نصايح لتنضيف ادوات التجميل الخاصة بيكي

ريهام محمود
ريهام محمود
في
مكياج
542

تنضيف ادوات التجميل الخاصة بيكي كل فترة مهم جدا ، ومش بس ادوات المكياج ولكن كمان كل حاجة بتستخدميها لبشرتك ولشعرك ، لان استخدام ادوات مش نضيفة ممكن يأثر بشكل سلبي على البشرة والشعر ، والنهاردة من خلال موضوعنا هنتعرف مع بعض على نصايح لتنضيف ادوات التجميل الخاصة بيكي.

نصايح لتنضيف ادوات التجميل:

مش كل حاجة نقدر ننضفها بالماية والصابون ، كل حاجة ليها طريقة تنضيف مختلفة ، وده اللي هنعرفه في السطور الجايه ، وهنقولك الطريقة المناسبة لتنضيف كل حاجة.

1- تنضيف اداة تني الرموش:

استبدلي القطعة المطاطية ، او امسحيها بقطعة قطن ومزيل مكياج.

نصايح لتنضيف ادوات التجميل 1
نصايح لتنضيف ادوات التجميل 1

2- الرموش الصناعية:

انقعي الرموش الصناعية في ماية دافية مع صابون غسيل الاطباق سايل ، ده هيساعد ان الصمغ اللي على الرموش يطلع بسهولة.

نصايح لتنضيف ادوات التجميل 2
نصايح لتنضيف ادوات التجميل 2

3- البراية:

زيلي كل بواقي النشارة من بري القلم ، واستخدمي قطعة قطن مبللة بالكحول امسحي بيها البراية من بره ومن جوه من كل الزوايا.

نصايح لتنضيف ادوات التجميل 3
نصايح لتنضيف ادوات التجميل 3

4- عصاية الماسكارا:

انقعيها في ماية دافية ، وحطي على الشعيرات بتاعتها شامبو ، واشطفيها بالماية , وكرري العملية لحد ما تنضف.

نصايح لتنضيف ادوات التجميل 4
نصايح لتنضيف ادوات التجميل 4

5- فرش المكياج والاسفنج:

اغسليها بماية دافية مع كام نقطة من شامبو الاطفال ، وبعديها اشطفيها بالماية.

نصايح لتنضيف ادوات التجميل 5
نصايح لتنضيف ادوات التجميل 5

6- شنطة المكياج:

امسحيها من جوه ومن بره بالويبس الخاص بازالة المكياج ، وسيبيها تنشف تماما ، وبعدين رجعي فيها مكياجك تاني.

نصايح لتنضيف ادوات التجميل 6
نصايح لتنضيف ادوات التجميل 6

7- فرشة الشعر:

اتخلصي من الشعر المتشابك فيها بخلة الاسنان ، وبعدها انقعيها في ماية دافية وحطي على اسنان الفرشة شوية شامبو وباستخدام فرشة اسنان افركي القاعدة بتاعتها لحد ما تنضف ، وبعدين اشطفيها بالماية.

نصايح لتنضيف ادوات التجميل 7
نصايح لتنضيف ادوات التجميل 7

8- توك الشعر:

اغسليها بالماية والصابون ، واشطفيها وعلقيها لحد ما تنشف تماما قبل استخدامها.

نصايح لتنضيف ادوات التجميل 8
نصايح لتنضيف ادوات التجميل 8

9- المكوى المسطحة:

امسحيها بقطعة قطن مبللة بالكحول.

نصايح لتنضيف ادوات التجميل 9

10- السيشوار:

مرري فرشة اسنان على فتحة التهوية الخلفية على تشيلي الوبر والشعر.

نصايح لتنضيف ادوات التجميل 10

11- الملقاط:

عشان تخليه حاد ويشيل معاكي الشعر بسهولة ، هاتي قطعة ورق صنفرة حطيها بين ناحيتين الملقاط واقفليه عليها واسحبيه.

نصايح لتنضيف ادوات التجميل 11

12- ادوات الاظافر:

انقعيها في ماية دافية لمدة دقيقتين ، ونشفيها ، وبعدين امسحيها بقطعة قطن مبللة بالكحول.

نصايح لتنضيف ادوات التجميل 12

13- فرشة تنضيف البشرة:

اغسليها بصابون الاطباق, او بغسول البشرة, او الشامبو ، ونشفيها على الفوطة لمدة دقيقة.

نصايح لتنضيف ادوات التجميل 13

14- الليفة:

المفروض تتغير كل 3 – 4 اسابيع.

نصايح لتنضيف ادوات التجميل 14

15- الليفة البلاستيك:

اغسليها باي نوع منظف متوفر عندك ، واتجنبي وضعها في مجفف الغسالة ، واستبدليها كل شهرين.

نصايح لتنضيف ادوات التجميل 15

16- الحجر الخفاف:

خزنيها في مكان جاف لحد ما تيجي تستخدميها تاني.

نصايح لتنضيف ادوات التجميل 16

تاريخ انتهاء صلاحية منتجات التجميل:

تابعي تاريخ انتهاء الصلاحية للمنتجات اللي موجودة عندك ، وبكده هتعرفي امتى وقت التخلص منها ، وتاريخ انتهاء الصلاحية بيبدأ من اول تاريخ فتح المنتج واستخدامه ، اعرفي في السطور الجايه تاريخ انتهاء كل منتج.

نصايح لتنضيف ادوات التجميل 17

من 2 – 3 شهور:

المنتجات دي المفروض تستبدليها بعد شهرين لتلات شهور.

– ماسك ال Peel off وال Sheet mask.

– وسادات حب الشباب.

– الليفة.

– الماسكارا.

– مبرد الاظافر.

تاريخ انتهاء صلاحية منتجات التجميل 1
تاريخ انتهاء صلاحية منتجات التجميل 1

من 6 شهور – سنة:

– الايلاينر السائل.

– الكونسيلر.

– السيروم.

– غسول الوجه.

– كريمات وغسولات حب الشباب.

– الفونديشن السائل.

– كريم العين.

تاريخ انتهاء صلاحية منتجات التجميل 2
تاريخ انتهاء صلاحية منتجات التجميل 2

من سنة – سنة ونصف:

– ملمع الشفايف.

– الايشادو الكريمي.

– كريم الوجه.

– واقي الشمس.

– الصابون.

– الشاور جل.

– جل الحواجب.

تاريخ انتهاء صلاحية منتجات التجميل 3

سنتين:

– اقلام الشفايف والعين.

– الروج.

– المانيكير.

– الايشادو والبلاشر البودر.

– الفونديشن البودر.

– لوشن الجسم.

– السكراب.

تاريخ انتهاء صلاحية منتجات التجميل 4

مقالات متعلقه

ازاي تحطي الروج الغامق زي المحترفين للوك مكياج مثالي

ازاي تحطي الروج الغامق زي المحترفين للوك مكياج مثالي

5 اوقات تستغني فيهم عن كريم الاساس وتستخدمي بداله BB كريم

5 اوقات تستغني فيهم عن كريم الاساس وتستخدمي بداله BB كريم

5 افكار لمكياج يومي طبيعي

5 افكار لمكياج يومي طبيعي