افضل نصايح موضة تجددي بيهم ستايلك

ريهام محمود
ريهام محمود
1280

السؤال اللي بنسأله لنفسنا يوميا تقريبا اول ما نفتح الدولاب “هلبس ايه النهاردة” والحقيقة ان الدولاب بيكون مليان هدوم ، ولكن الفكرة انك بتبقي زهقتي منه وعايزة حاجة مختلفة ، عشان كده النهاردة من خلال موضوعنا هنشارك معاكم افضل نصايح موضة تجددي بيهم ستايلك.

نصايح موضة تجددي بيهم ستايلك:

1- حسني عادات الشوبينج عندك:

الهدوم الكتير في الدولاب مش ميزة ، لكن المهم انه يكون موجود القطع اللي انتي بتحبيها ، ده هيخلي تنسيقها اسهل بكتير ، حاولي لما تنزلي تعملي شوبينج المرة الجاية انك تركزي على القطع اللي انتي بتحبيها وبتشوفي شكلك حلو فيها ، واتخلصي من القطع اللي مش بتلبسيها.

نصايح موضة تجددي بيهم ستايلك 1
نصايح موضة تجددي بيهم ستايلك 1

2- جربي الوان جديدة:

كتير من البنات بيخافوا يجربوا الوان جديدة ويعملوا لوك مختلف ، احنا بننصحك انك تحاولي تجربي الوان جديدة ، اشتري قطعة واحدة بلون ملبستيهوش قبل كده ، ونسقي معاه قطعة بلون محايد عشان توازني اللوك.

نصايح موضة تجددي بيهم ستايلك 2
نصايح موضة تجددي بيهم ستايلك 2

3- جربي الرسومات والتصاميم:

شنطة الايد والشوز والحزام اللي شبه بعض مابقاش موضة دلوقتي ، الموضة دلوقتي هي الانماط المختلفة والجريئة ، ممكن تنسقي طبعات وخامات مختلفة ، وابدأي الاول بالرسومات المحايدة زي النقط او المخطط ، وبعد كده تقدري تنسقي رسومات وتصاميم وخامات اجرأ.

نصايح موضة تجددي بيهم ستايلك 3
نصايح موضة تجددي بيهم ستايلك 3

4- استخدمي حزام:

الجزام بيعمل توازن وتناسب في مظهرك ، ومع القطع اللي عادة بتحسي ان شكلها مش حلو مع بعض ، على سبيل المثال ، جيبة قصيرة مع سويتر كشمير غالبا مش من القطع اللي ممكن تبقى حوة مع بعض ، ولكن مع الحزام هيخليها متناسقة وشكلها حلو.

نصايح موضة تجددي بيهم ستايلك 4
نصايح موضة تجددي بيهم ستايلك 4

5- طريقة تنسيق التوب الكات:

التوب الكات او اللي من غير اكمام كتير من البنات بيخافوا منه لانهم مش بيعرفوا ينسقوه بشكل صح ، عشان كده هنقولك شوية نصايح هتطلعك بلوك حلو مع التوب الكات.

– امزجي درجات الالوان الباستيل مع الالوان الغامقة.

– خلي التوب الكات انيق اكتر باضافات زي لبس الساعة, الاسورة, وغيرها من الاكسسوارات اللي هتضيف للوك بتاعك.

– لو بتعاني من اي مشاكل في بشرتك زي اسمرار تحت الابطين عالجيها عشان تحسي بثقة وانتي لابسة التوب.

– البسي خامات تسمح بمرور الهوا وتخلي بشرتك تتنفس.

نصايح موضة تجددي بيهم ستايلك 5
نصايح موضة تجددي بيهم ستايلك 5

6- اعملي تغيير مع المواسم:

اتجنبي الالتزام بنفس الستايل طول السنة ، هنقولك نصايح تغيري بيها دولابك بشكل مثالي حسب المواسم.

الصيف: البسي الحاجات المريحة اللي تخليكي تتحركي بحرية ، واختاري الالوان الفاتحة ، واعتمدي على الخامات اللي تسمح بمرور الهوا للتخلص من العرق ، حتى لو لابسة توب كات كمان امشي على النصيحة دي.

الشتا: البسي ملابس داخلية مصنوعة من اقمشة تسمح لبشرتك تتنفس للتخلص من العرق ، البسي دايما طبقات خارجية سواء جاكيت او بالطو تكون عازلة عشان تحمي نفسك من المطر ، استخدمي قبعات ملونة بخامة الصوف عشان تحمي راسك وودنك من البرد.

نصايح موضة تجددي بيهم ستايلك 6

7- اختيار الملابس الرياضية:

اختاري الملابس الرياضية المصنوعة من الاقمشة المضادة للعرق ، الملابس الرياضية هي مرتبطة اكتر بصحتك اكتر من انها ليها علاقة بالموضة ، الاولوية هي حماية بشرتك اثناء التمرين.

– اشتري تيشرتات وبنطلونات قطن تمتص العرق بسهولة ، واغسلي الملابس بعد كل تمرين عشان تتخلصي من العرق.

– في بعض الاقمشة الصناعية اللي ممكن تسمح لبشرتك تتنفس وارخص من القطن ، دوري على الاقمشة اللي داخل فيها مادة البولي بروبيلين واشتريها ، وابعدي عن المواد الصناعية التانية اللي مش بتمتص العرق.

– اتجنبي كل الملابس المصنوعة من المطاط او من مواد اساسها بلاستيك لانها بتمنع العرق من التبخر ، وده هيخلي حرارة جسمك مرتفعة جدا اثناء التمرين.

نصايح موضة تجددي بيهم ستايلك 7

8- اختاري المقاس المناسب:

اختاري دايما المقاس المناسب ليكي ، وحتى لو هتجيبي حاجة بستايل oversized عشان مرحية وعملية ، مش شرط ابدا يبقى باين مقاسها كبير زيادة عن اللزوم عليكي وتخلي اللوك بتاعك شكله مش حلو.

نصايح موضة تجددي بيهم ستايلك 8

9- خليكي واثقة في نفسك وفي شكل جسمك:

خلي دايما عندك ثقة في نفسك وراضية عن شكل جسمك ، اختاري بس اللبس المناسب ليه اللي يظهر مميزاته اكتر ، ومتخافيش من تجربة حاجات جريئة وتعملي لوك خاص بيكي.

نصايح موضة تجددي بيهم ستايلك 9

10- اعملي ستايل خاص بيكي:

اعملي ستايل خاص بيكي انتي وبشخصيتك ، وجربي وشوفي ايه الحلو عليكي وايه اللي ممكن تتجنبيه ، ومتستعجليش في النتيجة ، لان ده محتاج وقت ، مع الوقت والتجربة هتفهمي نفسك اكتر وهتقدري تطوري ستايلك الشخصي ، ابدأي العبي بالالوان والخامات والتصاميم المختلفة ، لحد ما توصلي للستايل اللي هتكوني راضية عنه وخاص بشخصيتك انتي.

نصايح موضة تجددي بيهم ستايلك 10

مقالات متعلقه

10 طرق تلبسي بيهم ملابس عصرية وعلى الموضة من غير ما تصرفي فلوس كتير

10 طرق تلبسي بيهم ملابس عصرية وعلى الموضة من غير ما تصرفي فلوس كتير

7 حيل ملابس بيستخدمها المشاهير للوك مثالي

7 حيل ملابس بيستخدمها المشاهير للوك مثالي

نصايح تلبسي ايه عشان تبيني رجلك ارفع واطول

نصايح تلبسي ايه عشان تبيني رجلك ارفع واطول