طريقة عمل تارت النوتيلا بالخطوات والفيديو

ريهام محمود
ريهام محمود
738

لكل عشاق الشوكولاتة النوتيلا ، النهاردة جايبين لكم طريقة عمل تارت النوتيلا ، وصفة سهلة ولذيذة جدا ، تعالوا نشوفها مع بعض بالخطوات والفيديو.

طريقة عمل تارت النوتيلا:

المكونات:

طبقة البسكويت:

– ¼ كوباية زبدة.

– 3 معالق كبيرة سكر بني او سكر عادي.

– 2 معلقة كبيرة سكر ناعم.

– 1 صفار بيضة.

– 5 معالق كبيرة دقيق.

– 2/3 كوباية شوفان.

– ¼ معلقة صغيرة ملح.

– رشة كبيرة بيكنج بودر.

– ذرة بيكنج صودا.

طبقة القاعدة:

– 1 معلقة كبيرة سكر بني او عادي.

– 2 معلقة كبيرة زبدة سايحة.

للحشو:

– 1/3 كوباية سكر ناعم.

– ¼ كوباية سكر بني او عادي.

– ½ معلقة صغيرة ملح.

– 1 معلقة كبيرة لبن بودرة.

– ¼ كوباية زبدة سايحة.

– 227 جرام (كوباية) شوكولاتة نوتيلا.

– ¼ كوباية Heavy cream.

– ¼ معلقة صغيرة فانيليا.

– 4 صفار بيض.

للتزيين:

سكر بودرة او مكسرات.

تارت النوتيلا 1
تارت النوتيلا 1

طريقة التحضير:

1- سخني الفرن على درجة حرارة 180 درجة مئوية ، ادهني الصينية بالسمنة وحطي عليها ورق زبدة.

2- عشان تعملي طبقة البسكويت الاولى: في طبق كبير ، ضيفي السكر والزبدة ، وباستخدام خلاط كهربائي ، اضربيهم مع بعض لمدة 2 – 3 دقايق لحد ما الخليط يبقى خفيف وهش ، ضيفي صفار البيض واضربيهم مع بعض تاني لمدة من 1 – 2 دقيقة ، لحد ما الخليط يبقى لونه فاتح وخفيف جدا معاكي ، ضيفي الدقيق, الشوفان, الملح, البيكنج بودر, وصودا الخبز واخلطيهم ببطء لحد ما يمتزجوا كويس مع بعض ، صبي الخليط في صينية الخبز اللي دهناها بالسمنة ، وزعي الخليط كويس لحد ما سمكه يبقى حوالي ¼ بوصة ، اخبزيها لمدة 15 دقيقة لحد ما تحمر من فوق وتنتفخ ، سيبيها على جنب تبرد تماما ، وبعدين انقليها في كيس بلاستيك وحطيها في التلاجة لحد ما نحتاج لها.

3- تحضير الطبقة التانية او القاعدة: طلعي البسكويت اللي حضرناه في الخطوة اللي فاتت من التلاجة وكسريه ناعم ، انقليه في طبق كبير ضيفي له السكر والزبدة السايحة لحد ما الخليط عندك ينفع يتشكل على شكل كورة ويتماسك مع بعضه ، حطي الخليط في صينية الفطائر واضغطي عليه افرديه في الصينية وعلى الجوانب بحيث الجوانب تكون اعلى من النص.

تارت النوتيلا 2
تارت النوتيلا 2

4- تحضير الحشو: في الخلاط ضيفي السكر العادي والسكر الناعم, اللبن البودرة, الملح, الزبدة واضربيهم مع بعض كويس لمدة 3 دقايق ، وبعدها ضيفي النوتيلا, الكريمة, الفانيليا ، واضربي الخليط لمدة 3 دقايق كمان ، بعدها ضيفي صفار البيض واضربيهم كمان مرة لحد ما الخليط يبقى ناعم.

5- صبي الخليط في طبقة القاعدة في الصينية ودخليها الفرن لمدة 15 دقيقة لحد ما لونه يبقى بني ولكن من غير ما يبقى متماسك ، حفضي حرارة الفرن شوية ل 160 درجة مئوية تقريبا ، وافتحي باب الفرن لمدة دقيقة واحدة عشان يبرد شوية ، وبعدين اقفلي الباب واخبزيه لمدة 5 دقايق كمان ، طلعي الصينية وانقليه عى رف سلك يبرد ، وبعدها لفيه في غلاف بلاستيك وسيبيه في الفريزر لمدة 3 ساعات او طول الليل.

6- طلعيه من الفريزر وسيبيه يفك لمدة ساعة على الاقل ، وبعدها رشي الوش بالسكر البودرة او المكسرات وقطعيها شرايح للتقديم.

تارت النوتيلا 3

الطريقة بالفيديو:

مقالات متعلقه

طريقة عمل كيك الصفوف اللبنانية

طريقة عمل كيك الصفوف اللبنانية

وصفة التفاح الكريسبي مع الشوفان

وصفة التفاح الكريسبي مع الشوفان

كيكة شوكولاتة سهلة وسريعة بمكونين اتنين بس

كيكة شوكولاتة سهلة وسريعة بمكونين اتنين بس