كتير

علامات تقولك انك بتاكلي خبز كتير