ايه اللي ممكن يحصل لجسمك لو بدأتي تاكلي افوكادو كل يوم لمدة 30 يوم

ريهام محمود
ريهام محمود
في
صحة
428

الافوكادو من الاطعمة الصحية المفيدة جدا للجسم ، من اول حماية العين, تقوية جهاز المناعة للدفاع عن جسمك ضد الخلايا السرطانية وغيرها من الفوايد ، ومش مهم سواء بتاكليها في السلطة, او بتشربيها عصير, او بتاكليها كتغميسة جنب الاكل, او حتى بتاكليها كده على طول ، في كل الاحوال هتستفادي منها ، والنهاردة من خلال موضوعنا هنتعرف مع بعض على فوايد الافوكادو الصحية.

فوايد الافوكادو الصحية:

1- تحسين وظائف الكلى:

الافوكادو غني بالبوتاسيوم ، عشان كده لو بتعاني من مشاكل في الكلى ، دخلي الافوكادو في نظامك الغذائي اليومي ، لان الدراسات اثبتت ان اكل الافوكادو بانتظام يعتبر وسيلة صحية لتحسين وظائف الكلى.

فوايد الافوكادو الصحية 1
فوايد الافوكادو الصحية 1

2- هيمنع رائحة الفم الكريهة:

لو بتدوري على منعش طبيعي للفم ، بننصحك بالافوكادو ، لانه بيتميز بخصائصة المضادة للبكتيريا ، اكل ثمرة افوكادو واحدة في اليوم هتكون كافية لازالة البكتيريا من الفم وتنضيفه.

فوايد الافوكادو الصحية 2
فوايد الافوكادو الصحية 2

3- تحسين الرؤية:

اكل حبة افوكادو واحدة في اليوم متوسطة الحجم هتأدي لتحسين وظيفة العين ، وده بيحصل لان الافوكادو بيساعد على زيادة مستويات الكاروتين في اجسامنا ، واللي يعتبر مضاد للاكسدة ومضاد للالتهابات.

فوايد الافوكادو الصحية 3
فوايد الافوكادو الصحية 3

4- تعزيز نظام المناعة:

لو دايما بتعاني من نزلات البرد بشكل مستمر ، هنا ممكن يكون جهاز مناعتك محتاج اهتمام اكتر ، ولحسن الحظ ان الافوكادو من الاطعمة اللي بتساعد على تقوية جهاز المناعة ، ومنع الفيروسات والالتهابات.

فوايد الافوكادو الصحية 4
فوايد الافوكادو الصحية 4

5- ممكن انه يساعد على خفض ضغط الدم:

لو بتعاني من ارتفاع ضغط الدم ، الافوكادو هيكون من الاطعمة المفيدة جدا ليكي ، لانه بيحتوي على مستوى عالي من البوتاسيوم واللوتين واللي بيساعدوا على تحسين امراض الاوعية الدموية وزيادة الدهون في اجسامنا.

فوايد الافوكادو الصحية 5
فوايد الافوكادو الصحية 5

6- تحسين وظائف الكبد:

الكبد بينظم معظم المستويات الكيميائية في دمنا ، ومهم جدا انك تحافظي على صحته وعمله بشكل صحيح ، والدراسات اثبتت ان اكل الافوكادو ممكن انه يساعد على تقليل تلف الكبد.

فوايد الافوكادو الصحية 6
فوايد الافوكادو الصحية 6

7- هتفقدي الوزن بسهولة اكبر:

زيادة الوزن المفرطة والسمنة من المشاكل اللي بيعاني منها كتير من الاشخاص ، وثبت ان الافوكادو ممكن انه يساعد في تقليل الوزن ، لانه بيزود من الشعور بالشبع وليه تأثير ايجابي على هرمونات الامعاء.

فوايد الافوكادو الصحية 7
فوايد الافوكادو الصحية 7

8- هيحميكي من السرطان:

على الرغم من اننا عارفين ان اتباع نظام غذائي صحي متوازن ممكن انه يمنع بعض انواع السرطان ، الا ان الافوكادو من اكتر الاطعمة المفيدة للاشخاص اللي عندهم خلايا سامة ، الافوكادو ممكن انه يقتل الخلايا المسببة للسرطان ويمنع المرض من النمو.

فوايد الافوكادو الصحية 8

9- هيخلي بشرتك نضرة:

تقدري تاكلي الافوكادو او تحطيه مباشرة على بشرتك ، المتخصصين بينصحوا بيه بشدة لصحة الجلد ، لان خصائص الكاروتينات الموجودة فيه بتساعد على حماية الجلد من الاشعة فوق البنفسجية ، وده هيحافظ على بشرة وشك وجسمك نضرة وشباب.

فوايد الافوكادو الصحية 9

10- هيساعد في تخفيف اعراض التهاب المفاصل:

آلام المفاصل من المشاكل اللي بيعاني منها اشخاص كتير ، ولكن اكل الافوكادو ممكن يساعدهم في المشكلة دي ، لانه بيحتوي على خصائص مضادة للاكسدة ومسكنات ممكن تمنع الالم.

فوايد الافوكادو الصحية 10

11- هيحسن تركيزك:

لو حاسه انك بتواجهي مشكلة في التركيز ، بدل ما تشربي فنجان قهوة ، جربي تاكلي افوكادو ، لانه ثبت ان الاشخاص اللي بياكلوا الافوكادو بيرجع عليهم بنتايج ذهنية وادراكية ايجابية.

فوايد الافوكادو الصحية 11

12- ممكن انه يخفض مستويات الكوليسترول والدهون الثلاثية:

اثبتت الدراسات ان اكل ثمرة افوكادو يوميا بتبعد عنك مشاكل الكوليسترول ، لان الافوكادو بيحتوي على نسبة عالية من الالياف والدهون الاحادية غير المشبعة والستيرولات النباتية ، وده بيأدي لانخفاض مستويات الكوليسترول الضار.

فوايد الافوكادو الصحية 12

مقالات متعلقه

افضل 8 وجبات خفيفة بعد التمرين لانقاص الوزن وزيادة العضلات

افضل 8 وجبات خفيفة بعد التمرين لانقاص الوزن وزيادة العضلات

علامات بيديهالك جسمك تعتبر تحذيرات مهمة لمشاكل صحية

علامات بيديهالك جسمك تعتبر تحذيرات مهمة لمشاكل صحية

استخدام موبايلك في الحمام ممكن يسبب لك المشكلة دي!

استخدام موبايلك في الحمام ممكن يسبب لك المشكلة دي!