ازاي تشجعي نفسك وتبدأي تلعبي رياضة – دليل للمبتدئين

ريهام محمود
ريهام محمود
4451

لو عايزة تخسي او تحافظي على جسمك وعايزة تلعبي رياضة ومش عارفة تبدأي منين ، انتي في المكان الصح ، النهاردة من خلال المقال بتاعنا هنشوف مع بعض تمارين للمبتدئين ، والتمارين تناسب كمان اللي مستواهم متوسط.

ازاي تبدأي تلعبي رياضة؟

اولا لازم تعملي ده عشانك مش عشان اي شخص تاني ، ومش لاي سبب او عشان عادات مجتمع ان لازم تكوني بشكل معين ، ولكن ده لازم يكون ليكي انتي بس ، دوري على الهدف اللي عايزة توصلي له ، واشتغلي على نفسك لتحقيق ده.

تاني حاجة طلعي من دماغك كل الاعذار اللي بتخليكي تكسلي تعملي رياضة زي مثلا معنديش وقت, معنديش عضوية في الجيم, معنديش المعدات اللازمة ، لكن احنا بنقولك انك تقدري تعملي ده ومش شرط يكون عندك كل المعدات الرياضية او حتى عضوية في جيم ، كل اللي انتي محتاجاه بس الدافع للبدء ، 30 دقيقة يوميا للتمارين.

والنهاردة من خلال موضوعنا هنساعدك في المهمة دي لان التمارين اللي هنشوفها مع بعض هي موجهة للمبتدئين اللي بعيد عن الجيم من فترة ، او اللي هيلعبوا رياضة لاول مرة.

تمارين للمبتدئين 1
تمارين للمبتدئين 1

فوايد التمرين:

– بيحسن مزاجك العام.

– بيساعد على الوقاية من الامراض الخطيرة زي امراض القلب.

– بيبني العضلات وبيحافظ على صحتك ولياقتك.

خطة التمرين:

سواء كنتي بعيد عن الجيم من فترة او اول مرة تلعبي رياضة ، بننصحك تبدأي بتمارين منخفضة التأثير ، لاننا مش عايزين جسمك يحصله صدمة او تأذي نفسك لو بدأتي بروتين رياضة مكثف.

وافضل حاجة في التمارين اللي هنشوفها مع بعض انها مش محتاجة جيم ، انتي تقدري تعمليها في البيت بكل سهولة لحد ما تطوري نفسك ، او تحسي انك محتاجة تكملي في جيم.

تمارين للمبتدئين 2
تمارين للمبتدئين 2

حاجات حطيها في اعتبارك قبل ما تبدأي التمارين:

– اتأكدي من الحفاظ على رطوبتك.

– لو حسيتي ان التمرين كتير عليكي او مجهد زيادة ، بطيء سرعتك واتمرني بالسرعة اللي تحسي انها مناسبة ليكي.

– افتكري دايما انك ماتخليش التمارين عمل روتيني ممل ، خليه ممتع.

– شغلي موسيقتك المفضلة اثناء التمرين عشان تحفزي نفسك.

الحاجات اللي هتحتاجيها في التمارين:

– فوطة.

– حصيرة تمرين سميكة.

– ازازة ماية.

– كرسي قوي.

تمارين للمبتدئين 3
تمارين للمبتدئين 3

تمارين للمبتدئين للنساء لمدة اسبوع:

اليوم 1:

التمرين اللي في الفيديو ده هو تمرين للجسم كله ، ويعتبر تمرين اساسي لانه المفتاح لجسم صحي ونواة او اساس قوي لباقي التمارين.

تمارين للمبتدئين 4
تمارين للمبتدئين 4

اليوم 2:

التمرين ده يعتبر اختيار رائع جدا ، ومش محتاج معدات ، وتأثيره منخفض وبيركز على المبتدئين.

تمارين للمبتدئين 5
تمارين للمبتدئين 5

اليوم 3:

التمرين ده مؤثر على الذراعين ، والميزة فيه انك مش محتاجة فيه اي معدات ، غير حصيرة التمرين بس ، وكمان مش محتاج تعملي تمارين ضغط.

تمارين للمبتدئين 6
تمارين للمبتدئين 6

اليوم 4:

تمرين تاني سريع تقدري تعمليه من غير معدات ، وبيساعد على شد عضلات البطن والجذع ، وكمان مفيد للاشخاص اللي بيعانوا من آلام الضهر بسبب نقص القوة الاساسية.

تمارين للمبتدئين 7
تمارين للمبتدئين 7

اليوم 5:

تمرين منخفض التأثير للجسم كله للمبتدئين ، والفيديو هنلاقي فيه التمارين مع تعديلات بناء على مستوى لياقتك.

تمارين للمبتدئين 8

اليوم 6:

تمرين للساقين مش محتاج اي معدات وبيستخدم وزن جسمك لتقوية وتناغم الساقين.

تمارين للمبتدئين 9

اليوم 7:

يوم الراحة ، في اليوم السابع احتفلي انك قطعتي شوط في التمارين ، وفي نفس الوقت تريحي عضلات جسمك عشان ترجعي تكملي تاني الاسبوع اللي بعده.

في النهاية ماتنسيش تاخدي وقتك وتتمرني بالسرعة المناسبة ليكي ، ومع مرور الاسابيع هتكون التمارين اسهل عليكي وتقدري تدخلي تمارين جديدة لنظامك.

تمارين للمبتدئين 10

مقالات متعلقه

10 تمارين واطعمة هتساعدك على بناء عضلات جسمك

10 تمارين واطعمة هتساعدك على بناء عضلات جسمك

تمارين ونظام غذائي فعال للحصول على بطن مسطحة

تمارين ونظام غذائي فعال للحصول على بطن مسطحة

افضل تمارين للتخلص من دهون البطن والحصول على بطن مشدودة ومسطحة

افضل تمارين للتخلص من دهون البطن والحصول على بطن مشدودة ومسطحة