فوايد شرب القهوة للشعر..وازاي تستخدميها في الوصفات الطبيعية

ريهام محمود
ريهام محمود
في
شعر
1250

القهوة من المشروبات اللي ليها فوايد كتير جدا ، برغم ان في اشخاص كتير ممكن يكونوا بيحاولوا يقللوا او يمنعوا نفسهم من شرب القهوة  ، الا ان ده ممكن يخليكي تفقدي بعض الفوايد لصحة وجمال شعرك من شرب القهوة ، لان ثبت ان القهوة بتعمل اكتر بكتير من انها مجرد مشروب بيفوقك كل يوم الصبح ويديكي نشاط لبداية يومك ، والنهاردة من خلال موضوعنا هنتعرف على فوايد شرب القهوة للشعر ، وازاي تستخدميها في الوصفات الطبيعية.

فوايد شرب القهوة للشعر:

1- زيادة نمو الشعر:

لو بتحاولي تخلي شعرك ينمو بشكل اسرع ، شرب فنجان قهوة يوميا ممكن انه يساعدك على الحصول على شعر اطول  ، لانه الكافيين بيستهدف الهرمون اللي بيساعد خلايا الشعر في انتاج المركبات العضوية اللي بتساعد الشعر على النمو بشكل اكبر.

فوايد شرب القهوة للشعر 1
فوايد شرب القهوة للشعر 1

2- زيادة لمعان الشعر:

برغم ان السيروم والبلسم بيساعد على انعاش الشعر وبيديه لمعان ، الا ان نتايجهم بتكون مؤقتة ، وبصرف النظر عن الفوايد الكتير التانية للقهوة ، الا ان شرب القهوة ممكن يساعدك على التخلص من بهتان الشعر ، لان الكافيين بيساعد على زيادة الدورة الدموية ، وده بدوره بيساعد على توصيل العناصر الغذائية لجذور الشعر ، وده هيخلي خصلات شعرك بتلمع بشكل طبيعي.

فوايد شرب القهوة للشعر 2
فوايد شرب القهوة للشعر 2

3- تقوية الشعر:

القهوة بتساعد على تقوية الشعر من الداخل  ، لان زي ما قولنا الكافيين بيساعد على زيادة تدفق الدم لفروة الراس وده بيمنع بصيلات الشعر من الضعف وبيمنع تساقط الشعر وبيخلي الشعر اكتر نعومة وقوة.

فوايد شرب القهوة للشعر 3
فوايد شرب القهوة للشعر 3

4- تكثيف الشعر:

في حين ان معظم منتجات العناية بالشعر اللي بتحتوي على مادة الكافيين ممكن تخلي شعرك اكتر كثافة ، الا ان شرب القهوة بشكل مباشر بيساعد على وصول المادة الكيميائية لبصيلات الشعر ، لان الكافيين بيحسن تدفق الدم ، وده بيساعد على نمو وتكثيف الشعر اكتر.

فوايد شرب القهوة للشعر 4

5- السيطرة على الشعر:

على الرغم من ان نسيج شعرك بيتم تحديده بشكل اساسي من خلال العوامل الوراثية  ، الا ان عادات الاكل والشرب ممكن انها تأثر كمان على جودة شعرك ، غير ان القهوة هتخلي الشعر اقوى واكتر لمعان ، الا ان الكافيين هيساعدك على السيطرة والتحكم في شعرك ، لما جذور الشعر يوصلها كفايتها من الفيتامينات والعناصر الغذائية الاساسية ، ده في النهاية هيخلي شعرك اكتر نعومة وهيسهل التحكم فيه.

فوايد شرب القهوة للشعر 5

وصفات طبيعية للشعر بالقهوة:

1- صبغ الشعر بالقهوة:

لو بتدوري على حاجة طبيعية تخفي بيها الشعر الابيض وتمنعي بيها تساقط الشعر وتزودي لمعانه ، الوصفة دي هتكون مفيدة ليكي جدا ، وتقدري تعمليها بكل سهولة.

الحاجات اللي هتحتاجيها:

حضري من 2 – 4 كوبايات قهوة (حسب طولو كثافة شعرك) وسيبيها تبرد.

ازازة سبراي.

شاور كاب.

طريقة التحضير والاستخدام:

– حسب طول شعرك ، حطي من 2 – 4 كوبايات قهوة في ازازة سبراي ، واتأكدي انها باردة تماما قبل ما تحطيها في الازازة.

– رشي القهوة على شعر مبلول ، واتأكدي انك شبعتي كل الخصلات بالقهوة.

– دلكي القهوة في فروة الراس لمدة دقايق.

– غطي شعرك بالشاور كاب او كيس بلاستيك ، وسيبيه لمدة 20 دقيقة.

– وللترطيب اكتر ممكن تخلطي مع القهوة بلسم للشعر قبل  ما تحطيها على شعرك.

– اغسلي القهوة من على شعرك بماية باردة او فاترة.

وصفات طبيعية للشعر بالقهوة 1
وصفات طبيعية للشعر بالقهوة 1

2- ماسك القهوة:

الحاجات اللي هتحتاجيها:

2 معلقة قهوة مطحونة.

1 معلقة كبيرة عسل.

1 معلقة كبيرة زيت زيتون او زيت جوز الهند.

طريقة التحضير والاستخدام:

– اخلطي المكونات كلها مع بعض ، لحد ما يبقى عندك خليط ناعم.

– وزعي الخليط على شعرك من الجذور للاطراف.

– غطي شعرك بشاور كاب وسيبيه لمدة 20 دقيقة.

– اغسلي شعرك بماية فاترة.

وصفات طبيعية للشعر بالقهوة 2
وصفات طبيعية للشعر بالقهوة 2

3- بلسم مرطب بالقهوة:

تقدري تستخدمي القهوة كبلسم للشعر ، بكل بساطة اغسلي شعرك بشامبو خفيف خالي من الكبريتات ، اعصريه واتخلصي من اي ماية زيادة ، بعدها حطي القهوة وتكون باردة على شعرك (كمية القهوة حسب طول وكثافة شعرك) ، وسيبيها لمدة 5 – 10 دقايق بعدها اشطفيه بالماية الفاترة.

وصفات طبيعية للشعر بالقهوة 3

نصايح عند استخدام القهوة على الشعر:

– استخدمي القهوة غير المنكهة لشطف الشعر ، اي نوع قهوة مع نكهة مضافة او القهوة السريعة بتحتوي على سكر اضافي وممكن ده يقلل من فعالية القهوة على الشعر.

– ماتستخدميش القهوة السخنة على فروة الراس ، استني لما تبرد تماما قبل ما تحطيها على شعرك.

فوايد القهوة للشعر
فوايد القهوة للشعر

مقالات متعلقه

خطوتين بس هيساعدوا على زيادة نمو شعرك بسرعة وتكثيفه

خطوتين بس هيساعدوا على زيادة نمو شعرك بسرعة وتكثيفه

طريقة عمل شامبو البيض الطبيعي المغذي للشعر في البيت

طريقة عمل شامبو البيض الطبيعي المغذي للشعر في البيت

طريقة العناية بالشعر في الشتا وفترة الرياح الموسمية

طريقة العناية بالشعر في الشتا وفترة الرياح الموسمية