ازاي تطبخي الخضار من غير ما يفقد الفيتامينات بتاعته

بقلمريهام محمود فيمطبخ visibility125

كلنا عارفين الخضروات مفيدة ومهمة قد ايه في نظامنا الغذائي ، ولكن مش دايما بنستفاد من كل الفيتامينات والمعادن بتاعته ، وده بيعتمد على طريقة الطبخ لانها بتأثر على قيمتة الغذائية ، والنهاردة من خلال موضوعنا هنقولك طريقة طبخ الخضار من غير ما يفقد الفيتامينات والمعادن بتاعته.

 طبخ الخضار من غير ما يفقد الفيتامينات:

اكل الخضار الني:

اول حاجة تحاولي تعمليها هي اكل الخضار الني ، ممكن تاكلي جزر متقطع صوابع طويلة مع تغميسة بدل من الجزر المسلوق ، او تختاري الخضار المفضل بتاعك وتاكليه مع اي تغميسة من اختيارك.

طبخ الخضار من غير ما يفقد الفيتامينات
طبخ الخضار من غير ما يفقد الفيتامينات

جربي الطبخ بالبخار او القلي السريع:

بعض طرق الطبخ بتحافظ على محتوى الفيتامينات اكتر من غيرها ، وافضل طريقة لطبخ الخضار هي من غير نقعها او غليها في سوائل ، زي الطبخ على البخار او القلي السريع ، الطرق دي بتخليها تطبخ بشكل خفيف من غير اتلاف كمية كبيرة من محتوى الفيتامينات الموجودة فيه ، اطبخي الخضار لحد ما يبتدي يطرى وماتسيبهوش فترة طويلة على النار ، والا انتي كده بتخاطري بفقد قيمتة الغذائية.

طبخ الخضار من غير ما يفقد الفيتامينات

اتجنبي السلق:

اسوأ حاجة ممكن تسبب فقد الفيتامينات من الخضار هو سلقها في سائل ، لان السائل بيمتص الفيتامينات ، في بعض الاكلات بس ممكن تسلقي الخضار ، زي شوربة الخضار ، لانك هتاكلي الخضار مع الشوربة بتاعته وبالتالي هتستفادي من الفيتامينات ، كمان خبز الخضار او شويه لحد ما يطرى بيدمر محتوى الفيتامينات ، عشان كده الافضل انك تعتمدي على طريقة الطبخ بالبخار بدل من الشوي.

نصايح:

لمنع فقدان الفيتامينات في كام حاجة المفروض تعمليها.

– قطعي الخضار قطع كبيرة قبل طبخه ، واطبخيه في اقرب وقت ممكن من التقديم.

– سيبي قشرة الخضار من غير ما تقشريها لان بيكون فيها نسبة كبيرة من الفيتامينات.

– لو في طفل بياكل معاكي اهرسي الخضار او قطعيه مكعبات بعد طبخة بدل ما تطبخيه لحد ما يتهري.

الحاجات دي هتضمن لك الاستفادة بأكبر قدر ممكن من الفيتامينات ، وفي نفس الوقت الخضار هيكون طري ومستوي بما فيه الكفاية لاكله بأمان.

افضل الطرق عشان تحافظي على الخضار والفاكهة المتقطعة من تغيير لونها وطعمها

طرق الحفاظ على الخضار والفاكهة المتقطعة من تغيير لونها