افضل الفيتامينات لزيادة الوزن

بقلمريهام محمود فيزيادة الوزن visibility579

اكتساب الوزن بيحتاج انك تزودي من الاكلات اللي سعراتها الحرارية عالية وغنية بالمغذيات ، وتناول الفيتامينات مش هيبقى فعال في زيادة الوزن الا اذا كنتي بتعاني من نقص في المغذيات بتسبب فقدان الوزن ، ونقص المغذيات بيشمل مجموعة من الفيتامينات ، والنهاردة من خلال موضوعنا هنتعرف مع بعض على افضل الفيتامينات لزيادة الوزن.

نقص المغذيات وفقدان الوزن:

معظم الاشخاص اللي ماشيين على نظام غذائي متوازن يقدروا يحصلوا على كل الفيتامينات اللي محتاجينها من الاكل وتجنب نقص المغذيات ، ولكن اللي بيعتمدوا على نظام غذائي غير صحي او بيعانوا من حالات معينة بتأثر على امتصاص الجسم للعناصر الغذائية ممكن انها تسبب انخفاض مستويات الدم في الجسم.

على سبيل المثال نقص فيتامين C,B12, وحمض الفوليك ممكن تأدي لحالة اسمها فقر الدم او الانيميا ، بيكون الجسم فيها معندوش قدرة على انتاج كمية كافية من خلايا الدم الحمراء ، والاعراض الرئيسية لفقر الدم هي الارهاق, ضيق التنفس, ضعف العضلات, الدوخة, عدم انتظام ضربات القلب, تغيرات في الشخصية, التشوش الذهني, النسيان, فقدان الشهية وفقدان الوزن.

افضل الفيتامينات لزيادة الوزن
افضل الفيتامينات لزيادة الوزن

اسباب فقر الدم (الانيميا):

نقص فيتامين C عادة بيحصل بسبب سوء التغذية او مشاكل امتصاص المغذيات ، والاشخاص المدخنين بشكل خاص بيتعرضوا لخطر اكبر من انخفاض فيتامين C لان التدخين بيتعارض مع امتصاص المغذيات  ، وكمان الاشخاص المصابين بأمراض مزمنة زي امراض الكلى, السرطان عندهم مخاطر اعلى للاصابة بنقص المغذيات.

ونقص فيتامين B12 بيحصل بسبب نقص العامل الداخلي  ، وهو عبارة عن بروتين مصنوع في المعدة وهو مبيكون مطلوب في الجسم لامتصاص الفيتامين ، وممكن يحصل كمان بسبب جراحة في الامعاء الدقيقة ، او اتباع نظام غذائي مقيد ، ازالة جزء او كل المعدة, الادوية, الشيخوخة, امراض المناعة الذاتية زي السكر من النوع الاول.

اما حمض الفوليك نقصه بينتج بسبب انخفاض المدخول الغذائي ، واضطرابات سوء الامتصاص والادوية ، والنساء الحوامل بشكل خاص بيحتاجوا حمض الفوليك اكتر وبيواجهوا خطر اكبر للاصابة بالنقص ، ونفس الموضوع مع الاشخاص اللي بيعملوا علاج غسيل الكلى من الفشل الكلوي ، وممكن كمان بعض الادوية المستخدمة في علاج السرطان تأثر على استقلاب الفولات ، وده بيأدي لانخفاض مستويات الفولات في الجسم.

افضل الفيتامينات لزيادة الوزن

افضل الفيتامينات لزيادة الوزن:

اتأكدي انه جسمك بيدخله الكمية الموصي بيها من فيتامين C, B12, وحمض الفوليك ، والكمية بتعتمد على لو كنتي انثى, ذكر, حامل, او مرضع.

فيتامين C:

– الرجال: 90 ملليجرام.

– النساء: 60 ملليجرام.

– الحوامل: 85 ملليجرام.

– المرضعات: 120 ملليجرام.

فيتامين B12:

– الرجال: 2.4 ميكروجرام.

– النساء: 2.4 ميكروجرام.

– الحوامل: 2.6 ميكروجرام.

– المرضعات: 2.8 ميكروجرام.

حمض الفوليك:

– الرجال: 400 ميكروجرام.

– النساء: 400 ميكروجرام.

– الحوامل: 600 ميكروجرام.

– المرضعات: 500 ميكروجرام.

الكمية دي هتساعد على اعادة مستويات الدم لوضعها الطبيعي ، ولما ده يحصل ، هتبدأي في استعادة وزنك اللي فقدتيه.

افضل الفيتامينات لزيادة الوزن

السعرات الحرارية لزيادة الوزن:

سواء كنتي بتعاني من نقص المغذيات اللي بتسبب فقدان الوزن او لا ، فنظامك الغذائي هو العامل الاكتر اهمية في زيادة الوزن ، لانه عدم تلبية احتياجاتك اليومية من السعرات الحرارية باستمرار هيأدي لعجز في السعرات الحرارية ، وجسمك في الحالة دي هيحرق سعرات حرارية اكتر من اللي بتدخله ، وده هيأدي لانهيار كل الاحماض الدهنية وكتلة العضلات الخالية من الدهون ، وده هيأدي في النهاية لفقدان الوزن.

