طرق طبيعية لعلاج التهاب الجيوب الانفية

بقلمريهام محمود فيصحة visibility1

التهاب الجيوب الانفية من الامراض الشائعة اللي كتير من الاشخاص بيعانوا منها وخصوصا في التوقيت ده من السنة مع تغيير المواسم ، وبتسبب اعراض كتير زي الصداع, انسداد الانف, نزيف الانف, ضعف حاسة الشم والتذوق ، وغيرها من الاعراض المزعجة والمؤلمة ، وللتخلص من الاعراض دي هنشارك معاكم النهاردة طرق طبيعية لعلاج التهاب الجيوب الانفية.

طرق طبيعية لعلاج التهاب الجيوب الانفية:

1- تنضيف الانف:

تنضيف الانف بيساعد على الحفاظ على رطوبة الممرات الانفية وتقليل الالتهاب وتخفيف الاحتقان الانفي ، وده بيتم عن طريق محلول محلي تقدري تعمليه بنفسك في البيت بطريقة بسيطة عن طريق خلط ½ معلقة صغيرة ملح مع ½ معلقة صغيرة من صودا الخبز في 100 مل ماية ، حطي الخليط في ازازة بقطارة او سبراي ، ورشي الخليط جوه الانف مع امالة الراس للخلف ، كرري الطريقة دي من 2 – 3 مرات يوميا.

طرق طبيعية لعلاج التهاب الجيوب الانفية
طرق طبيعية لعلاج التهاب الجيوب الانفية

2- استنشاق البخار:

استنشاق البخار يعتبر من العلاجات المنزلة الفعالة لعلاج مشكلة الجيوب الانفية ، بتساعد على تخفيف آلام الجيوب الانفية وفتح الممرات الانفية ، كل اللي هتعمليه بس حطي ماية مغلية في طبق كبير ، وهاتي فوطة غطي راسك بيها وابدأي استنشقي البخار لمدة 10 دقايق بس ، كرري الطريقة دي من 2 – 3 مرات يوميا.

طرق طبيعية لعلاج التهاب الجيوب الانفية

3- كمادات ماية دافية:

تسخين منطقة الجيوب الانفية ممكن انها تساعد على تخفيف المخاط وتقليل الالم الناتج عن الضغط على الجيوب الانفية ، كل اللي هتعمليه اغمسي قطعة قماش او فوطة في ماية دافية مايلة للحرارة ، اعصريها وحطيها على جسر الانف والخدين لمدة من 5 – 10 دقايق ، كرري الطريقة دي من 2 – 3 مرات في اليوم.

طرق طبيعية لعلاج التهاب الجيوب الانفية

4- زيت اللافندر:

زيت اللافندر بيحتوي على خصائص مضادة للالتهابات وخصائص مطهرة ، بتساعد على تخفيف الم الجيوب الانفية ، كل اللي هتعمليه هاتي طبق كبير حطي فيه ماية مغلية وضيفي لها من 3 – 7 نقط من زيت اللافندر ، غطي راسك بفوطة وابدأي استنشقي البخار اللي طالع من الماية لمدة متزدش عن دقيقتين بس في المرة الواحدة ، يعني تعملي دقيقتين وتكرري دقيقتين كمان وهكذا.

طرق طبيعية لعلاج التهاب الجيوب الانفية

5- زيت النعناع:

زيت النعناع كمان من الزيوت اللي بتحتوي على خصائص مطهرة ومضادة للبكتيريا والفيروسات والتشنج ، واللي ثبت انها بتقلل المخاط وبتساعد على التخلص من التهاب الجيوب الانفية ، بنفس الطريقة اللي فاتت في طبق كبير حطي ماية مغلية وضيفي لها من 3 – 7 نقط من زيت النعناع ، غطي راسك بفوطة واستنشقي البخار لمدة دقيقتين بس لكل مرة ، كرري الطريقة دي من 2 – 3 مرات في اليوم ، كمان تقدري تستنشقي زيت النعناع نفسه بشكل مباشر.

طرق طبيعية لعلاج التهاب الجيوب الانفية

6- زيت الكافور:

زيت الكافور بيحتوي على خصائص مضادة للالتهابات ومطهرة ومضادة للاحتقان واللي ثبت انها بتساعد على علاج التهاب الجيوب الانفية ، نفس الطرق اللي فاتت ، ماية مغلية في طبق كبير وضيفي لها من 3 – 7 نقط من زيت الكافور ، غطي راسك بفوطة واستنشقي البخار لمدة 10 دقايق ، كرري الطريقة دي من 2 – 3 مرات في اليوم.

7- خل التفاح:

خل التفاح بيحتوي على خصائص مضادة للبكتيريا والفطريات ويعتبر مصدر جيد لفيتامين A, B1, B12, الكاسيوم, والمغنيسيوم اللي بتساعد على علاج التهاب الجيوب الانفية ، وتخفيف المخاط وتنضيف الممرات الانفية ، كل اللي هتعمليه هتضيفي 2 معلقة صغيرة من خل التفاح في كوباية ماية دافية ، واشربيه من 2 – 3 مرات في اليوم.

8- شرب سوائل كتير:

اشربي سوائل كتير زي الماية, العصاير, وحتى الشوربة ، لانها بتساعد على اذابة المخاط وطرده من الانف بسهولة اكتر ، مع تجنب المشروبات اللي بتحتوي على كافيين زي الشاي والقهوة.

9- جهاز ترطيب الهوا:

البخار اللي بيطلع من جهاز ترطيب الهوا بيساعد على ترطيب المكان ، واستنشاق الهوا الناتج منه بيساعد على التخلص من المخاط وفتح الممرات الانفية ، وبننصحك تشغلي الجهاز ده بالليل قبل النوم لنتايج افضل.

بالاضافة للاكل الصحي, تجنب التدخين, والنوم كويس.

ايه اللي هيحصل لجسمك لو شربتي الكمية المناسبة من الماية كل يوم

فوايد صحية من شرب الماية