5 نصايح سهلة وبسيطة لوضع مانيكير الأظافر بطريقة صحيحة

آية حسان
آية حسان
في
أظافر
7449

لو تعتبي من مشوار الصالون كل شوية وبتدوري على حل بسيط تعملي بيه المانيكير لنفسك في البيت يطلع نتيجة احترافية وبمجهود قليل ومن غير تكلفة كتير، في المقال ده بنات حوا هيتشاركوا معاكي 5 نصايح سهلة وبسيطة لوضع مانيكير الأظافر بطريقة صحيحة لنتايج ممتازة، خلينا نعرفهم سوا. 

5 نصايح سهلة وبسيطة لوضع مانيكير الأظافر بطريقة صحيحة

ابعدي عن الكيماويات الكتير 

خليكي حريصة انك تتخدمي مانيكير نضيف من براند مضمونة، وابعدي عن الحاجات الرخيثة عشان نسبة الكيماويات وجودة اللون فيها بتبقى سيئة شوية، كمان لازم تنضفي ضوافرك كويس قبل ما تحطي المانيكير الجديد وتتخلصي من أي بقايا لمانيكير قديم، ولما تيجي تشلي المانيكير جربي تستخدمي مزيلات طبيعية وفي دلوقتي كمان مزيلات خالية من الأسيتون أساسا وفعالة وبتحافظ على نعومة ضوافرك ولونها وملمسها الطبيعيين. 

ابعدي عن الكيماويات الكتير
ابعدي عن الكيماويات الكتير

استخدمي الضوافر اللي بتتلزق بدل الأكليريك

الضوافر الأكريليك للأسف ضارة بنسبة كبيرة  عشان كده حاولي تستغني عنها وتستبدليها بضوافرك الطبيعية او انك تستخدمي الضوافر اللي بتتلزق بلزق دابل فيس، لأنها بتكون اسهل في التركيب والخلع وكمان مابتسببش اي ضرر لضوافرك وبتدي نفس الشكل الحلو للأكريليك. 

استخدمي الضوافر اللي بتتلزق بدل الأكليريك
استخدمي الضوافر اللي بتتلزق بدل الأكليريك

 دايماً استخدمي Base Coat

عشان تتجنيب انه ضوافرك مع الوقت تتحولللون الاصفر وان كمان المانيكير عليها يبقى شكله ملغبط بدل ما شكله يكن حلو وأملس لازم تحطي Base Coatالاول وتسيبيه ينشف قبل ما تحطي المانيكير بتاعك، ادهنيه من تحت لفوق في حركة تصاعدية واحدة وسيبيه ينشف من 4 لـ 5 دقايق قبل ما تحطي المانيكير. 

دايماً استخدمي Base Coat
دايماً استخدمي Base Coat

حطي طبقتين من المانيكير

عشان تطلعي بنتيجة احترافية زي الصالون، حطي طبقتين من المانيكير اللي هتستخدميه، دايما استخدمي طريقة التطبيق من تحت لفوق واستني لما الطبقة الاولي تنشف بالكامل وبعدين حطي الطبقة الثانية فوقيها. 

حطي طبقتين من المانيكير
حطي طبقتين من المانيكير

سيبي ضوافرك تنشف 

ما تستعجليش على ضوافرك انها تنشفن ودايما خليكي حريصة انك تحطي المانيكير قبل مشوارك او الوقت الليهتلبسي فيه بوقت كافي انك تحطي براحتك وان ضوافرك تنشف تماما قبل ما تتحركي، ولافضل دايما انك تسيبيها تنشف بشكل طبيعي في هوا الاوضة ولوحدها. 

سيبي ضوافرك تنشف
سيبي ضوافرك تنشف

اعرفي معانا كمان تصاميم مانيكير مبتكرة وتريندي في 2021 

مقالات متعلقه

بالصور والانواع.. أفضل 10 ألوان مانيكير للبشرة الفاتحة من موضة 2019

بالصور والانواع.. أفضل 10 ألوان مانيكير للبشرة الفاتحة من موضة 2019

تصميم لرسم ضوافرك يوم فرحك خطوة بخطوة بالصور

تصميم لرسم ضوافرك يوم فرحك خطوة بخطوة بالصور

نصايح  ايه اللى تعمليه و ايه اللى تتجنبيه علشان تحصلى على مانيكير مثالى لفرحك

نصايح ايه اللى تعمليه و ايه اللى تتجنبيه علشان تحصلى على مانيكير مثالى لفرحك