لو انتي مش قادرة تعرفي بالظبط عدد السعرات الحرارية اللي محتاجاها لزيادة الوزن ، هيبقى مهم في الحالة دي انك تتكلمي مع دكتور متخصص ، لكن متطلبات السعرات الحرارية فردية وبتعتمد على الجنس, مستوى النشاط, وعوامل تانية زي الوراثة, الادوية, الحالات الطبية.

ولكن انتي تقدري تعرفي فكرة تقريبية لاحتياجاتك من السعرات الحرارية للحفاظ على وزنك ، من المباديء اللي حددتها منظمة التغذية الامريكية ، على سبيل المثال ، الرجال اللي نشاطهم معتدل واعمارهم ما بين 26 – 45 سنة هيحتاجوا ل 2600 سعر حراري في اليوم ، والنساء اللي نشاطهم معتدل في نفس الفئة العمرية هيحتاجوا ل 2000 سعر حراري في اليوم ، والنشاط البدني المعتدل بيعادل تقريبا مشي من 1.5 – 3 اميال في اليوم بوتيرة من 3 – 4 اميال في الساعة ، بالاضافة لانشطة حياتك اليومية.

ولو انتي جسمك بيدخله الكمية المطلوبة من السعرات الحرارية بالفعل ومافيش زيادة وزن ، في الحالة دي هتبقي محتاجة تزودي اكتر من الكمية الموصي بيها ، لان في بعض الاشخاص بيكون عندهم نسبة الحرق العالية ، وغالبا دول اللي بيكافحوا بصعوبة لزيادة وزنهم ، ودي الفئة اللي محتاجين ياكلوا اكتر من الاشخاص اللي بيعانوا من بطء في الحرق لتحقيق نفس الوزن.

وعشان تزودي عدد السعرات الحرارية بشكل صحي ، ابدأي بزيادة من 250 – 500 سعر حراري في اليوم ، وبعدين زوديها حسب الضرورة على مدار اسابيع وشهور بالتدريج ، اكتساب الوزن ببطء هيساعدك على تجنب زيادة الدهون ، خصوصا لو بتعملي تمارين مقاومة.

ركزي على الاطعمة الصحية:

زيادة الوزن مش بتتوقف على السعرات الحرارية بس ، يعني مثلا تقدري تاكلي بيتزا طول اليوم وتدخلي لجسمك سعرات حرارية كتير اضافية ، ولكن كمان مع السعرات هيدخل لجسمك كمية كبيرة من الدهون المشبعة والكربوهيدرات البسيطة ، والاتنين ممكن يضروا بصحتك ، ولو انتي بتشتغلي على اصلاح نقص المغذيات ، هيبقى مهم بشكل خاص اكل الاطعمة الغنية بالمغذيات دي.

– لو انتي بتعاني من نقص فيتامين C ضروري تزودي من اكل الفلفل الاحمر والاخضر, الحمضيات, الكيوي, الفراولة, براعم بروكسل, الشمام, والقرنبيط.

– لو بتعاني من نقص فيتامين B12 ، كلي المحار, الكبدة, السلمون, اللبن, الجبن, والحبوب المدعمة.

– لو بتعاني من نقص حمض الفوليك كلي الكبدة البقري, السبانخ, السبارجوس, براعم بروكسل, الخس, الافوكادو, البروكلي, والحبوب المدعمة.

وبشكل عام النظام الغذائي الصحي لزيادة الوزن لازم يشمل الاطعمة الكاملة ، بما فيهم الكربوهيدرات من الفواكة والخضروات والحبوب الكاملة ، البروتين من الاسماك والفراخ والفول ومنتجات الالبان ، الدهون الصحية من الافوكادو وزيت الزيتون والمكسرات والبذور ، والفئة الاخيرة (الدهون) لازم تكون على راس قائمة الاطعمة لزيادة الوزن لان الدهون بتحتوي على سعرات حرارية اكتر من الكربوهيدرات والبروتينات ، واضافاتها لوجباتك ممكن انها تساعد على زيادة كمية السعرات الحرارية.

لو بتواجهي مشكلة في الحصول على السعرات الحرارية بشكل كافي من خلال الاطعمة الصلبة ، ممكن تحاولي اضافة بعض العصاير الغنية بالمغذيات داخل فيها مكونات زي الزبادي كامل الدسم, المكسرات, البذور, الافوكادو, زيت جوز الهند ، وممكن تحاولي كمان تاكلي عدد وجبات صغيرة يوميا بدل من 3 وجبات كبيرة.

وصفة لزيادة الوزن بسرعة بطريقة صحية وتوزيع الزيادة في الاماكن الصح

وصفة لزيادة الوزن