20 عادة هتخلصك من الطاقة السلبية في حياتك للابد

بقلمريهام محمود فيمنوعات visibility490

حوالينا طول اليوم مجرد ما نفتح الاخبار او نتصفح السوشيال ميديا هنلاقي الاخبار المزعجة والسلبية في كل حته ، ولو انتي عايزة تحافظي على صحتك العقلية سليمة ، لازم يكون عندك قوة في التفكير الايجابي ، ولازم تكون قوية كفاية عشان تتغلب على قوة الطاقة السلبية اللي حوالينا ، والنهاردة من خلال موضوعنا هنشارك معاكم عادات للتخلص من الطاقة السلبية في حياتك.

عادات للتخلص من الطاقة السلبية:

1- غيري اصحابك:

لو بتحسي بالسلبية الى حد ما ، ممكن يكون ده متعلق بالاشخاص اللي حواليكي ، ممكن يكون في صديق محبط ، هنا لازم تفكري انك تدخلي في حياتك اشخاص ايجابيين وتتجنبي الاصدقاء السلبيين ، لان مافيش حاجة اسوأ من انك تبقي موجودة حوالين شخص كئيب طول الوقت.

عادات للتخلص من الطاقة السلبية
عادات للتخلص من الطاقة السلبية
عادات للتخلص من الطاقة السلبية
عادات للتخلص من الطاقة السلبية

2- بطلي تسمعي الاخبار:

الاخبار الايام دي مش بتقدم تقريبا اي حاجة ايجابية ، عشان كده الافضل تتجنبي تسمعي الاخبار في التليفزيون ، وممكن تروحي على مواقع الاخبار وتقري الاخبار اللي انتي عايزة تعرفيها بس عشان تتجنبي السلبية الاضافية اللي ممكن تجيلك من باقي الاخبار.

عادات للتخلص من الطاقة السلبية

3- حددي وقتك على وسائل التواصل الاجتماعي:

وسائل التواصل الاجتماعي طريقة رائعة للتواصل مع الاهل والاصدقاء ، ولكن المواقع دي عليها حاجات كتير ممكن تهدر الوقت زي الالعاب على سبيل المثال ، عشان كده حاولي انك تحددي وقتك على المواقع دي لان كتير من الحاجات اللي عليها بتبقى مش حقيقية ومش بتعكس الواقع.

عادات للتخلص من الطاقة السلبية

4- مارسي التأمل بعد الشغل كل يوم:

التأمل طريقة رائعة لبدء اليوم وانهائه ، لما ترجعي البيت كل يوم بعد الشغل ، حاولي تخصصي وقت كام دقيقة بس مارسي فيهم التأمل ، ده هيساعد على التخلص من سلبيية طول اليوم وهيصفي عقلك عشان تكملي يومك مرتاحة وتصحي كمان تاني يوم بذهن صافي.

عادات للتخلص من الطاقة السلبية

5- روحي الجيم:

تحريك الجسم هو المفتاح للحفاظ على صحة العقل ، التمارين ممكن تساعد في علاج الامراض والوقاية منها ، لان السر ان الرياضة بترفع هرمونات الشعور بالرضا والاندروفين في جسمك ، وده هيساعدك على الشعور بالراحة والاسترخاء ، مافيش طريقة للتخلص من السلبية افضل من النشاط البدني.

عادات للتخلص من الطاقة السلبية

6- اهتمي بنفسك:

هيكون مفيد جدا انك تخصصي وقت للاهتمام بنفسك ، حتى لو نص ساعة بس كل يوم ، انتي محتاجة الوقت ده لتلبية احتياجاتك.

ممكن تقري كتاب, تستجمي في حمام دافي, تعملي مساج, ايا كان اللي هيساعدك تحسي بالراحة والاسترخاء اعمليه.

عادات للتخلص من الطاقة السلبية

7- اكتبي مشاعرك:

الكتابة مفيدة جدا ، ولحسن الحظ انك لو مش بتحبي الكتابة بالقلم على ورق ممكن تستخدمي الكمبيوتر الخاص بيكي ، كتابة اليوميات طريقة قوية جدا لانها بتساعدك تخرجي كل اللي انتي حاسة بيه ، وتعتبر منفذ ايجابي للسلبية.

عادات للتخلص من الطاقة السلبية

8- استخدمي التأكيدات الايجابية ابدأي بيها يومك:

ماتمسكيش تليفونك مجرد ما تقومي من السرير ، المفروض تبدأي يومك بشعور يزود الايجابية ، حاولي تقولي لنفسك قد ايه انتي رائعة وناجحة ، وانك هتعملي كل اللي تقدري عليه عشان تقضي يوم حلو ، ده هيغير حياتك بشكل ايجابي جدا.

