ليه المفروض متغسليش وشك اثناء الشاور

ريهام محمود
ريهام محمود
في
بشرة
1298

على قد ما هو مريح بالنسبة لك انك تشيلي المكياج اثناء الاستحمام ، لكن ده ممكن يضر صحة بشرتك اكتر من انه ينفعها ، لان بشرة الوجه اكتر حساسية من بشرة الجسم ، عشان كده الافضل انك اثناء الاستحمام تخلي وشك بعيد عن الماية اللي نازلة من الدش ، والنهاردة من خلال موضوعنا هنشارك معاكم اضرار غسل الوجه اثناء الشاور.

اضرار غسل الوجه اثناء الشاور:

1- ممكن يخلي حب الشباب اسوأ:

الاستحمام بالماية السخنة لفترات طويلة ، ممكن انه يزيل الزيوت الطبيعية اللي محتاجاها بشرتك عشان تفضل صحية وفي افضل حالاتها ، ولو انتي بشرتك بالفعل جافة ، فغسل الوش اثناء الشاور هيزود المشكلة ، ولما بشرتك تنشف زيادة هتحتاجي ترطبيها اكتر عشان تخففي الاحساس بالجفاف وده في النهاية ممكن يخلي بشرتك معرضة لحب الشباب والتهابات الجلد بشكل عام.

اضرار غسل الوجه اثناء الشاور 1
اضرار غسل الوجه اثناء الشاور 1

2- ممكن يأثر على لون بشرتك:

غسل البشرة اثناء البشرة ممكن يأدي لاحمرارها ، لان الماية السخنة في الحمام ممكن تأدي لتمدد الاوعية الدموية على الوش ، وده بدوره هيأدي لتلف الشعيرات الدموية الدقيقة على خدك ، وبالتالي هيظهر على الجلد شبكات شعرية دموية, او الوردية وهي حالة جلدية شائعة جدا.

اضرار غسل الوجه اثناء الشاور 2
اضرار غسل الوجه اثناء الشاور 2

3- ممكن يأدي لظهور التجاعيد المبكرة:

ممكن تكوني لاحظتي في اوقات كتير تجعد جلد الصوابع بعد الاستحمام بالماية السخنة لفترة طويلة ، ده بيحصل لان الماية السخنة بتزيل الرطوبة من البشرة وبتتلف الطبقة الواقية للبشرة اللي بتساعد على حبس الرطوبة ، والشيء نفسك بينطبق على بشرة وشك اللي ممكن يظهر فيها تجاعيد بشكل اسرع لو اتعرضت للماية السخنة بانتظام.

اضرار غسل الوجه اثناء الشاور 3
اضرار غسل الوجه اثناء الشاور 3

4- ممكن يخلي بشرتك حساسة اكتر:

غسل الوش اثناء الاستحمام بالماية السخنة هيأثر بشكل سلبي على صحة بشرتك ، وهيخليها جافة وحساسة زيادة ، والافضل انك تتجنبي الاستحمام بالماية السخنة خصوصا خلال فصل الشتا اللي بتكون البشرة فيه معرضة اكتر للجفاف والتهيج.

اضرار غسل الوجه اثناء الشاور 4

5- ممكن يسبب الحكة لبشرتك:

كتير من الناس ممكن بشرتهم تصاب بالحكة بعد الاستحمام لفترة طويلة ، وعادة الاحساس بيكون خفيف وبيستمر لفترة قصيرة بس ، ولكن غسل الوش بالماية السخنة بانتظام ممكن يسبب حكة في بشرتك وحتى كمان تقشرها.

اضرار غسل الوجه اثناء الشاور 5

هل لاحظتي تأثير غسل الوش اثناء الاستحمام على بشرتك؟ وهل متعودة تغسلي وشك اثناء الشاور ولا على الحوض بالطريقة العادية؟

مقالات متعلقه

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر

6 حاجات بنعملها كل يوم بتدمر بشرتنا من غير ما نحس

6 حاجات بنعملها كل يوم بتدمر بشرتنا من غير ما نحس

افضل مكونات الجمال لصحة البشرة ، ومصادرها

افضل مكونات الجمال لصحة البشرة ، ومصادرها