10 تسريحات شعر سهلة تعمليهم لو مستعجلة

ريهام محمود
ريهام محمود
في
شعر
2634

سواء كنتي متأخرة عن الشغل او مشوار او عايزة تعملي تسريحة سهلة وسريعة اي وقت ، هنشارك معاكم النهاردة 10 تسريحات شعر سهلة وسريعة تعمليهم في اقل من 10 دقايق ، تعالوا نشوف التسريحات مع بعض بالصور والفيديو.

تسريحات شعر سهلة:

1- تسريحة Crossover Ponytail:

التسريحة دي من التسريحات السهلة جدا اللي تقدري تعمليها الصبح ، والتسريحة دي المفروض تكون فوضوية فمدوريش على الكمال او انها تبقى مظبوطة اوي ، كل اللي هتعمليه طلعي خصلتين من الشعر من الجنبين ، واسحبي باقي الشعر اللي ورا ولميه ديل حصان ، بعدها خدي خصلة الشعر من جنب وخليها عكس الخصلة اللي في الجنب التاني بحيث يكون الخصلتين واخدين شكل كروس فوق ديل الحصان ، اربطيهم من تحت مع بعض او ثبتيهم بالبنس ، وكده تبقي خلصتي التسريحة في اقل من 10 دقايق ، وممكن تسحبي خصل شعر رفيعة حوالين الوش ، وتحاولي تنفشي ديل الحصان شوية بايدك عشان تديه شكل فوضوي.

تسريحات شعر سهلة 1
تسريحات شعر سهلة 1

التسريحة بالفيديو:

2- تسريحة Pull Through Braid:

التسريحة دي يمكن اول مرة تحسي انها صعبة شوية بالنسبة لك ، ولكن مجرد ما تعمليها اول مرة هتعمليها بعد كده بسهولة ، والتسريحة مناسبة لاي وقت ولخروجات بالليل.

تسريحات شعر سهلة 2
تسريحات شعر سهلة 2

التسريحة بالفيديو:

3- تسريحة Twisted Buns:

تسريحة من اسهل ما يمكن ومش هتاخد من دقيقتين ، وهي بكل بساطة هتقسمي الشعر وتعمليه كحكتين ، وتقدري تعمليهم تحت قريب من الرقبة او فوق.

تسريحات شعر سهلة 3
تسريحات شعر سهلة 3

التسريحة بالفيديو:

4- تسريحة Half-up, Half-down Pull-out:

كمان من التسريحات السهلة جدا اللي مش بتحتاج مجهود ، اقسمي شعرك نصين وخلي النص اللي فوق اقل من اللي تحت ، لمي النص اللي فوق ديل حصان وتقدري تعمليه كمان كحكة او ضفيرة حسب اللي تفضليه اكتر ، وسيبي باقي الشعر سايب.

تسريحات شعر سهلة 4
تسريحات شعر سهلة 4

التسريحة بالفيديو:

5- الضفاير الهولندية Dutch Braids:

الضفيرة الهولندية بتدي شكل مختلف للضفيرة ، وفي نفس الوقت سهلة وسريعة.

تسريحات شعر سهلة 5
تسريحات شعر سهلة 5

التسريحة بالفيديو:

6- تسريحة التاج المضفر Braided Crown:

تسريحة سهلة مش هتاخد منك اكتر من 5 دقايق لتنفيذها.

تسريحات شعر سهلة 6

التسريحة بالفيديو:

7- تسريحة نصف كحكة Half-up Bun:

دي تعتبر اسهل تسريحة شعر ممكن تعمليها ، قسمي شعرك نصين ، واعملي النص اللي فوق كحكة فوضوية وثبتيها بالبنس وممكن تلفي حواليها سكارف صغير ، وسيبي باقي الشعر سايب.

تسريحات شعر سهلة 7

التسريحة بالفيديو:

8- تسريحة نصف ضفيرة Half-up Braid:

قسمي شعرك نصين ، اعملي الجزء اللي فوق ضفيرة هولندية او فرنسية ، لكن بدل ما تكمليها للاخر هتقفي لحد رقبتك بس وثبتيها  ، وسيبي باقي الشعر ممكن تعمليه كيرلي او تسيبيه بطبيعته زي ما هو.

تسريحات شعر سهلة 8

التسريحة بالفيديو:

9- تسريحة Teased Fuller Ponytail:

التسريحة دي مناسبة جدا للبنات اللي شعرهم خفيف ، اعتمدي عليها عشان تديه حجم اكبر ، قسمي الشعر نصين ، لمي النص اللي فوق ديل حصان ، والنص التاني لمية ديل حصان تاني اقرب ما يكون للجزء اللي فوق.

تسريحات شعر سهلة 9

التسريحة بالفيديو:

10- تسريحة الضفاير البوهو Boho Braids:

دي تسريحة سهلة جدا تعمليها لما تحسي انك عايزة تسيبي شعرك على طبيعتة ، سيبي شعرك سايب وممكن تعمليه ويفي او كيرلي ، واربطي سكارف حوالين راسك ، واربطيه من ورا ، وضيفي بعض الضفاير لشعرك لاضافة لمسة هيبي للتسريحة.

تسريحات شعر سهلة 10

مقالات متعلقه

10 تسريحات شعر صيفية مثالية لايام الصيف الحر

10 تسريحات شعر صيفية مثالية لايام الصيف الحر

تسريحات شعر باستخدام السكارف والباندانا مناسبة للصيف

تسريحات شعر باستخدام السكارف والباندانا مناسبة للصيف

9 طرق سهلة ترفعي بيهم شعرك بسرعة لو مستعجلة

9 طرق سهلة ترفعي بيهم شعرك بسرعة لو مستعجلة