عادات للتخلص من الطاقة السلبية

9- جربي اليوجا:

هل تعرفي ان الاشخاص الآسيويين عندهم معدلات توتر اقل من اي مكان تاني ، واظهرت الدراسات ان الأسيويين بيتمتعوا بصحة نفسية افضل من غيرهم من الناس ، وده بسبب ان اليوجا, التأمل من عاداتهم اليومية.

عادات للتخلص من الطاقة السلبية

10- قضي وقت اكتر في الطبيعة:

اخرجي بره البيت ، لو عايزة تتخلصي من الطاقة السلبية دوري على مكان في طبيعة حلوة واستمتعي بالمناظر الطبيعية والهوا النقي.

عادات للتخلص من الطاقة السلبية

11- استمتعي وانبسطي:

امتى اخر مرة ضحكتي وقضيتي وقت ممتع؟ اخرجي واستمتعي مع اصحابك او عيلتك ، هيكون مفيد جدا انك تعملي استراحة ذهنية.

12- اعملي توازن بين الحياة والعمل:

لو وقتك كله للشغل ومافيش وقت للعيلة او الاصحاب دي هتبقى مشكلة كبيرة ، اتأكدي انك تعملي توازن بين شغلك وحياتك الشخصية ، وماتجيبيش الشغل للبيت لو تقدري تتجنبيه ، خلي الشغل في الشغل بس وباقي اليوم لنفسك ولحياتك.

13- رتبي البيت:

لو البيت فيه فوضى ومكركب حواليكي ، ده ممكن يزود الطاقة السلبية ، انتي محتاجة لمساحة نضيفة عشان تساعدك على الشعور بالسلام والرضا ، حطي دايما كل حاجة في مكانها ، والبيت مترتب.

14- بخري نفسك والبيت:

البخور هو فن قديم من الثقافات القديمة جدا ، وهو بيساعد على تطهير الهوا وتنقية الطاقة السلبية من البيت ، بالاضافة انه بيساعد بالفعل على حماية عيلتك من الطاقات الغير مرئية والارواح الضارة.

15- ارقصي:

الرقص ليه مفعول سحري ، شغلي موسيقتك المفضلة وارقصي عليها لوحدك ، ده يعتبر تدريب مفيد للروح.

16- هاتي اباجورة بملح الهيمالايا:

الاباجورة بملح الهيمالايا هي مش بس قطعة ديكور حلوة ، ولكن كمان بتساعد على تنقية الهوا في البيت ، بالاضافة لتهدئة الحساسية ، وممكن كمان تساعد على تحسين المزاج ، لما تحبي تتخلصي من الطاقة السلبية من بيتك ، دي تعتبر طريقة رائعة جدا تبدأيي بيها.

17- قضي وقت مع عيلتك واصحابك:

ماتهمليش العيلة والاصحاب ابدا ، قضاء وقت معاهم هيساعدك تفضلي ايجابية ومتفائلة ، لان معظمهم كمان هيكونوا معاكي وقت الشدة او في الوقت اللي حاسه انك محتاجة دعم فيه.

18- اعملي قايمة بالحاجات اللي عايزة تعمليها:

صعب جدا ان الحياة تبقى صعبة او سلبية لو انتي ملياها نشاطات وعايشة حياتك بشكل صح ، اعملي قايمة بالحاجات اللي عايزة تعمليها وكل ما تعملي حاجة منهم اشطبي عليها ، واستمتعي بحياتك.

19- اعملي حدود:

واحد من اسباب الطاقة السلبية عند كتير من الناس هو انهم مش عاملين حدود لحياتهم ، لازم تعملي حدود للاشخاص اللي حواليكي واتعلمي تقولي “لا” للناس ، الحدود صحية ليكي وللي حواليكي.

20- جربي لوحة الرؤية:

غالبا بتستخدم لوحة الرؤية في الشركات عشان تساعدهم انهم يشركوا الفريق والموظفين في وضع خطط الشركة ، جربي تعلميها لنفسك في البيت وحطي خطط لحياتك ، وحاجات نفسك تعمليها او توصلي لها ، لان لو مافيش تطلعات لحياتك ، هيبقى مالهاش معنى ومش هتحسي بوجودك.

لان الحياة اكتر بكتير من مجرد انك تقومي من النوم وتروحي الشغل وترجعي البيت للنوم ، الحياة انتي اللي بتعمليها ، واكيد هتبقي محتاجة رؤية لمستقبلك.

اكيد مش سهل التخلص من السلبية في حياتك مع وجود ضغوطات من وظيفة مرهقة, تعب, حياة منزلية صعبة ، ولكن مع ذلك الطرق دي هتساعدك بشكل فعال جدا على التخلص من الطاقة السلبية ، وفكري دايما ايه هي التحديات المستحيلة اللي ممكن تكون في حياتك لدرجة تخليكي متشائمة؟ انتي تقدري تتخلصي من السلبية من حياتك ، وهتغيري حياتك بطريقة ماكنتيش تتخيليها قبل كده.

10 طرق للتخلص من الطاقة السلبية في البيت

طرق للتخلص من الطاقة السلبية