ليه الافضل انك متاخديش شاور قبل النوم على طول

ريهام محمود
ريهام محمود
في
صحة
1009

الشاور قبل النوم ممكن يكون عادة عن كتير من الاشخاص ، ولكن من وجهة نظر طبية ان الاستحمام قبل النوم مش افضل طريقة للحصول على نوم عميق ، وفي الواقع ان العادة دي اللي تبان صحية ممكن تضر اكتر ما تنفع ، والنهاردة من خلال موضوعنا هنقولك اضرار الاستحمام قبل النوم.

اضرار الاستحمام قبل النوم:

1- مش هتقدري تنامي بسهولة:

الشاور السخن قبل النوم ممكن تشوفيها فكرة مريحة بالنسبة لك ، ولكن في الواقع ان ده ممكن يضر نومك ، لانك هترتاحي بشكل افضل لما تكون درجة حرارة جسمك اقل شوية ، ولما جسمك يبدأ في الاستعداد للنوم طبيعي درجته حرارته بتنخفض شوية ، والحمام السخن هيأدي لرفع درجة حرارة جسمك الاساسية وارباك جسمك ، لكن لو انتي حاسه انك مش قادرة تدخلي تنامي من غير ما تاخدي شاور ، خدي شاور بماية فاترة قبل النوم بساعة او ساعتين.

اضرار الاستحمام قبل النوم 1
اضرار الاستحمام قبل النوم 1

2- ممكن يسرع نبضات قلبك:

لو حسيتي ان قلبك بينبض بشكل اسرع بعد الحمام السخن ، في الواقع ان في تفسير علمي لده ، ان الماية السخنة بترفع ضغط الدم ، والمتخصصين بيحذروا ان جسمك ممكن يسخن بشدة ويسبب اجهاد قلبك ، ولما يحصل تسارع في ضربات قلبك ، هيبقى في احتمال كبير انك متعرفيش تنامي ، وده هيأدي في النهاية لمشاكل صحية اكتر.

اضرار الاستحمام قبل النوم 2
اضرار الاستحمام قبل النوم 2

3- ممكن يسبب زيادة في الوزن:

اكل وجبة عشا لذيذة والاستحمام بعدها بالماية السخنة ممكن تشوفي انها افضل طريقة تختمي بيها يومك قبل النوم ، ولكن في الواقع ان الشاور بعد الاكل هيأدي لارباك الجهاز الهضمي ويأدي لزيادة الوزن ، لان الهضم بيحتاج لزيادة تدفق الدم في المعدة ، والاستحمام هيأدي لتدفق الدم لاجزاء تانية في الجسم ، ولكن لو حاسه انك عايزة تاخدي شاور بالليل ، الافضل تستني لمدة 30 دقيقة على الاقل بعد الوجبة.

اضرار الاستحمام قبل النوم 3

4- مضر لشعرك:

الاستحمام قبل النوم مباشرة والنوم وشعرك مبلول مش مفيد لخصلات شعرك او لصحتك ، النوم بشعر رطب هيخلي المخدة تمتص الرطوبة ويخلق بيئة دافية ورطبة مثالية لنمو البكتيريا الضارة ، وده بدوره هيأدي لمشاكل مختلفة في فروة الراس ، زي الحكة, التهيج, قشرة الراس.

اضرار الاستحمام قبل النوم 4

مقالات متعلقه

افضل 8 وجبات خفيفة بعد التمرين لانقاص الوزن وزيادة العضلات

افضل 8 وجبات خفيفة بعد التمرين لانقاص الوزن وزيادة العضلات

علامات بيديهالك جسمك تعتبر تحذيرات مهمة لمشاكل صحية

علامات بيديهالك جسمك تعتبر تحذيرات مهمة لمشاكل صحية

استخدام موبايلك في الحمام ممكن يسبب لك المشكلة دي!

استخدام موبايلك في الحمام ممكن يسبب لك المشكلة دي!