حضري اشهر 3 صوصات برجر من ماكدونالدز
لو انتي من عشاق برجر ماكدونالدز ، اكيد هتبقي عارفة قد ايه الصوصات بتاعته بيبقى طعمها لذيذ ومختلف ، عشان كده النهاردة من خلال موضوعنا جيبنالكم طريقة عمل اشهر صوصات برجر ماكدونالدز ، صوص برجر الفراخ, واللحمة, والسمك.
صوصات برجر ماكدونالدز:
1- صوص البيج ماك:
المكونات:
– ½ كوباية مايونيز (6 معالق كبيرة).
– 1 معلقة كبيرة خيار مخلل مبشور.
– 1 معلقة صغيرة سكر.
– ½ معلقة صغيرة بصل بودر.
– ½ معلقة صغيرة ثوم بودر.
– 1 معلقة صغيرة بابريكا.
– 1 معلقة صغيرة خل ابيض.
– 1 معلقة صغيرة مسطردة.
طريقة التحضير:
في طبق كبير اخلطي كل المكونات مع بعض ، وقلبيهم لحد ما يمتزجوا كويس ، وسيبي الخليط لمدة 30 دقيقة قبل الاستخدام ، ده هيدي طعم افضل عشان هتكون المكونات كلها امتزجت مع بعض كويس ، بعدها الصوص هيبقى جاهز تحطيه مع ساندوتشات البرجر ، وكتغميسة للبطاطس المحمرة.
2- صوص ماك تشيكن:
المكونات:
– ½ كوباية مايونيز (6 معالق كبيرة).
– 1 ½ معلقة صغيرة سكر.
– ½ معلقة صغيرة ثوم بودر.
– ½ معلقة صغيرة بصل بودر.
– 1 ½ معلقة صغيرة خل ابيض.
– 1 معلقة صغيرة مسطردة.
طريقة التحضير:
اخلطي كل المكونات مع بعض وقلبيهم كويس ، وسيبي الخليط 30 دقيقة قبل الاستخدام عشان مكوناته تمتزج مع بعض كويس.
3- صوص فيليه السمك:
المكونات:
– ½ كوباية مايونيز (6 معالق كبيرة).
– 1 معلقة كبيرة بصل مبشور ناعم.
– 1 معلقة كبيرة خيار مخلل مبشور.
– 1 معلقة كبيرة بقدونس مفروم.
– 1 معلقة كبيرة كيبر Capers مفروم ناعم (هنلاقيه متوفر في اي هايبر ماركت).
– 1 ½ معلقة صغيرة سكر.
– 1 ½ معلقة صغيرة خل ابيض.
– ½ معلقة صغيرة مسطردة.
طريقة التحضير:
اخلطي المكونات كلها مع بعض وقلبيهم كويس ، وسيبي الخليط يرتاح 30 دقيقة لطعم افضل ، وكده الصوص يبقى جاهز.
