6 اسباب هتخليكي تاخدي شاور كل يوم ويوم

ريهام محمود
ريهام محمود
في
صحة
759

معظمنا ممكن ياخد شاور مرة في اليوم او اكتر ، ولكن الحقيقة ان الشاور اليومي يعتبر كتير او اكتر من الضروري ، ومش بيخدمنا من حيث المظهر او حتي صحتنا ، عشان كده النهاردة هنشارك معاكم اسباب هتخليكي تاخدي شاور كل يوم ويوم او بمعدل اقل ، وليه العادة دي تستحق التوقف عندها.

اسباب هتخليكي تاخدي شاور كل يوم ويوم:

1- هتكوني اقل عرضة للاصابة:

ممكن تفكري ان الاستحمام اليومي اكتر صحة من تقليل مرات الاستحمام ، ولكن في الواقع ان الموضوع العكس ، لان الاستحمام المتكرر ممكن يأدي لتعطيل توازن الكائنات الحية الدقيقة على الجلد ، ودي هيخليه اقل حماية واكتر عرضة للعدوى ، لان جهاز المناعة بيحتاج لتحفيز معين من خلال البكتيريا عشان يأدي وظيفتة بشكل صح ، والاستحمام اكتر من مرة في اليوم ممكن يضعف جهاز المناعة وقدرته على حماية جسمنا من الفيروسات.

اسباب هتخليكي تاخدي شاور كل يوم ويوم 1
اسباب هتخليكي تاخدي شاور كل يوم ويوم 1

2- بشرتك هتشكرك على ده:

الاستحمام الطويل بالماية السخنة ممكن يحسسك بالاسترخاء والانتعاش وبنضافة بشرتك ، ولكن ممكن انها تساهم كمان في الشيخوخة المبكرة للبشرة ، بشرتنا متغطية بطبقة خارجية دهنية بتحمي البشرة وبتحبس الرطوبة للحفاظ على نضارة البشرة وشبابها لفترة اطول ، وغسل البشرة وفركها ممكن يأدي لازالة الطبقة الواقية دي ، ويخلي بشرتك متهيجة وجافة وفيها تجاعيد.

اسباب هتخليكي تاخدي شاور كل يوم ويوم 2
اسباب هتخليكي تاخدي شاور كل يوم ويوم 2

3- شعرك هيبدأ في النمو بشكل اسرع:

الشعر لو اتغسل يوميا ده هيخليه باهت وضعيف ، لان الغسيل بشكل يومي بيزيل طبقة خارجية من الزهم واللي تعتبر درع واقي للشعر من التلف ، وكرد فعل هتبدأ المسام في انتاج كمية اكبر من المادة دي الدهنية دي ، وده هيسبب الحكة في فروة الراس والتهيج ، وفي النهاية هيسد المسام ، وده بدوره هيبطء من نمو الشعر ، وهيخلي شعرك غير صحي.

اسباب هتخليكي تاخدي شاور كل يوم ويوم 3
اسباب هتخليكي تاخدي شاور كل يوم ويوم 3

4- هتفقدي وزن زيادة:

عادة الاستحمام بشكل يومي بعد الوجبة ممكن تأدي لزيادة الوزن ، لان هضم الاكل بيتطلب تدفق الدم للمعدة ، ولما تاخدي شاور بعد الاكل على طول ده هيسبب في انخفاض جرحة حرارة جسمك ، وده هيربك جهازك الهضمي ، ولو بتعملي ده بانتظام بشكل يومي ، ممكن يأدي لتلف جهازك الهضمي ، وده بدوره هيأدي لزيادة الوزن.

اسباب هتخليكي تاخدي شاور كل يوم ويوم 4

5- هتكوني اقل عرضة لردود الفعل التحسسية:

الاستحمام اكتر من مرة في اليوم ممكن يكون عامل في حدوث حساسية الجلد المزعجة ، لما الغلاف الحمضي للجلد بيتلف ، ده بيقلل من قدرتة على محاربة المؤثرات الخارجية ، لان غسل كل البكتيريا من الجسم هيخلي جهاز المناعة بتاعك “كسول” وده هيأدي بدوره للحساسية والربو وحتى كمان مرض السكر.

اسباب هتخليكي تاخدي شاور كل يوم ويوم 5

6- افضل لصحتك الانجابية:

بالظبط زي بشرتنا ، المنطقة الحساسة حوالين اعضائك التناسلية بتحتاج هي كمان للتوازن البكتيري عشان تفضل صحية ، والماية بتحتوي على معادن ثقيلة ومواد كيميائية تانية مضرة ، بالاضافة كمان للعطور والاضافات الصناعية الموجودة في الصابون والشاور جل ، وممكن تعرضك لكل المواد الكيميائية دي بشكل يومي يأدي لاضطراب البكتيريا الجيدة داخل اعضائك التناسلية ، وده هيسبب الحكة والتهيج والالتهابات المختلفة.

اسباب هتخليكي تاخدي شاور كل يوم ويوم 6

مقالات متعلقه

افضل 8 اطعمة صحية للفطار والسحور في رمضان

افضل 8 اطعمة صحية للفطار والسحور في رمضان

نصايح لصيام صحي في رمضان

نصايح لصيام صحي في رمضان

10 تمارين واطعمة هتساعدك على بناء عضلات جسمك

10 تمارين واطعمة هتساعدك على بناء عضلات جسمك