مشروب حرق الدهون قبل النوم هيساعدك تخسري 4 كيلو في اسبوع واحد بس

ريهام محمود
ريهام محمود
1742

لو بتدوري على مشروبات صحية بتحرق الدهون بشكل فعال وسريع ، النهاردة هنشارك معاكم مشروب حرق الدهون تشربيه كل يوم قبل النوم ، هيساعدك تخسري من وزنك 4 كيلو في اسبوع واحد بس ، تعالوا نتعرف بالتفصيل على مكونات المشروبات وفوايد كل مكون الصحية وازاي بيساعد على انقاص الوزن.

فوايد مكونات المشروب:

خل التفاح:

خل التفاح من اكتر الحاجات المعروفة انها بتساعد على فقدان الوزن ، ولكن اللي معظمنا ميعرفوش هو ازاي بيساعد على التخسيس ، خل التفاح بيساعد على تثبيط الشهية او تقليلها ، وده معناه انه هيخليكي تحسي بالامتلاء بشكل اسرع او تشبعي بسرعة ، وده معناه انه هيساعدك على تقليل كمية السعرات الحرارية اللي بتدخل جسمك.

خل التفاح كمان بيبطء من الوقت اللي بياخده الاكل في الخروج من المعدة ، وده معناه انك هيخليكي تحسي بالشبع لفترة اطول.

مشروب حرق الدهون 1
مشروب حرق الدهون 1

عصير الليمون:

معروف ان عصير الليمون او ماية الليمون بتحتوي على سعرات حرارية منخفضة ، وده معناه ان الليمون هيساعد على تقليل عدد السعرات الحرارية اللي هتدخل الجسم.

بالاضافة انه كمان واحد من اكتر مثبطات الشهية بشكل فعال ، وده بيعزز الاحساس بالشبع.

مشروب حرق الدهون 2
مشروب حرق الدهون 2

العسل النحل:

العسل النحل دوره الاساسي انه بيدي طعم حلو للمشروب ، بالاضافة ان العسل غني بالفيتامينات الاساسية والدهون الصحية والمعادن ، ويعتبر افضل بديل صحي للسكر.

ولو انتي حاسه ان زيادة الوزن عندك سببها اكل كمية كبيرة من السكريات المصنعة ، بننصحك انك تجربي التخلص من السكر في جسمك ، واستبداله بالعسل الطبيعي.

مشروب حرق الدهون 3
مشروب حرق الدهون 3

القرفة المطحونة:

عشان المشروب ده يكون قوي ، هنبقى محتاجين نضيف له بعض المكونات اللي ليها فوايد صحية وفي نفس الوقت مش هتأثر على هدفك في انقاص الوزن ، والقرفة هي واحدة من المكونات دي.

الدراسات اثبتت ان القرفة تعتبر علاج طبيعي للجهاز التنفسي والجهاز الهضمي لانها بتحتوي على مضادات الاكسدة اللي بتساعد على الشفاء بشكل اسرع.

مشروب حرق الدهون 4

الماية:

معروف ان الماية مفيدة جدا لما الموضوع يكون متعلق بانقاص الوزن ، الماية تقدري تستخدميها كديتوكس للتخلص من سموم الجسم.

الماية بتساعد على الحفاظ على رطوبة الجسم ، والماية مع الليمون بتمد الجسم بقوة غذائية قوية جدا.

مشروب حرق الدهون 5

طريقة عمل مشروب حرق الدهون:

المكونات:

– 2 معلقة كبيرة من خل التفاح.

– 2 معلقة كبيرة من عصير الليمون.

– 1 معلقة كبيرة عسل نحل.

– 1 معلقة كبيرة قرفة مطحونة.

– 1 كوباية ماية سخنة.

طريقة التحضير:

طريقة تحضيره بسيطة جدا ، كل اللي هتعمليه سخني كوباية الماية ، واتأكدي ان الماية متوصلش لدرجة الغليان.

لما الماية تسخن كويس ، ضيفي لها كل المكونات الباقية اللي قولناها وقلبيهم كلهم مع بعض كويس ، لما يمتزجوا كويس ، سيبيه يبرد شوية وبعدين اشربيه.

بننصحك انك تشربي المشروب ده قبل النوم ، لان ده هيسمح لجسمك بأداء وظيفتة بشكل افضل اثناء نومك.

استمري عليه يوميا لمدة اسبوع ، وهتلاحظي نتايج ملحوظة بنفسك.

ملاحظة: كعامل مساعد مع المشروب عشان توصلي للوزن اللي انتي عايزاه ، ممكن تمارسي معاه بعض التمارين ، زي الجري كل يوم الصبح لمدة 15 دقيقة ده هيخلي المشروب فعال اكتر.

مشروب حرق الدهون 6
مشروب حرق الدهون 6

مقالات متعلقه

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن

وصفات لسد الشهية وتخسيس الوزن

وصفات لسد الشهية وتخسيس الوزن